Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ກອງປະຊຸມສະພາປຶກສາ ການເມືອງປະຊາຊົນແຫ່ງຊາດຈີນ ຄັ້ງທີ 3 ສະໄໝທີ 13

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 22/05/2020 09:52:32 ຈຳ​ນວນ​ຜູ້​ເຂົ້າ​ຢ້ຽມ​ຊົມ 355 ຄັ້ງ

ຂ່າວສານຊີອາໄອລາຍງານວ່າ: ວັນ​ທີ 22 ພຶດ​ສະ​ພາ​ນີ້, ກ​ອງ​ປະ​ຊຸມ​ປະ​ຈຳ​ປີ​ຂອງ​ສະ​ພາ​ຜູ້​ແທນ​ປະ​ຊາ​ຊົນ​ແຫ່ງ​ຊາດ​ຈີນ ຄັ້ງທີ 3 ສະໄໝທີ 13, ໄດ້​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ. ທ່ານ ​ສີ​ຈິ້ນ​ຜິງ ປະທານປະເທດຈີນ ແລະ ຜູ້​ນຳ​ພັກ - ລັດ​ ໄດ້​ເຂົ້າ​ຮ່ວມກອງ​ປະ​ຊຸມ ພ້ອມດ້ວຍຜູ້​ແທນ​ປະ​ຊາ​ຊົນ​ທົ່ວ​ປະ​ເທດ 2897 ຄົນ​ເຂົ້າ​ຮ່ວມ​ພິ​ທີ​ເປີດ. ກອງປະຊຸມຄັ້ງນີ້, ບັນດາຜູ້ແທນຈະສຸມໃສ່ປຶກສາຫາລື ແລະ ເປັນເສນາທິການໃຫ້ແກ່ບັນດາບັນຫາ ຊຶ່ງປະຊາຊົນ, ຫາງສຽງຢູ່ພາຍໃນປະເທດ ແລະ ຕ່າງປະເທດມີຄວາມສົນໃຈທີ່ສຸດໃນປັດຈຸບັນ, ນັ້ນແມ່ນການປ້ອງກັນ, ສະກັດກັ້ນໂຣກລະບາດ, ຟື້ນຟູເສດຖະກິດ, ຕ້ານການສໍ້ລາດບັງຫຼວງ, ອຳນາດນິຕິບັນຍັດ, ຮັບປະກັນຊີວິດສັງຄົມ, ລຶບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ.

ທ່ານ ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ ໄດ້​ຜ່ານ​ບົດ​ລາຍ​ງານ​ວຽກ​ງານ​ລັດ​ຖະ​ບານ​ໃນ​ປີ 2019 ຕໍ່​ກອງ​ປະ​ຊຸມ, ໂດຍ​ຈະວາງ​ຂໍ້​ສະ​ເໜີ​ຕໍ່​ວຽກ​ງານ​ປີ​ 2020 ເພື່ອໃຫ້​ກອງ​ປະ​ຊຸມ​​ຄົ້ນ​ຄວ້າ​ພິ​ຈາ​ລະ​ນາ.

 

ໃນ​ຖາ​ນະ​ເປັນ​ເວ​ທີ​ເປີດ​ເຜີຍ​ແຜນນະ​ໂຍ​ບາຍ​ຂອງ​ຈີນ, “ກອງ​ປະ​ຊຸມ​ສອງ​ສະ​ພາປະຈຳປີຂອ​ງ​ຈີນ​ໄດ້​ເປັນ​ປະຕູ​ສຳ​ຄັນ​ໃຫ້ກັບ​ໂລກ ​ສາມາດສັງ​ເກດ​ຈີນໄດ້ດີ. ເນື່ອງ​ໃນ​ໂອ​ກາດ​ດໍາເນີນ​ ກອງ​ປະ​ຊຸມ​ສອງ​ສະ​ພາໃນ​ປີ​ນີ້, ພະ​ຍາດ​ໂຄວິດ-19 ພວມ​ແຜ່​ລະ​ບາດ​ໃນ​ຂອບ​ເຂດ​ທົ່ວ​ໂລກ​ຢ່າງ​ໜັກ​ໜ່ວງ, ປັດ​ໄຈ​ທີ່ບໍ່​ແນ່ນອນ​ຂອງ​ໂລກ​ກໍ​ໄດ້​ເພີ່ມ​ຂຶ້ນ. ພາຍ​ໃຕ້​ສະ​ພາບ​ການ​ພິ​ເສດ​ແບບ​ນີ້, ຈີນ ​ຈະ​ເຮັດ​ແນວ​ໃດເພື່ອໃຫ້ສຳ​ເລັດ​ໜ້າ​ທີ່​ເປົ້າ​ໝາຍຂອງການ​ພັດ​ທະ​ນາ​ເສດ​ຖະ​ກິດ​-ສັງ​ຄົມ, ນີ້ແມ່ນ​ໜຶ່ງ​ໃນຫົວ​ຂໍ້​ຈຸດ​ສຸມ​ ກອງ​ປະ​ຊຸມ​ສອງ​ສະ​ພາ.

