ໜັງສືພິມ ປະຊາຊົນ

ແຂວງຮ່າຢາງ ເຊັນຮ່າງການຮ່ວມມືຍຸດທະສາດ ກັບທະນາຄານໂລກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 28/05/2020 08:59:46 ຈຳນວນຢ້ຽມຊົມ 971 ຄັ້ງ

ວິທະຍຸກະຈາຍສຽງຫວຽດນາມລາຍງານ ວັນທີ 25 ພຶດສະພາຜ່ານມາ, ທີ່ນະຄອນຮ່າຢາງ, ຄະນະກຳມະການປະຊາຊົນແຂວງຮ່າຢາງ ໄດ້ເຊັນຮ່າງການຮ່ວມມືຍຸດທະສາດກັບທະນາຄານໂລກ (WB) ປະຈຳຫວຽດນາມໄລຍະປີ 2020 - 2025.
ໃນຮ່າງການຮ່ວມມືຍຸດທະສາດໄລຍະປີ 2020 - 2025, ທະນາຄານໂລກປະຈຳຫວຽດນາມ ຈະສົມທົບກັບຄະນະກຳມະການປະຊາຊົນແຂວງຮ່າຢາງ ສືບຕໍ່ປະຕິບັດບັນດາການເຄື່ອນໄຫວລະອຽດຄື: ສະໜັບສະໜູນຊ່ວຍເຫຼືອແຂວງ ຮ່າຢາງ ພັດທະນາການ ທ່ອງທ່ຽວສີຂຽວ, ສະອາດ, ໝັ້ນຄົງ; ພັດທະນາພື້ນຖານໂຄງລ່າງຄົມມະນາຄົມຕົ້ນຕໍຂອງແຂວງ; ໜູນຊ່ວຍຜັນຂະຫຍາຍໂຄງການສະໜອງນ້ຳສະອາດ ໃຫ້ພໍ່ແມ່ປະຊາຊົນເຂດພູສູງ, ສວນສາທາລະນະທໍລະນີສາດພູພຽງຫີນ ດົງວັນ; ໜູນຊ່ວຍການພັດທະນາຂົງເຂດ ສາທາລະນະສຸກ; ລະດົມບັນດາແຫຼ່ງກຳລັງຊ່ວຍແຂວງ ຮ່າຢາງ ພັດທະນາຢ່າງວ່ອງ ໄວ, ຍືນຍົງເທື່ອລະກ້າວສົມເປັນຈຸດພົ້ນເດັ່ນເຂດດິນແດນເໜືອສຸດຂອງປະເທດຊາດ.