ເມືອງເຊບັ້ງໄຟ ສູ້ຊົນປູກເຂົ້ານາປີ 8.600 ເຮັກຕາ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 04/06/2020 09:59:56 ຈຳ​ນວນ​​ຢ້ຽມ​ຊົມ 1677 ຄັ້ງ

ທ່ານ ຈັນໄທ ສີຈັນທິລາດ ຮອງຫົວໜ້າຫ້ອງການກະສິກຳ ແລະ ປ່າໄມ້ ເມືອງເຊບັ້ງໄຟ  ແຂວງຄຳ ມ່ວນ ໃຫ້ສຳພາດ ເມື່ອບໍ່ດົນ ມານີ້ກ່ຽວກັບສະພາບການຜະ ລິດເຂົ້ານາແຊງ ແລະ ການກະ ກຽມໃຫ້ແກ່ລະດູຝົນປີ 2020 ວ່າ:  ການຜະລິດເຂົ້ານາແຊງຂອງຊາວກະສິກອນ ໃນທົ່ວເມືອງເຊບັ້ງໄຟຕາມເນື້ິອທີ່ ແຜນການ 2.400 ເຮັກຕາ. ສາ ມາດຈັດຕັ້ງປະຕິບັດຕົວຈິງໄດ້ 2.579 ເຮັກຕາ, ລື່ນແຜນການຈຳນວນ 179 ເຮັກຕາ. ສະເລ່ຍສະມັດຖະພາບ 5,6 ໂຕນຕໍ່ເຮັກຕາ, ລວມຍອດຜົນຜະລິດ 14 ພັນໂຕນ. ສາເຫດທີ່ເຮັດໃຫ້ລື່ນແຜນການແມ່ນຍ້ອນສະພາບການຜະລິດເຂົ້ານາປີຂອງປະຊາຊົນຖືກນ້ຳຖ້ວມ 2 ປີຕິດຕໍ່ກັນໃນຜ່ານມາພໍ່ແມ່ ປະຊາຊົນ ຈຶ່ງມີຄວາມກະຕືລື ລົ້ນໃນການຜະລິດ ເຂົ້າ ນາແຊງຫຼາຍຂຶ້ນບວກກັບລາຄາເຂົ້າທີ່ສູງຂຶ້ນ  ຊຶ່ງເປັນປັດໄຈເຮັດໃຫ້ປະຊາຊົນສຸມໃສ່ປູກເຂົ້າ ນາແຊງຫຼາຍຂຶ້ນ.  ສະເພາະແຜນການປູກເຂົ້ານາປີ ຕາມເນື້ອທີ່ໃນທົ່ວເມືອງ 8.600 ເຮັກຕາ. ປັດຈຸບັນລົງມືຕົກກ້າໄດ້ແລ້ວ 12 ໂຕນ ແລະ ຜະລິດແບບນາຝາຍ (ນາຫວ່ານ) ໄດ້ແລ້ວ 515 ເຮັກຕາ, ຄາດຄະ ເນການຕົກກ້າໃຫ້ສຳເລັດໃນເດືອນມິຖຸນາ 2020 ສຳລັບແຜນການຕ້ານແລ້ງ-ຕ້ານຖ້ວມ ຊຶ່ງໄດ້ອອກແຈ້ງການລົງເຖິງອຳນາດການປົກຄອງ ແລະ ພໍ່ແມ່ ປະຊາຊົນທີ່ມີໂຄງການຊົນ ລະປະທານ ແລະ ຝາຍນ້ຳລົ້ນ ເພື່ອຫ້າງຫາກະກຽມ  ເປັນຕົ້ນ ແມ່ນການກວດກາຫົວງານ, ຄອງເໝືອງ, ການຊັບໄຟໄດ ແລະ ອື່ນໆ ເພື່ອກຽມຄວາມພ້ອມຮອງຮັບໃນເວລາສຸກເສີນ.

       (ຂ່າວ: ກອງຄຳ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110