Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ສະຖາບັນທົດແທນ ແລະ ວັດສະດຸໃໝ່ຍາດໄດ້ຜົນສຳເລັດຫຼາຍດ້ານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 15/05/2020 09:14:14 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1266 ຄັ້ງ

ໂດຍ: ແສງ​ຈັນ

  ໜ່ວຍ​ພັກ​ສະ​ຖາ​ບັນທົດ ​ແທນ​ ແລະ​ ວັດ​ສະ​ດຸ​ໃໝ່  (ສພວ) ແມ່ນ​ສະ​ຖາ​ບັນ​ໜຶ່ງ​ທີ່​ມີ​ບົດບາດ​ໃນ​ການ​ຄົ້ນຄວ້າ ແລະ​ພັດທະນາ ທາງ​ດ້ານ​ພະລັງງານ​ທົດ​ແທນ ແລະ ວັດ​ສະ​ດຸ​ໃໝ່ ເພື່ອ​ເຜີຍແຜ່​ຜົນ​ສໍາ​ເລັດ​ຂອງ​ການ​ຄົ້ນຄວ້າ ແລະ ທົດ​ລອງ​ດັ່ງກ່າວອອກ​ສູ່​ສັງຄົມ ດ້ວຍ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ການເມືອງ; ພາຍ​ໃຕ້​ການ​ຊີ້​ນໍາ-ນໍາ​ພາ​ຈາກ​ຄະນະ​ໜ່ວຍ​ພັກ ກໍ​ຄື ເລຂາ​ຄະນະ​ພັກ​ກະຊວງ​ວິທະຍາສາດ​ ແລະ ​ເຕັກ​ໂນ​ໂລ​ຊີ ຈຶ່ງ​ເຮັດ​ໃຫ້​ໄດ້​ຮັບ​ຜົນ​ສໍາ​ເລັດ​ຫຼາຍ​ດ້ານ.
  ທ່ານນາງ​  ໄມຕີ ວົງ​ຄໍາ​ຊາວ ເລຂາ​ໜ່ວຍ​ພັກ ໄດ້​ຂຶ້ນ​ລາຍ​ງານໃນ​ກອງ​ປະຊຸມ​ໃຫຍ່ ຄັ້ງ​ທີ 2 ຂອງ​ໜ່ວຍ​ພັກ ສພວ ທີ່​ຜ່ານ​ມາວ່າ:  ພາຍ​ໃຕ້​ການ​ຊີ້​ນໍາ-ນໍາ​ພາ​ຈາກ​ຄະນະ​ໜ່ວຍ​ພັກ ກໍ​ຄືເລຂາ​ຄະນະ​ພັກ​ກະຊວງ​ວິທະຍາສາດ​ ແລະ​ ເຕັກ​ໂນ​ໂລ​ຊີ ໜ່ວຍ​ພັກ​ສະຖາ​ບັນ​ທົດ​ແທນ​ ແລະ​ ວັດ​ສະ​ດຸ​ໃໝ່  ຈຶ່ງ​ມີ​ຜົນ​ສໍາ​ເລັດ​ຫຼາຍ​ດ້ານເປັນຕົ້ນ​ແມ່ນວຽກ​ງານ​ການ​ຄົ້ນ​ຄວ້າ​ນໍາ​ໃຊ້. ໂຄງການ​ຜະລິດ​ ແລະ​ນໍາ​ໃຊ້​ດິນ​ອັດ​ແໜ້ນ​ແບບ​ໄຮ​ໂດ​   ລິ​ກ​ທີ່​ທັນ​ສະໄໝ, ໂຄງການ​ຄົ້ນ​ຄວ້າ​ນໍາ​ໃຊ້​ເສັ້ນ​ໄຍ​ຕົ້ນ​ກ້ວຍ ເພື່ອ​ຜະລິດ​ເປັນ​ວັດ​ສະ​ດຸ​ຫຸ້ມ​ຫໍ່​ສິນຄ້າ, ໂຄງການ​ຄົ້ນຄວ້າ ສໍາ​ລັບ​ຢອດ​ເມັດ ເພື່ອ​ດໍາ​ນາ​ໂນນ, ໂຄງການ​ຄົ້ນຄວ້າ ແລະ ຜະ​ລິດ​ນໍ້າ​ມັນ​ຊີວະ​ພາບ​ຄົບ​ວົງ​ຈອນ, ໂຄງການ​ສົ່ງເສີມ​ການ​ຜະລິດ​ເຕົາ​ຊີວະ​ມວນ ໂດຍ​ນໍາ​ໃຊ້​ເສດ​ໄມ້​ແຫ້ງ​ ຫຍ້າ​ແຫ້ງ ແລະ ໃບ​ໄມ້​ແຫ້ງ ​ເປັນ​ເຊື້ອ​ເພີງ ແລະ ໂຄງການ​ສົ່ງເສີມ​ວິທີ​ການ​ຜະລິດ  ແລະ ນໍາ​ໃຊ້​ບຣັອກ​ມວນ​ເບົາ​ນະ​ວັດ​ຕະ​ກໍາ​ສີຂຽວ​ເພື່ອ​ຊຸມ​ຊົນ.  