ພະ​ຍາດ​ໂຄວິດ-19 ແຜ່​ລະ​ບາດ​ຢ່າງ​ກະ​ທັນ​ຫັນຈະ​ບໍ່​ສາ​ມາດ​ສະ​ກັດ​ກັ້ນ​ຄວາມ​ພະ​ຍາ​ຍາມ​ຂອງ​ຈີນເພື່ອ​ບັນ​ລຸ​ເປົ້າ​ໝາຍການ​ພັດ​ທະ​ນາ​ເສດ​ຖະ​ກິດ​-ສັງ​ຄົມ​ໃນ​ປີ​ນີ້. ພາຍ​ໃຕ້​ການ​ກະ​ຕຸກ​ຊຸກ​ຍູ້​ຈາກ​ການ​ຕັດ​ສິນ​ໃຈ​ທີ່​ເຂັ້ມ​ແຂງຂອງພັກ, ທັງມີມາດ​ຕະ​ການ​ຕົວ​ຈິງ ແລະ ກຳ​ລັງ​ຊຸກ​ດັນ​ໃໝ່​ທີ່​ໄດ້​ສະ​ສົມ​ມາ​​ເລື້ອຍໆນັ້ນ, ຈີນ​ ມີ​ຄວາມ​ໝັ້ນ​ໃຈ, ມີ​ເງື່ອນ​ໄຂ ແລະ ມີ​ຄວາມ​ສາ​ມາດພຽງພໍທີ່​ຈະ​ບັນ​ລຸ​ເປົ້າ​ໝາຍການ​ພັດ​ທະ​ນາ​ເສດ​ຖະ​ກິດ​-ສັງ​ຄົມ ​ໃນ​ປີ​ນີ້​ຕາມ​ເວ​ລາ​ກຳ​ນົດ.

ກ່ອນ​ອື່ນ, ພັກ​ກຳ​ອຳ​ນາດ​ຂອງ​ຈີນ ​ໄດ້​ຢຶດ​ໝັ້ນຄໍາຂວັນ; ຖື​ຄົນ​ເປັນ​ກົກແລະ ຖືປະ​ຊາ​ຊົນ​ຢູ່   ເໜືອ​ກວ່າທຸກ​ສິ່ງທຸກ​ຢ່າງ”, ໄດ້​ຖື​ເອົາ​ບັນ​ຫາ​ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​ໄວ້​ຢູ່ໃນ​ຖາ​ນະ​ສຳຄັນ​ໃນ​ການ​ປົກ​ຄອງ​ປະ​ເທດ​ຢ່າງ​ສະ​ເໝີ​ຕົ້ນ​ສະ​ໝີ​ປາຍ. ນັບ​ແຕ່ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດຄັ້ງທີ 18 ຂອງ​ພັກ​ກອມ​ມູ​ນິດ​ຈີນ ​ເປັນ​ຕົ້ນ​ມາ, ທ່ານ ​ສີ​ຈິ້ນ​ຜິງ ຜູ້​ນຳ​ສູງ​ສຸດ​ຂອງ​ຈີນ ​ໄດ້​ວາງແຜນດ້ວຍ​ຕົນ​ເອງ ແລະ ບັນ​ຊາ​ການ​ດ້ວຍ​ຕົນ​ເອງ. ທ່ານ ໄດ້​ກ່າວ​ຄຳ​ປາ​ໄສ​ສຳ​ຄັນ​ຕ່າງໆ ໂດຍ​ໄດ້​ຊີ້ທິດ​ເຍືອງ​ທາງ ແລະ ສະ​ໜອງວິທີການ​ໃຫ້​ແກ່​ການຫຼຸດ​ພົ້ນ​ອອກ​ຈາກ​ຄວາ​ມ​ທຸກ​ຍາກ​ຢ່າງ​ຮອບ​ດ້ານ. ທ່ານ​ ຍັງ​ໄດ້ລົງ​ເຄື່ອນ​ໄຫວ​ເຮັດວຽກຢູ່​ເຂດ​ທຸກ​ຍາກພິ​ເສດ​ທີ່​ຕິດ​ຈອດ​ກັນ​ກວ້າງ​ໃຫຍ່, ໄດ້​ໄປ​ກວດ​ເບິ່ງ​ບ້ານ​ທຸກ​ຍາກ 20 ກວ່າ​ບ້ານ, ທ່ານ ​ໄດ້ໃຊ້​ກຳລັງວັງຊາຫຼາ​ຍ​ທີ່​ສຸດ ໃນ​ບັນ​ຫາຫຼຸດ​ພົ້ນອອກຈາກ​ຄວາມ​ທຸກ​ຍາກ.

