ໜັງສືພິມ ປະຊາຊົນ

ເສນາຮັກປະເທດອາຊຽນ ຝຶກຊ້ອມກົນໄກປ້ອງກັນ COVID-19

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 29/05/2020 09:00:58 ຈຳນວນຢ້ຽມຊົມ 816 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ວັນທີ 27 ພຶດສະພາຜ່ານມາ, ກົມເສນາຮັກ (ກົມໃຫຍ່ພະລາທິການ, ກະຊວງປ້ອງກັນປະເທດຫວຽດ ນາມ) ໄດ້ຈັດຕັ້ງການຝຶກຊ້ອມ ແກ້ໄຂກໍລະນີໃນການປ້ອງກັນ, ສະກັດກັ້ນໂຣກລະບາດ COVID-19 ທາງອອນລາຍ (ADMM COVID-19 TTX) ລະຫວ່າງ ເສນາຮັກບັນດາປະເທດອາຊຽນ.
ຂ່າວລະບຸວ່າ: ກຳລັງເຂົ້າຮ່ວມການຝຶກຊ້ອມລວມມີເສນາຮັກບັນດາປະເທດອາຊຽນ, ສູນເສນາຮັກອາຊຽນ (ACMM), ຜູ້ຕາງໜ້າສູນໂຕ້ຕອບຢ່າງຮີບດ່ວນບັນດາເຫດການທາງການແພດ ສາ ທາລະນະ (ກະຊວງສາທາລະ ນະສຸກ) ຂອງບັນດາປະເທດ ສະມາຊິກອາຊຽນ, ເສນາຮັກ ບັນດາປະເທດອາຊຽນ+.
ກ່າວຄຳເຫັນທີ່ການຝຶກຊ້ອມ, ທ່ານ ພົນໂທ ຫງວຽນຈີ໊ວິງ ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ເນັ້ນໜັກວ່າ: ໃນຖານະເປັນປະທານອາຊຽນ 2020, ຫວຽດນາມ ມີ ຄວາມຫວັງຢາກໃຫ້ບັນດາປະ ເທດອາຊຽນ + ສົມທົບ, ໜູນຊ່ວຍບັນດາປະເທດອາຊຽນ ເພື່ອຮ່ວມແຮງຮ່ວມໃຈຜ່ານຜ່າ ຄວາມຫຍຸ້ງຍາກ, ຍູ້ໂຣກລະ ບາດໃຫ້ຖອຍໄປໂດຍໄວ, ນຳຄວາມສະຫງົບມາໃຫ້ການດຳ ລົງຊີວິດຂອງປະຊາຊົນ, ຈາກນັ້ນເພີ່ມທະວີການຮ່ວມມືອັນດີງາມລະຫວ່າງບັນດາປະເທດ.