ຖານະທາງເສດຖະກິດຂອງປະເທດໂຄຣອາຊີ ຢູ່ໃນລະດັບທີ່ດີ

(ເນື່ອງ​ໃນ​ໂອກາດ​ວັນຊາດ​ໂຄ​ຣ​ອາຊີ 30 ພຶດສະພາ 2020)

  ໂຄ​ຣ​ອາຊີ  ຫຼື ຊື່​ທາງ​ການ​ວ່າ: ສາທາລະນະ​ລັດ ໂຄ​ຣ​ອາຊີ ຕັ້ງ​ຢູ່​ເຂດ​ເອີ​ຣົບ​ກາງ ແລະ ເອີ​ຣົບ​ຕາເວັນ​ອອກ​ສ່ຽງ​ໃຕ້,  ມີ​ເນື້ອທີ່​ທັງ​ໝົດ 56.594 ກິໂລ ແມັດ​ມົນທົນ, ມີ​ຊາຍ​ແດນ​ຕິດ​ກັບ ສະ​ໂລ​ວາ​ນີ ທາງ​ດ້ານ​ເໜືອ, ຕິດ​ກັບ ຮົງ​ກາ​ຣີ ທາງ​ດ້ານ​ຕາເວັນ​ອອກ​ສ່ຽງເໜືອ, ຕິດ​ກັບ ບອດ​ສະ​ນີ ແລະ ເຮີ​ຊີ​ໂກ​ວີນາ ທາງ​ດ້ານ​ຕາເວັນ​ອອກ​ສ່ຽງ​ໃຕ້, ດ້ານ​ຕາເວັນ​ອອກ​ຕິດ​ກັບ ແຊັກ​ບີ ແລະ ຕິດ​ກັບ ມອນ​ເຕ​ນີ​ໂກຣ ທາງ​ດ້ານ​ຕາເວັນ​ອອກ​ສ່ຽງ​ໃຕ້. ມີ​ນະຄອນຫຼວງ​ຊື່ວ່າ: ຊາ​ເກ​ຣັບ.
  ປະເທດ​ໂຄ​ຣ​ອາຊີ ມີ​ຖາ​ນະ​ທາງ​ເສດຖະກິດ​ຢູ່​ໃນ​ເກນ​ດີ, ລາຍ​ໄດ້​ສ່ວນ​ໃຫຍ່​ຂອງ​ປະເທດ ແມ່ນ​ມາ​ຈາກ​ການ​ທ່ອງ​ທ່ຽວ. ເນື່ອງ​ຈາກ​ໂຄ​ຣ​ອາຊີ ມີ​ແຄມ​ຝັ່ງ​ທະເລ​ຍາວ 5.000 ກວ່າ​ກິໂລແມັດ ແລະ ເຕັມ​ໄປ​ດ້ວຍ​ເກາະ, ແກ້ງ​ຕ່າງໆ​ເຖິງ 1.185 ແຫ່ງ ແລະ ມີ​ໝູ່​ເກາະ​ທີ່​ສວຍ​ງາມ. ລວມ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ (GDP) 51,5  ຕື້​ໂດ​ລາ, ຄິດ​ສະເລ່ຍ​ລາຍ​ໄດ້​ຕໍ່​ຫົວ​ຄົນ​ບັນລຸ​ປະມານ 12.290 ໂດ​ລາ.
  ສະພາບ​ລວມ​ສິນຄ້າ ແລະ ອຸດ​ສາ​ຫະ​ກໍາ ທີ່​ເປັນ​ນະໂຍ ບາຍເສດຖະກິດຂອງ​ປະເທດ​ ໂຄ​ຣ​ອາຊີ ມີ​ຄື: ດ້ານ​ອຸດ​ສະຫະ​ກຳ​ການທ່ອງທ່ຽວ, ໂຄ​ຣ​ອາຊີ ເປັນ​ແຫຼ່ງ​ທ່ອງ​ທ່ຽວ​ທີ່​ສຳຄັນ​ໃນ​ເຂດ​ທະເລ​ເມ​ດີ​ແຕ​ຣາ​ເນ ເນື່ອງ​ຈາກ​ວ່າ ມີ​ທະເລ​ທີ່​ສວຍ​ງານ, ມີ​ເກາະດອນ​ທັງ​ໝົດ 1.246 ເກາະ, ມີ​ແຫຼ່ງ​ມໍລະດົກ​ໂລກ 7 ແຫ່ງ​ຄື: ອຸ​ທິ​ຍານ​ພຣິດວິ​ເຊ, ກຸ່ມ​ອາຄານ​ປະຫວັດສາດ​ທີ່​ເມືອງ ສະ​ປ​ລິດ, ເມືອງເກົ່າ ດູ​ບຣອຟ​ນິກ, ບາ​ຊິ​ລິ​ກາ ເມືອງ​ໂປ​ເຣຊ ເມືອງເກົ່າໂທ​ຣ​ເກຍ, ວິຫານ​    ເຊ​ນ​ເຈມ ເມືອງ​ຊິ​ເບ​ນິກ ແລະ ສະ​ຕາ​ຣິ​ຣາດ. 