ວັນ​ທີ 6 ມີ​ນາ​ປີ​ນີ້, ໃນ​ເວ​ລາ​ກ່າວ​ຄຳ​ປາ​ໄສ​ທາງວິ​ດີ​ໂອ​ ໃນ​ກອງ​ປະ​ຊຸ​ມ​ລັດ​ຖະ​ກອນ​ທົ່ວ​ປະ​ເທດ, ທ່ານ​ ສີ​ຈິ້ນ​ຜິງ ​ກ່າວ​ວ່າ: ເມື່ອ​ຮອດທ້າຍ​ປີ 2020 ຕ້ອງ​ໃຫ້​ປະ​ຊາ​ກອນ​ຜູ້ທຸກຍາກຢູ່ຊົນນະບົດສາມາດຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​ໄດ້ທັງໝົດຕາມ​ມາດ​ຕະ​ຖານ​ໃນ​ປັດ​ຈຸ​ບັນ. ນີ້​ແມ່ນ​ຄຳ​ໝັ້​ນ​ສັນ​ຍາ​ອັນໜັກແໜ້ນ​ເຄັ່ງ​ຂຶມ​ຂອງ​ສູນ​ກາງ​ພັກ​ ທີ່​ມີ​ຕໍ່​ປະ​ຊາ​ຊົນ​ທົ່ວ​ປະ​ເທດ, ທີ່ຈະຕ້ອງ​ໃຫ້ບັນ​ລຸ​ຕາມ​ເວ​ລາ​ກຳ​ນົດ​ຢ່າງ​ແນ່ນອນ.ໃນາະພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ການ​ຮັບ​ປະ​ກັນ​ການ​ມີ​ວຽກ​ເຮັດ​ງານ​ທຳ​ຂອງ​ປະ​ຊາ​ກອນ​ຜູ້​ທຸກ​ຍາກຖືວ່າ ເປັນ​ຂອດ​ສຳ​ຄັນ​ໃນ​ການບຸກບືນສູ້​ຊົນຂອງຈີນ ​ເພື່ອຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​. ພາຍ​ໃຕ້​ການ​ສະ​ໜັບ​ສະ​ໜູນ​ດ້ານ​ນະ​ໂຍ​ບາຍ​ທີ່​ກ່ຽວ​ຂ້ອງ​ຂອງ​ລັດ​ຖະ​ບານ​ຈີນ. ປັດ​ຈຸ​ບັນ​, ​ຈຳ​ນວນແຮງ​ງານ​ຜູ້​ທຸກ​ຍາກທີ່​ໄປ​ເຮັດ​ວຽກ​ຢູ່​ຕ່າງ​ຖິ່ນ​ໄດ້​ກວມ 95,4% ຂອງຍອດ​ຈຳ​ນວນ​ແຮງ​ງານ​ທີ່ອອກ​ໄປ​ເຮັດ​ວຽກ​ຂອງປີ​ກາຍ​. ນອກ​ນີ້, ອຳ​ນາດ​ການ​ປົກ​ຄອງ​ຂັ້ນ​ຕ່າງໆ​ຂອງ​ຈີນ ​ຍັງ​ຕັ້ງ​ໜ້າ​ຊຸກ​ຍູ້​ການ​ປະ​ກອບ​ອາ​ຊີບ​ຢູ່ກັບທີ່, ​ໃຫ້​ຜູ້​ທຸກ​ຍາກ​ເຂົ້າ​ຮ່ວມ​ການ​ກໍ່ສ້າງ​​ໂຄງການພື້ນຖານ​ໂຄງ​ລ່າງ​ທີ່​ລັດ​ລົງທຶນ​ ແລະ ​ແລກ​ໄດ້​ຄ່າ​ແຮງ​ງານ. ນັບ​ແຕ່​ຕົ້ນ​ປີ​ນີ້​ມາ, ກະ​ຊວ​ງ​ທີ່​ກ່ຽວ​ຂ້ອງ​​ ແລະ​ ອົງການ​ທຽບ​ເທົ່າຂອງ​ຈີນ​ ໄດ້​ເບີກຈ່າຍ​ງົບ​ປະ​ມານ​ 5,6 ຕື້ຢວນ ​ໃຊ້​ເຂົ້າ​ໃນ​ການກໍ່ສ້າງ​ໂຄງການ​ພື້ນຖານ​ໂຄງ​ລ່າງ​ ແລະ ​ໃຫ້​ຜູ້​ທຸກ​ຍາກ​ເຂົ້າ​ຮ່ວມ​ການ​ກໍ່ສ້າງ ​ເພື່ອ​ແລກ​ໄດ້​ຄ່າ​ແຮງ​ງານ, ຄາດ​ວ່າ: ຈະ​ສາມາດຮັບ​ເອົາ​ແຮງ​ງານ​ຜູ້​ທຸກ​ຍາກຈຳນວນ​ 3 ແສນ​ຄົນ​ທີ່​ບໍ່​ສາ​ມາດ​ອອກ​ໄປ​ເຮັດ​ວຽກ​ຢູ່​ຕ່າງ​ຖິ່ນ​ ຍ້ອນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19, ໃຫ້​ເຂົາ​ເຈົ້າ​ມີ​ວຽກ​ເຮັດ​ງານ​ທຳ​ຢູ່​ໃກ້​ບ້ານ​ຂອງ​ຕົນ. ການລຶບລ້າງ​ຄວາມ​ທຸກ​ຍາກ​ດ້ວຍ​ການ​ບໍ​ລິ​ໂພກ ໄດ້​ກາຍ​ເປັນ​ຈຸດ​ເດັ່ນ​ໃໝ່ ແລະ ຮູບ​ແບບໃໝ່​ ໃນ​ການລຶບລ້າງ​ຄວາມ​ທຸກ​ຍາກ ໂດຍ​ອີງ​ໃສ່​ຂະ​ແໜງ​ການ​ທຸ​ລະ​ກິດ​ເອ​ເລັກ​ໂຕ​ຣ​ນິກ ແລະ ຂະ​ ແໜງ​ການ​ຈໍ​ລະ​ຈອນ​ສິນ​ຄ້າ​ທີ່​ຈະ​ເລີນ​ຂອງ​ຈີນ.