  ໃນ​ປີ 2015-2018 ໄດ້​ຮ່ວມ​ມື​ກັບ​ສະມາຄົມ​ເພື່ອ​ການ​ສະໜັບສະໜູນ ແລະ ປັບປຸງ​ຊົນນະບົດ​ລາວ  ທົດ​ສອບ​ເຕົາ​ປະຢັດ​ທີ່​ມີ​ປະສິດທິພາບ, ສໍາ​ເລັດ​ການ​ທົດ​ສອບ​ເຕົາ​ປະຢັດ​ຂອງ​ຜູ້​ປະກອບ​ການທີ່​ນອນ​ໃນ​ໂຄງການ ຈໍາ​ນວນ 506 ໜ່ວຍໃນ​ນັ້ນ​ເຕົາ​ຟືນ 69 ໜ່ວຍ ເຕົາ​ຖ່ານ 437 ໜ່ວຍ;  ຮ່ວມ​ກັບ​ມະຫາວິທະຍາໄລ​ຄູ​ຢຸນ​ນານ ສປ.ຈີນ ໃນ​ການ​ສ້າງ​ຫ້ອງ​ທົດ​ລອງ ຮ່ວມ​ມື ລາວ​-​ຈີນ ໃນ​ການ​ພັດທະນາ​ ແລະ ​ນໍາ​ໃຊ້​ພະລັງງານ​ທົດ​ແທນ ສໍາ​ເລັດ​ການ​ສ້າງ​ອາຄານ​ຫ້ອງ​ທົດ​ລອງ ຈໍາ​ນວນ 5 ຫ້ອງ ແລະ ປະກອບ​ອຸປະກອນ​ເຄື່ອງມື​ທົດ​ລອງ​ສໍາ​ລັບ ບໍ່​ແ​ກັສ​ຊີວະ​ພາບ, ພະລັງງານ​ໄຟຟ້າ​ແສງຕາ​ເວັນ ແລະ ລະບົບ​ກວດ​ສອບ ເຄື່ອງ​ຜະ​ລິດ​ນ້ຳ​ຮ້ອນ​ພະລັງງານ​ແສງ ຕາ​ເວັນ;  ສປ ຈີນ ​ຊ່ວຍເຫຼືອ​ປະກອບ​ອຸປະກອນ​ໃສ່​ຫ້ອງ​ທົດ​ລອງ ແລະ ອຸປະກອນ​ຕິດ​ຕັ້ງລະບົບ​ສາທິດ​ການ​ນໍາ​ໃຊ້​ພະລັງງານ​ທົດ​ແທນ ປະກອບ​ມີ ໄຟຟ້າ​ເຍືອງ​ທາງ 50 ຕົ້ນ, ເຄື່ອງ​ອົບ​ແຫ້ງ​ດ້ວຍ​ພະລັງງານ​ແສງຕາ​ເວັນ 2 ຊຸດ,  ເຄື່ອງ​ເຮັດ​ນໍ້າ​ຮ້ອນ​ຂະໜາດ 8 ແມັດ​ກ້ອນ 1 ຊຸດ, 4 ແມັດ​ກ້ອນ 1 ຊຸດ, 2 ແມັດ​ກ້ອນ  2 ຊຸດ, 1,5 ແມັດ​ກ້ອນ 1 ຊຸດ ແລະ ຂະໜາດ 1 ແມັດ​ກ້ອນ 2 ຊຸດ, ລະບົບ ​ສູບ​ນໍ້າ​ດ້ວຍ​ພະລັງ ງານ​ ແສງຕາ​ເວັນ  2 ຊຸດ ແລະ ບໍ່​ແ​ກັສ​ຊີວະ​ພາບຖັງ​ຟາຍ​ເບີ ຂະໜາດ 6 ແມັດ​ກ້ອນ ຈໍາ​ນວນ 50 ບໍ່ ລວມ​ມູນ​ຄ່າ​ທັງ​ໝົດ 5.820.000 ຢວນ, ບັນດາ​ອຸປະກອນ​ລະບົບ​ສາທິດ ແມ່ນ​ໄດ້​ໄປ​ຕິດ​ຕັ້​ງສໍາ​ເລັດ​ຕາມ​ຈຸດ​ຕ່າງໆ ເພື່ອ​ໃຫ້​ຊຸມ​ຊົນໄດ້​ທົດ​ລອງ​ນໍາ​ໃຊ້ ແລະ ໄດ້​ຮັບ​ການ​ຕອບ​ຮັບ​ດີ​ພໍ​ສົມ​ຄວນ.   
