ໜັງສືພິມ ປະຊາຊົນ

ໂກລົມບີ ມີແຜນຫຼຸດອາກອນມູນຄ່າເພີ່ມ ເພື່ອກະຕຸ້ນເສດຖະກິດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 27/05/2020 09:38:46 ຈຳນວນຢ້ຽມຊົມ 473 ຄັ້ງ

ຂ່າວຕ່າງປະເທດລາຍງານຫວ່າງບໍ່ດົນມານີ້ ລັດຖະ ບານໂກລົມບີໄດ້ເປີດເຜີຍແຜນການທີ່ຈະກະຕຸ້ນເສດຖະ ກິດ ດ້ວຍການຍົກເລີກການເກັບພາສີມູນຄ່າເພີ່ມ (VAT) ຂອງສິນຄ້າຕ່າງໆເປັນການຊົ່ວຄາວ ຫຼັງຈາກໂຈະການຜະ ລິດ ແລະ ການຄ້າມາເປັນເວລາຫຼາຍອາທິດ.
ທ່ານ ໂຮເຊ ອັນເດຣສ ໂຣເມໂຣ ຫົວໜ້າຫ້ອງການພາສີແຫ່ງຊາດກ່າວວ່າ ໂກລົມບີຈະໂຈະການເກັບອາກອນມູນຄ່າເພີ່ມສູງເຖິງ 19% ເປັນເວລາ 3 ວັນ ໂດຍລະບຸວ່າຮ້ານອາຫານຈະໄດ້ຮັບການຍົກເວັ້ນພາສີ ເພື່ອຊ່ວຍຫຼຸດຜ່ອນຄວາມເສຍຫາຍຈາກການແຜ່ລະບາດຂອງພະຍາດ COVID-19 ແລະ ມາດຕະການປິດເມືອງ.
ທ່ານ ໂຣເມໂຣ ກ່າວວ່າ: “ໃນໄລຍະທີ່ມີການປິດເມືອງ ແລະ ເສດຖະກິດກໍຢຸດສະງັກປະລິມານການຊົມໃຊ້ແມ່ນຢູ່ໃນລະດັບຕໍ່າ ພວກເຮົາຈຶ່ງອອກມາດຕະການນີ້ໂດຍຫວັງວ່າຈະສາມາດເພີ່ມການບໍລິ ໂພກໃຫ້ກັບຄືນມາສູ່ລະດັບປົກກະຕິ “ ພ້ອມທັງຄາດຄະເນວ່າ ການຍົກເລີກພາສີມູນຄ່າເພີ່ມຊົ່ວຄາວ ຈະຊ່ວຍປະຢັດຄ່າໃຊ້ຈ່າຍໃຫ້ປະຊາຊົນໄດ້ເກືອບ 500.000 ຕື້ເປໂຊ (ສະ ກຸນເງິນໂກລົມບ).
ໂກລົມບີ ວາງແຜນທີ່ຈະຢຸດການເກັບອາກອນມູນຄ່າເພີ່ມໃຫ້ສະເພາະຜູ້ບໍລິໂພກທີ່ຈ່າຍເງິນດ້ວຍບັດເຄດິດ ຫຼື ບັດເດບິດ ບໍ່ແມ່ນເງິນສົດ ລວມທັງຜູ້ທີ່ຊື້ສິນຄ້າທາງ online ໃນວັນທີ 19 ມິຖຸນາ, ວັນທີ 3 ກໍລະກົດ ແລະ ວັນທີ 19 ກໍລະກົດ. ນອກຈາກນີ້, ລັດຖະບານຍັງອອກມາດຕະການຍົກເວັ້ນ ການພາສີ 8% ກັບຮ້ານອາ ຫານ, ຮ້ານຂາຍເຂົ້າໜົມ, ເຄື່ອງດື່ມ, ເບເກີຣີີ ແລະ ບາ ໃນເດືອນທັນວາເພື່ອຊ່ວຍກະຕຸ້ນເສດຖະກິດ.
ລັດຖະບານໂກລົມບີ ກໍານົດໄວ້ວ່າ ຈະບັງຄັບໃຊ້ມາດຕະການປິດປະເທດຈົນຮອດວັນທີ 25 ເດືອນພຶດສະພາ, ແຕ່ລະບຸວ່າ ອາດຈະຕ້ອງຂະຫຍາຍໄປຈົນເຖິງທ້າຍເດືອນມິຖຸນາ ສຳລັບເຂດທີ່ຍັງມີເຊື້ອໄວຣັດແຜ່ລະບາດຢູ່.