ກອງ​ປະຊຸມ​ເຜີຍແຜ່​ວຽກ​ງານ​ຮ່ວມ​ມື​ກັບ​ຕ່າງ​ປະ​ເທດ​ສໍາ​ລັບ​ຂະແໜງການ​ຖະແຫຼງ​ຂ່າວ, ວັດ​ທະ​ນະ​ທໍາ ແລະ ທ່ອງ​ທ່ຽວ(ຖວທ) ສົກ​ປີ 2019 ແລະ ແຜນການ​ປະ​ຈໍາ​ປີ 2020 ໄດ້​ຈັດ​ຂຶ້ນ​ໃນ​ວັນ​ທີ 11 ມິຖຸນານີ້ ທີ່​ ກະຊວງ ຖວທ ໂດຍການເປັນປະ ທານ​ຂອງທ່ານ ສະຫວັນ​ຄອນ ຣາ​ຊ​ມຸນຕຣີ ຮອງ​ລັດຖະມົນຕີ ກະຊວງ  ຖວທ  ຜູ້​ຊີ້​ນຳ​ວຽກ​ງານ​ຮ່ວມ​ມື​ສາກົນ  ຊຶ່ງ​ມີ​ພະນັກງານ​ການ​ນຳ ຖວທ ພ້ອມ​ດ້ວຍ​ພາກ ສ່ວນ​ກ່ຽວຂ້ອງ​ເຂົ້າ​ຮ່ວມ.
  ຈຸດປະສົງ​ກອງ​ປະຊຸມ​ແມ່ນ  ເພື່ອ​ເປັນ​ການ​ເຜີຍແຜ່​ວຽກ​ງານ​ການ​ຮ່ວມ​ມື​ສາກົນ​ໃນ​ຂະແໜງການ ຖວທ ໃນ​ໄລຍະ​ຜ່ານ​ມາ ແລະ ​ແຜນການ​ຈຸດ​ສຸມ​ປີ 2020 ເພື່ອ​ປຶກສາ​ຫາລື​ກ່ຽວ​ກັບ​ການຈັດຕັ້ງ​ປະຕິບັດ​ວຽກ​ງານ​ການ​ຕ່າງປະເທດ ໃນ​ຂະແໜງການ ຖວທ ໃຫ້​ດຳເນີນ​ໄປ​ຢ່າງ​ຖືກຕ້ອງ​ກັບ​ແນວທາງ​ການ​ຕ່າງປະເທດ​ຂອງ​ພັກ, ລັດ​ວາງ​ອອກ ພ້ອມ​ທັງ​ເປັນ​ການ​ເຜີຍແຜ່​ເນື້ອ​ໃນ​ຜົນ​ການ​ເຂົ້າ​ຮ່ວມ​ກອງ​ປະຊຸມ​ສະຫຼຸບ​ວຽກ​ງານ​ການ​ຕ່າງປະເທດ​ສະໄໝ​ສາມັນ ຄັ້ງ​ທີ V  ຊຶ່ງ​ກະຊວງການ ​ຕ່າງ​ປະເທດ​ໄດ້ເປັນ​ເຈົ້າພາບ​ຈັດ​ຕັ້ງ ໃນ​ເດືອນ​ທັນວາ 2019 ຊຶ່ງ​ໄດ້​ສະແດງ​ເຖິງ​ຄວາມ​ເອົາ ໃຈໃສ່​ຊີ້​ນຳ-ນຳພາ​ຂອງ​ຄະນະ​ນຳ​ກະຊວງ ຖວທ ເພື່ອ​ຜັນ​ຂະ ຫຍາຍ​ແຜນ​ພັດທະນາ​ວຽກ​ງານ ຖວທ 5 ປີ 2016-2020 ແລະ ແຜນ​ຈຸດ​ສຸມ​ວຽກ​ງານ​ຮ່ວມມືສາ ກົນ​ຂອງ​ຂະແໜງ ຖວທ ໃນ​ປີ 2020 ໃຫ້​ມີ​ຜົນ​ສຳ​ເລັດ. ພ້ອມ ​ນັ້ນ, ຜູ້​ເຂົ້າ​ຮ່ວມ​ໄດ້​ຮັບຟັງ​ ການ​ນຳ​ສະເໜີ​ຜົນສຳເລັດໃນ​ການ​ເຄື່ອນໄຫວ​ວຽກ​ງານຮ່ວມ​ມື​ສາກົນຂອງ​ຂະແໜງ ຖວທ ແລະ ການ​ປະກອບ​ຄຳ​ເຫັນ ແລະ ສະເໜີ​ບົດຮຽນ​ຂອງ​ບັນດາ​ກົມ​ກອງ​ອ້ອມ​ຂ້າງ​ກະຊວງ​  ເພື່ອ​ຈະ​ພ້ອມ​ກັນ​ເປັນ​ເອກະ​ພາບ​ໃນ​ດ້ານ​ຫຼັກການ​ໃນ​ການ​ປະຕິບັດ​ວຽກ​ໃນ​ຕໍ່​ໜ້າ. 
