ສານປະຊາຊົນສູງສຸດ ສຳມະນາວິທະຍາສາດ ເພື່ອກອງປະຊຸມໃຫຍ່ຂອງພັກ

   ສານປະຊາຊົນສູງສຸດ (ສປສສ) ໄດ້ຈັດກອງປະຊຸມ ສຳມະນາ ວິທະຍາສາດ ລະດົມຄວາມຄິດເຫັນຕໍ່ກອງປະຊຸມໃຫຍ່ຄັ້ງທີ XI ຂອງພັກ ໃນວັນທີ 2 ມິຖຸນານີ້ ທີ່ ສປສສ ພາຍໃຕ້ການເປັນປະທານຂອງທ່ານ ຄຳພາ ແສງດາຣາ ປະທານສານປະຊາຊົນສູງສຸດ ຊຶ່ງມີພະນັກງານການນຳ ອ້ອມຂ້າງ ສປສສ ເຂົ້າຮ່ວມ.

   ເປົ້າໝາຍຂອງກອງປະ ຊຸມ ດັ່ງກ່າວ ແມ່ນເພື່ອເປັນການລະດົມຄວາມຄິດເຫັນຕໍ່ເນື້ອໃນກອງປະຊຸມໃຫຍ່ຄັ້ງທີ XI ຂອງພັກ, ໃນຫົວຂໍ້ ການປັບປຸງລະບົບການປົກຄອງທ້ອງຖິ່ນ-ຮາກຖານ, ການປະຕິຮູບຂອດບໍລິຫານລັດ ທີ່ກົດໜ່ວງຖ່ວງດຶງການດຳເນີນທຸລະກິດ ແລະ ບໍລິການປະຊາຊົນ ແລະ ຈຸດພິເສດທີ່ຕັ້ງ ແລະ ນະ ໂຍບາຍເຊື່ອມຈອດ-ເຊື່ອມໂຍງເສດຖະກິດຂອງ ສປປ ລາວ.    (ຂ່າວ+ພາບ: ຕຸໄລເພັດ)