ໜັງສືພິມ ປະຊາຊົນ

ກະຊວງ ຮສສ ລະດົມຄວາມຄິດຕໍ່ເນື້ອໃນ ກອງປະຊຸມໃຫຍ່ຄັ້ງທີ XI ຂອງພັກ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 03/06/2020 11:00:12 ຈຳນວນຢ້ຽມຊົມ 534 ຄັ້ງ

ກອງປະຊຸມສຳມະນາວິ ທະຍາສາດການຄົ້ນຄວ້າປະ ກອບຄຳເຫັນຕໍ່ເນື້ອໃນກອງປະ ຊຸມໃຫຍ່ ຄັ້ງທີ XI ຂອງພັກ ທົ່ວອົງຄະນະພັກ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດຂຶ້ນເມື່ອວັນທີ 2 ມິຖຸນາ ໂດຍການເປັນປະ ທານຂອງ ສະຫາຍ ຄຳແພງ ໄຊສົມແພງ ກຳມະການສູນ ກາງພັກ ລັດຖະມົນຕີກະຊວງ ຮສສ ມີບັນດາສະຫາຍພະນັກ ງານການນຳເຂົ້າຮ່ວມ.

ກອງປະຊຸມດັ່ງກ່າວ ເພື່ອເປັນການລະດົມແນວຄວາມຄິດ, ເປັນການເສີມຂະຫຍາຍປະຊາທິປະໄຕ ແລະ ການເຕົ້າ ໂຮມສະຕິປັນຍາຂອງສະມາ ຊິກພັກ, ພະນັກງານຫຼັກແຫຼ່ງພາຍໃນ ກະຊວງ ຮສສ ເພື່ອເປັນການປະກອບສ່ວນຕໍ່ເນື້ອໃນກອງປະຊຸມໃຫຍ່ຄັ້ງທີ XI ຂອງພັກ ທີ່ຈະວາງອອກໃນຊຸມປີຕໍ່ໜ້າ ໄດ້ຮັບການຄົ້ນຄວ້າຢ່າງກວ້າງ ຂວາງ, ມີຄວາມຖືກຕ້ອງ, ຈະ ແຈ້ງ, ຮັດກຸມ ແລະ ສາມາດນຳ ໄປຈັດຕັ້ງປະຕິບັດໃຫ້ເປັນຮູບປະທຳ ແລະ ສອດຄ່ອງກັບສະ ພາບການພັດທະນາເສດຖະກິດ ແລະ ສັງຄົມຂອງປະເທດເຮົາຢ່າງເປັນລະບົບໃນແຕ່ລະໄລຍະ ກອງປະຊຸມໄດ້ດຳເນີນເປັນເວລາ 1 ວັນ ຈຶ່ງສຳເລັດ ບັນດາຜູ້ເຂົ້າຮ່ວມໄດ້ຮັບຟັງ ການສະເໜີເອກະສານ ຈຸດພິ ເສດດ້ານທີ່ຕັ້ງ ແລະ ນະໂຍ ບາຍເຊື່ອມຈອດເຊື່ອມໂຍງເສດຖະກິດຂອງ ສປປ ລາວ, ການປະຕິຮູບຂອດບໍລິຫານລັດ ທີ່ກົດໜ່ວງຖ່ວງດຶງການດຳເນີນທຸລະກິດ ແລະ ບໍລິຫານປະຊາ ຊົນ ແລະ ເອກະສານການປັບ ປຸງລະບົບການປົກຄອງທ້ອງຖິ່ນຮາກຖານ ຈາກນັ້ນບັນດາຜູ້ເຂົ້າຮ່ວມ ໄດ້ພ້ອມກັນປະ ກອບຄຳຄິດຄຳເຫັນໃສ່ບັນດາເອກະສານດັ່ງກ່າວແນໃສ່ເພື່ອໃຫ້ມີຄວາມຖືກຕ້ອງ,ສົມບູນ ແລະ ຮັດກຸມເພື່ອກ້າວໄປໃນການຈັດຕັ້ງປະຕິບັດໃຫ້ມີຜົນ ສຳເລັດເປັນກ້າວໆ.

(ຂ່າວ: ສຳນານ ພົມພັກດີ)