ໃນ​ໄລ​ຍະການແຜ່​ລະ​ບາດ​ຂອງ​ພະ​ຍາດ, ຫຼາຍຄອບ​ຄົວ​ຊາວ​ກະ​ສິ​ກອນ​ພາຍໃນ​ປະເທດຈີນ ​ໄດ້​ເປີດກວ້າງ​ການ​ຈຳ​ໜ່າຍດ້ວຍ​ວິ​ທີ​ການ​ໂຄ​ສະ​ນາ​ຂາຍ​ສິນ​ຄ້າ​ດ້ວຍ​ການ​ຖ່າຍ​ທອດ​ສົດ, ສາມາດຫຼຸດຜ່ອນຜົນກະທົບທີ່ເກີດຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ລົງ​ຮອດ​ລະ​ດັບ​ຕ່ຳ​ສຸດ. ຜົນ​ສຳ​ເລັດ​ດ້ານ​ການຫຼຸດຜ່ອນ​ຄວາມ​ທຸກ​ຍາກ​ຂອງ​ຈີນ ​ເປັນ​ສິ່ງ​ທີ່​ປະ​ຈັກ​ຕາ​ຕໍ່ຊາວ​ໂລກ. ໂຕເລກ​ຂອງ​ທະ​ນາ​ຄານ​ໂລກ​ ສະ​ແດງ​ໃຫ້​ເຫັນ​ວ່າ: ການຫຼຸດ​ຜ່ອນ​ຄວາມ​ທຸກ​ຍາກ​ຂອງ​ຈີນ ​ໄດ້​ປະ​ກອບ​ສ່ວນຫຼາຍກວ່າ 70% ຕໍ່​ການຫຼຸດ​ຜ່ອນ​ຄວາມ​ທຸກ​ຍາກ​ຂອງ​ໂລກ. ທ່ານ ​ແອັດ​ເຮຍກາ​ວິສ ຜູ້​ຊ່ຽວ​ຊານ​ຂອງປະເທດເຄນຢາ ທີ່​ຄົ້ນຄວ້າກ່ຽວກັບບັນ​ຫາ​ສາ​ກົນ​ໄດ້ຕີ​ລາ​ຄາ​ສູງວ່າ: ຜົນ​ສຳ​ເລັດໃນການຫຼຸດ​ຜ່ອນ​ຄວາມ​ທຸກ​ຍາກ​ຂອງ​ຈີນ ເປັນ​ພາ​ລະ​ກິດ​ອັນ​ຍິ່ງ​ໃຫຍ່​ແບບ​ບໍ່​ເຄີຍ​ມີ​ມາ​ກ່ອນ​ໃນ​ປະ​ຫວັດ​ສາດ​ຂອງມວນ​ມະ​ນຸດ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110