ໜັງສືພິມ ປະຊາຊົນ

ທ່ານ ຫງວຽນຝູຈ້ອງ ຮຽກຮ້ອງຄະນະນຳຕ້ອງມີ ຄວາມສາມັກຄີ ປອດໃສ ໝັ້ນຄົງເຂັ້ມແຂງ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 18/05/2020 09:38:24 ຈຳນວນຢ້ຽມຊົມ 882 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ພາຍຫຼັງດໍາເນີນມາເປັນເວລາ 4 ວັນ, ກອງປະຊຸມຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 12 ໄດ້ສຳເລັດເນື້ອໃນຕາມແຜນການວາງອອກ ແລະ ໄດ້ປິດລົງໃນວັນທີ 14 ພຶດສະພາຜ່ານມາ.
ຂ່າວລະບຸວ່າ: ໃນກອງປະ ຊຸມ, ສູນກາງພັກໄດ້ພິຈາລະ ນາຕົກລົງທິດທາງວຽກງານບຸກຄະລາກອນ ຄະນະບໍລິຫານງານສູນກາງພັກ ຊຸດທີ XIII, ທິດທາງການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະ ຜູ້ແທນສະພາປະຊາຊົນທຸກຂັ້ນອາຍຸການ 2021- 2026 ພ້ອມທັງໃຫ້ຄຳເຫັນກ່ຽວກັບບາງ ບັນຫາສຳຄັນອື່ນ.
ກ່າວຄຳເຫັນປິດກອງປະຊຸມ, ທ່ານ ຫງວຽນຟູຈ້ອງ ເລຂາ ທິການໃຫຍ່ປະທານປະເທດ ຫວຽດນາມໄດ້ລວບລວມບັນດາ ໝາກຜົນຕົ້ນຕໍຂອງກອງປະ ຊຸມ ແລະ ເນັ້ນໜັກບາງບັນຫາ ເພື່ອເປັນເອກະພາບຊີ້ນຳ, ຜັນຂະຫຍາຍປະຕິບັດ. ກ່ຽວກັບຄຳ ຮຽກຮ້ອງສ້າງຕັ້ງຄະນະບໍລິຫານງານສູນກາງພັກ ຊຸດທີ XIII, ທ່ານເລຂາທິການໃຫຍ່ເນັ້ນໜັກວ່າ: ໃນຊຸມປີຈະມາເຖິງ, ສະພາບການໂລກ ແລະ ພາກພື້ນຄາດວ່າ: ຈະສືບຕໍ່ມີການຜັນ ແປຢ່າງສັບສົນວ່ອງໄວຍາກທີ່ຈະຄາດຄະເນໄດ້, ສ້າງກາລະໂອກາດ, ຄວາມສະດວກ, ຄວາມຫຍຸ້ງຍາກ, ສິ່ງທ້າທາຍ, ວາງອອກຫຼາຍບັນຫາໃໝ່, ຄວາມຮຽກຮ້ອງຕ້ອງການໃໝ່ສຳລັບພາລະກິດປ່ຽນໃໝ່, ພັດທະນາປະເທດຊາດ ແລະ ປົກປັກຮັກສາເອກະລາດ, ອະທິປະໄຕ, ເອກະພາບຜືນແຜ່ນດິນອັນຄົບຖ້ວນຂອງປະເທດຊາດ. ຕໍ່ກັບສະພາບການດັ່ງກ່າວ, ຍິ່ງກວ່າເວລາໃດໝົດຕ້ອງຮັກສາທາດແທ້ປະຕິວັດ ແລະ ວິທະຍາສາດ, ສະໜິດຕິດພັນກັບປະ ຊາຊົນໄດ້ຮັບຄວາມເຊື່ອໝັ້ນ ຈາກປະຊາຊົນ. ຄະນະບໍລິຫານ ງານສູນກາງພັກ ຊຸດທີ XIII ຕ້ອງເຮັດວຽກເປັນໝູ່ຄະນະມີຄວາມສາມັກຄີກັນ, ປອດໃສ, ໝັ້ນຄົງເຂັ້ມແຂງ.
ສູນກາງພັກເຫັນດີຕໍ່ການກຳນົດມາດຕະຖານຄະນະກຳ ມະການສູນກາງພັກ ຊຸດທີ XIII ຕ້ອງອີງໃສ່ມາດຕະຖານລວມ ໂດຍໄດ້ກຳນົດໃນບັນດາມະຕິຕົກລົງຂອງພັກ.