ໜັງສືພິມ ປະຊາຊົນ

ທ່ານ ສີຈິ້ນຜິງ ເນັ້ນສ້າງທ່າແຮງໃໝ່ຂອງຈີນ ໃຕ້ສະຖານະການໃໝ່

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 26/05/2020 09:18:35 ຈຳນວນຢ້ຽມຊົມ 484 ຄັ້ງ

ຂ່າວສານຊີອາໄອລາຍງານວ່າ: ກອງປະຊຸມສະພາປຶກສາການເມືອງປະຊາຊົນແຫ່ງຊາດຈີນ ປະຈຳປີພວມດໍາເນີນຢູ່ນະຄອນຫຼວງປັກກິ່ງ. ວັນທີ 23 ພຶດສະພາຜ່ານມາ, ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ໃນເວລາເຂົ້າຮ່ວມກອງປະຊຸມໜ່ວຍງານປະສົມຂອງວົງການເສດຖະກິດ ກ່າວວ່າ: ຈີນ ຕ້ອງຖືການຕອບສະໜອງຕາມຄວາມຕ້ອງການພາຍໃນປະເທດ ເປັນຈຸດເລີ່ມຕົ້ນ ແລະ ເປົ້າໝາຍຂອງການພັດທະນາ, ເລັ່ງລັດສ້າງລະບົບຄວາມຕ້ອງການພາຍໃນຄົບຖ້ວນສົມບູນ, ອອກ ແຮງຊຸກຍູ້ການປະດິດສ້າງໃໝ່, ເລັ່ງລັດຊຸກຍູ້ອຸດສາຫະກຳໃໝ່ ທີ່ມີລັກສະນະຍຸດທະສາດເຊັ່ນ: ເສດຖະກິດດີຈີຕອນ ແລະ ການຜະລິດແບບອັດສະລິຍະເປັນຕົ້ນ, ເພື່ອຈໍ່ຕົວເປັນຈຸດເພີ່ມໃໝ່ຫຼາຍກວ່າເກົ່າ ແລະ ຄ່ອຍໆຈໍ່ຕົວເປັນສະຖານະການໃໝ່ດ້ານການພັດທະນາທີ່ຖືການໝູນວຽນພາຍໃນປະເທດເປັນຫຼັກ, ການໝູນເດີນລະຫວ່າງພາຍໃນປະເທດກັບຕ່າງປະເທດນັ້ນ ຕ່າງກໍຊ່ວຍຊູຍູ້ໜູນກັນ. ບົ່ມເພາະສ້າງທ່າແຮງໃໝ່ຂອງຈີນ ໃນການເຂົ້າຮ່ວມການຮ່ວມມື ແລະ ການແຂ່ງຂັນຂອງໂລກ.
ທ່ານ ສີຈິ້ນຜິງ ກ່າວຢໍ້າວ່າ: ປັດຈຸບັນ, ການພັດທະນາເສດຖະກິດຈີນ ໄດ້ປະເຊີນໜ້າ ກັບກຳລັງກົດດັນຂ້ອນຂ້າງ ຫຼາຍ, ຕ້ອງສະແຫວງຫາການພັດທະນາໃນໂລກ ທີ່ມີຄວາມບໍ່ໝັ້ນທ່ຽງ ແລະ ບໍ່ແນ່ນອນຢ່າງຫຼວງຫຼາຍ, ແຕ່ຈຸດພິເສດພື້ນຖານຂອງເສດຖະກິດຈີນເຊັ່ນ: ມີກຳລັງບົ່ມຊ້ອນອັນພຽງ ພໍ, ມີຄວາມທົນທານດີ, ມີຄວາມ ຄ່ອງແຄ້ວ ແລະ ພາຫະນະດ້ານນະໂຍບາຍຂ້ອນຂ້າງຫຼາຍ ນັ້ນບໍ່ໄດ້ປ່ຽນແປງ.