 ນອກຈາກ​ນັ້ນ, ໄດ້​ຮ່ວມ​ມື​ກັບ​ສະພາ​ບັນດິດ​ວິທະຍາສາດ ແລະ ເຕັກນິກ​ຂໍ້​ມູນ​ຂ່າວສານ ແຂວງ​ຢຸນ​ນານ ສປ.ຈີນ ໃນ​ການ​ກໍ່ສ້າງ​ສູນ​ຮ່ວມ​ມື​ນະ​ວັດ​ຕະ​ກໍາ ທາງ​ດ້ານ​ເຕັກ​ໂນ​ໂລ​ຊີ ແລະ ວິທະຍາສາດ ພະລັງງານ​ແສງຕາ​ເວັນ  ຊຶ່ງ​ໄດ້​ຕິດ​ຕັ້ງ​ລະບົບ​ໄຟຟ້າ​ພະລັງງານ​ແສງ ຕາເວັນ ໃສ່​ບ່ອນ​ຈອດ​ລົດຂະ ໜາດ 30 ກິໂລແມັດ ຢູ່​ສະ​ຖາ​ບັນ ແລະ ໄດ້​ສະໜອງ​ໄຟຟ້າ​ເຂົ້າ​ໃນ​ອາຄານ ຈໍາ​ນວນ 5.338,7 kwh/ເດືອນ ໃນ​ມູນ​ຄ່າ  44.000  ໂດ​ລາ;  ຮ່ວມ​ມື​ກັບ​ສະ​ຖາ​ບັນ​ວັດ​ສະ​ດຸ​ສາດສະພາ​ວິທະຍາສາດ ສສ ຫວຽດນາມ ສ້າງ​ຫ້ອງ​ທົດ​ລອງ ເຕັກ​ໂນ​ໂລ​ຊີ ພະລັງງານ​ທົດ​ແທນ​ທີ່​ສະອາດ ໄດ້​ສໍາ​ເລັດ​ການ​ຕິດ​ຕັ້ງ ແລະ ມອບ​-​ຮັບ​ເຄື່ອງ ແລະ​ອຸປະກອນ​ຫ້ອງ​ທົດ​ລອງ ຈໍາ​ນວນ  24 ລາຍການ ເປັນ​ມູນ​ຄ່າ 6 ຕື້​ດົງ;  ຮ່ວມ​ມືກັບ​ສະ​ຖາ​ບັນ​ວິໄຈ​ວິທະຍາສາດ  ແລະ ​ເຕັກ​ໂນ​ໂລ​ຊີ ແຫ່ງ​ປະ ເທດ​ໄທ ຄົ້ນຄວ້າກ່ຽວ​ກັບ​ຂັ້ນ​ຕອນ ແລະ ຜະ​ລິດ​ນໍ້າ​ມັນກາ​ຊ່ວນ​ຊີວະ​ພາບ​ຈາກ​ໝາກ​ເກົາ, ໝາກ​ປາມ ແລະ ພືດ​ໃຫ້​ນໍ້າ​ມັນ ຢູ່ ສປປ ລາວ;  ຮ່ວມ​ມືກັບ​ອົງ ການ UNIDO ສ້າງ​ສູນ​ຮຽນ​ຮູ້ ແລະ ຂໍ້​ມູນ​ຂ່າວສານ​ເຕັກ​ໂນ​ໂລ​ຊີ ຊີວະ​ມວນ ພາຍ​ໃຕ້ ໂຄງການ​ຫຼຸດຜ່ອນ​ທາດ​ອາຍ​ເຮືອນ​ແກ້ວ ໃນ​ພາກ​ອຸດ​ສາ​ຫະ​ກໍາ ໂດຍ​ການ​ນໍາ​ໃຊ້​ເຕັກ​ໂນ​ໂລ​ຊີ ອັດ​ເມັດ​ຈາກ​ສິ່ງ​ເສດ​ເຫຼືອ​ຊີວະ​ມວນ​ໃນ​ລາວ.