   ໃນ​ໂອກາດ​ດັ່ງກ່າວ, ທ່ານ ສະຫວັນ​ຄອນ   ຣາ​ຊ​ມຸນຕຣີ    ກໍໄດ້​ ມີ​ຄໍາ​ເຫັນ​ວ່າການ​ຮ່ວມ​ມືກັບ​ ພາກ​ພື້ນ ແລະ ສາກົນແມ່ນ​ມີທັງ ​ກາລະ​ໂອກາດ ແລະ ສິ່ງທ້າ​ ທາຍ, ສະນັ້ນ ສິ່ງ​ສຳຄັນ​ຕ້ອງ​ກຳ​ແໜ້ນ​ແນວທາງ​ນະໂຍບາຍ​ວຽກ​ງານ​ຂອງ​ພັກ​-​ລັດ ເຂົ້າ​ໃນ​ການ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ​ແຕ່ສູນ​ກາງຫາທ້ອງຖິ່ນໃຫ້​ຖືກ ເປົ້າ​ໝາຍ ພ້ອມ​ທັງ​ຮ່ວມ​ກັນ​ສູ້​ຊົນເດັດດ່ຽວ, ເພີ່ມ​ທະວີການ​ ປະສານ​ງານ​ຢ່າງ​ໃກ້​ຊິດ ພ້ອມ​ທັງ​ເປັນ​ເຈົ້າ​ການ ແລະ ມີ​ສະ ຕິ​ສູງ ໃນ​ການ​ປະຕິບັດພັນທະ ຕໍ່​ສາກົນຮູ້ຈັກ​ໄຈ້​ແຍກ​ມິດສັດ ຕູ ເພື່ອ​ຍາດ​ແຍ່ງ​ເອົາ​ຜົນ​ປະ ໂຫຍດ​ມາສູ່​ປະເທດ​ຊາດ. ພ້ອມ​ດຽວ​ກັນ​ນັ້ນ​ວຽກ​ສຳຄັນ​ອັນ​ຕົ້ນຕໍແມ່ນ​ຈະ​ຕ້ອງ​ໄດ້​ເອົາໃຈ​ໃສ່​ບໍາ​ລຸງ​ກໍ່ສ້າງ​ຖັນ​ແຖວ​ພະນັກງານ​ໃຫ້​ມີ​ຄວາມຊໍາ​ນິ​ຊໍາ​ນານ ມີ​ລະດັບ​ຄວາມ​ຮູ້​ພຽງພໍ ເຂົ້າ​ໃນ​ການ​ປະຕິບັດ​ວຽກ​ງານ​ວິຊາ​ສະເພາະ​ໃຫ້​ມີ​ອັນ​ຄ່ອງ​ແຄ້ວ ເປັນ​ຈຸດ​ປະສານ​ງານທີ່​ ເຂັ້ມແຂງ​ມີ​ຄວາມ​ສາມາດທາງ​ ດ້ານ​ພົວພັນ​ພາຍ​ໃນກໍ​ຄື​ສາກົນ ຢູ່​ໃນ​ສູນ​ກາງ​ເຖິງທ້ອງ​ຖິ່ນ ແລະ ​ເຊື່ອ​ໝັ້ນ​ວ່າດ້ວຍ​ຄວາມ​ເອົາໃຈໃສ່ ແລະ ການປະກອບ ​ຄໍາ​ຄິດ​ຄໍາເຫັນຂອງ​ບັນ​ຜູ້ເຂົ້າ ​ຮ່ວມ, ກອງ​ປະຊຸມ​ວຽກ​ງານ​ ຮ່ວມ​ມື​ສາກົນຂອງຂະແໜງ ການ ຖວທ ໃນ​ຄັ້ງນີ້ຈະ​ໄດ້​ຮັບ​ການ​ປັບປຸງ ແລະ ຂະ ຫຍາຍ​ໄປ​ໃນ​ທິດ​ທາງທີ່ຖືກຕ້ອງ​ຕາມ​ພັກ​-​ລັດ​ວາງ​ອອກ​ໃຫ້​ມີ​ບາດກ້າວ​ອັນ​ໃໝ່.       
   (ຂ່າວ: ຍຸ​ພິນ​ທອງ)