  ອຸດ​ສາຫະ​ກຳ​ການທ່ອງ ທ່ຽວ ມີ​ຄວາມ​ສຳຄັນ​ຕໍ່​ເສດຖະ ກິດ​ຂອງ​ໂຄ​ຣ​ອາຊີ ໂດຍ​ສະ ເພາະ​ການທ່ອງທ່ຽວ​ທາງ​ທະ ເລ, ການທ່ອງທ່ຽວ​ສຳລັບ​ການ​ບໍລິການ​ດ້ານ​ການ​ແພດ ແລະ ການທ່ອງທ່ຽວ​ສຳລັບ​ການ​ປະ​ຊຸມ. ສະນັ້ນ, ຈຶ່ງ​ມີ​ໂອ​ກາດ​ສໍາ​ລັບ​ການ​ລົງທຶນ​ ສ້າງ  ຫຼື ບໍລິ ຫານ​ໂຮງແຮມ, ສະ​ປາ, ຄ​ລີນິກ ແລະ ສູນ​ປະ​ຊຸມ. ເມືອງ​ທີ່ມີ​ ທ່າແຮງ​ສູງ ແມ່ນ​ເມືອງ​ແຄມ​ທະເລ​ເຊັ່ນ: ສະ​ປ​ລິດ ດູ​ບຣອຟ​ນິກ ແລະ ປູ​ລາ. 
  ສ່ວນ​ດ້ານ​ອຸດສາຫະກຳ​ການ​ຜະລິດ​ມີ​ອັດຕາ​ສ່ວນ​ເຖິງ 20,7% ຂອງ GDP. ອຸດ​ສາ ຫະ​ກຳ​ທີ່​ເປັນ​ຈຸດ​ແຂງ​ຂອງ​ໂຄ​ຣ​ອາຊີ​ຄື: ການ​ຕໍ່​ເຮືອ, ຜະລິດ​ຕະ​ພັນ​ຈາກ​ປີ​ໂຕ​ຣ​ລຽມ, ເຄື່ອງໃຊ້​ໄຟຟ້າ, ເຄ​ມີ, ອາຫານ, ເຄື່ອງ​ຈັກ ແລະ ອຸປະ​ກອນ. ອຸດສາຫະກຳ​ທີ່​ມີ​ໂອກາດ​ຂະຫຍາຍຕົວ​ຄື:  ICT, ໄມ້, ແຜ່ນແພ ແລະ ເຄື່ອງ​ໜັງ, ໂລຫະ ແລະ ລົດ​ໃຫຍ່.
  ດ້ານ​ການ​ລົງທຶນ​ຈາກຕ່າງ ປະເທດ, ນັກ​ລົງທຶນ​ຕ່າງປະ ເທດ 5 ອັນ​ດັບ​ທໍາ​ອິດ​ໃນ ໂຄຣ ​ອາຊີ ເປັນ​ປະເທດ​ໃນ​ສະຫະ ພາບ​ເອີ​ຣົບ​ຄື: ໂອ​ຕຣິດກວມ  25%, ນູ​ແວນ​ເຊ​ລັງ ກວມ 15%,  ເຢຍ​ລະ​ມັນ ກວມ 11%, ຮົງ​ກາ​ຣີ ກວມ 9% ແລະ ລຸກ​ຊໍາ​ບວກ ກວມ 6%. ກິດ​ຈະການ ​ລົງທຶນ​ຕົ້ນຕໍ ແມ່ນ​ການ​ລົງທຶນ​ທາງ​ການ​ເງິນ, ຍົກເວັ້ນ​ການ​ປະກັນ​ໄພ ແລະ ເງິນບຳນານ ກວມ 33%, ການ​ຂາຍ​ສົ່ງ ກວມ 10%, ອະສັງຫາລິມະ​​ຊັບ ກວມ 7%, ໄປສະນີ ແລະ ໂທລະ​ຄົມ ມະນາຄົມ ກວມ 6%, ຜະລິດ​ຕະ​ພັນ​ປີ​ໂຕ​ຣ​ລຽມ ກວມ 6%. 
   ສປປ ລາວ ແລະ ສ.ໂຄ​ຣ​ ອາຊີ ສ້າງຕັ້ງ​ສາຍ​ພົວພັນທາງ ​ການ​ທູດ​ນຳ​ກັນ, ໃນ​ວັນ​ທີ 4 ສິງຫາ ປີ 1996.