  ຄຽງ​ຄູ່​ກັບ​ຜົນ​ສໍາ​ເລັດ​ໃນ​ໄລຍະ​ຜ່ານ​ມາ 2014-2019, ແຜນການ​ໃນ​ປີ 2020-2024 ແມ່ນ​ຈະ​ໄດ້​ສືບ​ຕໍ່​ນໍາ​ພາ ການ​ສຶກສາ​ຄົ້ນຄວ້າ, ເລືອກເຟັ້ນ​ເອົາ​ເຕັກ​ໂນ​ໂລ​ຊີ​ພະລັງງານ​ທົດ​ແທນ ແລະ ວັດ​ສະ​ດຸ​ໃໝ່ ທີ່​ທັນ​ສະໄໝ​ຂອງ​ຕ່າງປະເທດ ເພື່ອ​ປັບ​ໃຊ້​ໃຫ້​ເໝາະ​ສົມ ກັບ​ສະພາບ​ເງື່ອນໄຂ​ຂອງ​ປະເທດ​ລາວ; ສືບຕໍ່​ຈັດ​ຝຶກ​ອົບຮົມ,ຖ່າຍ​ທອດ,ໂຄສະນາ​ເຜີຍແຜ່, ສາ​ທິດ​-​ວາງສະແດງ, ບໍລິການ ແລະ ​ສົ່ງເສີມ​ການ​ນໍາ​ໃຊ້ຜົນ​ສໍາ​ເລັດ​ຂອງ​ການ​ຄົ້ນຄວ້າ​ອອກ​ສູ່​ສັງຄົມ ໃຫ້​ກວ້າງຂວາງ​ກວ່າ​ເກົ່າ; ສືບ​ຕໍ່​ນໍາ​ພາ ຝຶກ​ອົບຮົມ​ໃຫ້​ພະນັກງານ​ວິຊາ​ການ ແລະ ພະນັກງານ​ເຂົ້າ​ໃໝ່, ສຶກສາ​ຄົ້ນຄວ້າ​ທ່າແຮງການ​ນໍາ​ໃຊ້​ພະລັງງານ​ທົດ​ແທນ ໃນ​ແຕ່​ລະ​ທ້ອງຖິ່ນທີ່​ຫາ​ໄດ້​ງ່າຍ ເຊັ່ນ: ແ​ກັສ​ຊີວະ​ພາບ, ເຕົາ​ປະຢັດ ແລະ ເຄື່ອງ​ອົບ​ແຫ້ງ​ພະລັງງານ​ແສງຕາ​ເວັນ​ສືບຕໍ່​ການ​ຄົ້ນຄວ້າ​ອອກ​ແບບ​ເຕົາ​ປະຢັດທີ່​ມີ​ປະ ສິດທິພາບ​ສູງ ແລະ ທົດ​ສອບ ຮ່ວມ​ກັບ ໂຄງການ​ສະມາຄົມ ເພື່ອ​ການ​ສະໜັບສະໜູນ ແລະ ປັບປຸງ​ຊົນນະບົດ;  ສືບຕໍ່​ຊີ້ນໍາ ຈັດ​ຕັ້ງ​ປະຕິບັດແຜນໂຄງການ ​ຄົ້ນຄວ້າ ທີ່​ໄດ້​ຮັບ​ທຶນ​ສະໜັບ ສະໜູນ​ຈາກ​ລັດຖະບານ ເຊັ່ນ: ໂຄງການ​ຄົ້ນຄວ້າການ​ຜະ ລິດນໍ້າ​ມັນໄບ​ໂອ​ດີ​ເຊ​ວ; ຄົ້ນ​ຄວ້າ​ນໍາ​ໃຊ້​ສິ່ງ​ເສດ​ເຫຼືອກະ​ສິ​ກໍາ ເພື່ອ​ຜະລິດ​ເປັນ​ເຊື້ອ​ໄຟ​ແຂງ ແລະ ສົ່ງເສີມ​ເປັນ​ສິນ ຄ້າ; ຄົ້ນຄວ້າເຄື່ອງ​ອົບ​ແຫ້ງ​ຜະລິດ​ຕະ​ພັນ​ ກະ​ສິ​ກໍາທີ່​ນໍາ​ໃຊ້​ພະລັງງານ​ແບບ​ປະສົມ​ປະ ສານ;  ຄົ້ນ​ຄວ້າ​ນໍາ​ໃຊ້ເສັ້ນ​ໄຍ​ຕົ້ນ​ກ້ວຍ ເພື່ອ​ຜະລິດ​ເປັນ​ວັດ​ສະດຸ​ຫຸ້ມ​ຫໍ່​ສິນຄ້າ ແລະ ວຽກ​ງານ​ອື່ນໆ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110