ໜັງສືພິມ ປະຊາຊົນ

ເງະອານ ສະເຫຼີມສະຫຼອງ 130 ປີ ວັນເກີດ ປະທານ ໂຮ່ຈິມິນ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 18/05/2020 11:22:47 ຈຳນວນຢ້ຽມຊົມ 1058 ຄັ້ງ

ວິທະຍຸກະຈາຍສຽງຫວຽດນາມ, ເນື່ອງໃນໂອກາດວັນເກີດ ປະທານ ໂຮ່ຈິມິນ, ວັນທີ 17 ພຶດສະພານີ້, ຢູ່ນະຄອນໂຮ່ຈິມິນ, ໄດ້ຈັດຕັ້ງພິທີ ປຸກລະດົມ “ວັນບຸນປູກຕົ້ນໄມ້ຮູ້ບຸນຄຸນຂອງລຸງໂຮ່ຕະຫຼອດການ”. ປີນິີ້, ນະຄອນໂຮ່ຈິມິນ ໄດ້ຕັ້ງເປົ້າໝາຍປູກຕົ້ນໄມ້ໃຫ້ໄດ້ 1 ລ້ານຕົ້ນ ເພື່ອເພີ່ມອັດຕາປົກຄຸມໃຫ້ແກ່ນະຄອນ.

ຂ່າວລະບຸວ່າ: ວັນທີ 17 ພຶດສະພານີ້, ຢູ່ນະຄອນວິງ, ແຂວງເງະອານ ໄດ້ຈັດຕັ້ງພິທີສະເຫຼີມ ສະຫຼອງ 130 ປີ ແຫ່ງວັນເກີດຂອງປະທານ ໂຮ່ຈິມິນ (19 ພຶດສະພາ 1890 – 19 ພຶດສະພາ 2020). ເຂົ້າຮ່ວມພິທີ ມີທ່ານ ຫງວຽນຊິງຮຸ່ງ ອະດີດປະທານສະພາແຫ່ງຊາດພ້ອມດ້ວຍ ການນຳບັນດາກະຊວງ, ຂະແໜງການສູນກາງ, ບັນດາສະຫາຍ, ພະນັກງານປະຕິວັດຜູ້ອາວຸໂສ, ແມ່ຫວຽດນາມ ວິລະຊົນ ພ້ອມກັບພໍ່ແມ່ປະຊາຊົນທ້ອງຖິ່ນເປັນຈຳນວນຫຼາຍ.

ໃນພິທີສະເຫຼີມສະຫຼອງ, ທ່ານ ທ໊າຍແທງກຸ໊ຍ ເລຂາພັກແຂວງເງະອານ ໄດ້ກ່າວສູນທອນພົດໂດຍແຈ້ງວ່າ: ເງະອານ ມີຄວາມເອກອ້າງທະນົງໃຈ ແມ່ນເປັນບ້ານເກີດເມືອງນອນຂອງ ປະທານໂຮ່ຈິມິນ, ມີມູນເຊື້ອປະຕິວັດ ຕິດພັນກັບທຸກໆໄຊຊະນະຂອງທົ່ວປະເທດໃນພາລະກິດຕໍ່ສູ້, ສ້າງສາ ແລະ ປົກປັກຮັກສາປະເທດຊາດ, ຍາມໃດກໍ່ໄດ້ຮັບຄວາມເອົາໃຈໃສ່ ຈາກປະທານ ໂຮ່ຈິມິນ. ໃນໄລຍະທີ່ຜ່ານມາ, ແຂວງເງະອານ ສືບຕໍ່ປຸກລະດົມນໍ້າໃຈບຸກບືນຕົວຂຶ້ນຂອງທົ່ວລະບົບການເມືອງ ແລະ ປະຊາຊົນ, ເສີມຂະຫຍາຍບັນດາຄວາມສາມາດບົ່ມຊ້ອນ, ທ່າແຮງໃຫ້ດີທີ່ສຸດ, ຕັ້ງໜ້າເປັນເຈົ້າການໃນການເຊື່ອມໂຍງ ແລະ ຮ່ວມມື.