ກອງ​ປະຊຸມ​ປັບປຸງການ ຈັດຕັ້ງ​ຂັ້ນ​ຮອງ​ພະ​ແນ​ກ​ຖະ ແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ແຂວງອັດ​ຕະ​ປື ໄດ້​ຈັດ​ຂຶ້ນ​ໃນ​ວັນ​ທີ 15     ມິຖຸນາ​ຜ່ານ​ມາ​ ທີ​່ແຂວງດັ່ງ ກ່າວ ໂດຍ​ການ​ເຂົ້າ​ຮ່ວມ​ຂອງ​ທ່ານ ອຸ່ນ​ຫຼ້າ ໄຊ​ຍະ​ສິດ ຮອງ​ເຈົ້າແຂວງອັດ​ຕະ​ປື, ມີ​ຄະນະ​ນຳ​ຈາກ​ອົງການ​ຈັດ​ຕັ້ງ​ຂັ້ນ​ແຂວງ​ເຂົ້າ​ຮ່ວມ.
   ໃນ​ກອງ​ຊຸມ​ໄດ້​ຜ່ານ​ຂໍ້​ຕົກ ລົງ​ຂອງ​ທ່ານ​ເຈົ້າແຂວງ​ເລກ​ທີ 226/ຈຂອປ, ເລກທີ 227/ຈຂອປ  ລົງ​ວັນ​ທີ 24 ມິຖຸນາ  2020 ວ່າ​ດ້ວຍ​ການ​ແຕ່ງຕັ້ງ ແລະ  ການ​ຍົກ​ຍ້າຍ​ພະນັກງານ​ຄື: ຍົກ​ຍ້າຍທ່ານ ກົງຈັກ ສີສະ​ຫວາດ ຮອງຫົວໜ້າພະແນກ ຖວທ (ຍັງ​ສຶກ​ສາ​ປະລິນຍາໂທ​ ປີ​ສຸດ​ທ້າຍ ທີ່​ສະ​ຖາ​ບັນ​ການ ​ເມືອງ​-​ການ​ປົກຄອງ​ແຫ່ງ ຊາດ) ໄປ​ປະຈຳການ​ຢູ່​ຄະນະ​ໂຄສະນາ​ອົບຮົມ​ແຂວງ ແລະ ໄດ້​ແຕ່ງຕັ້ງ ທ່ານ ອ໋ອງ​ຄຳ ຄູນ​ສະໄໝ ຮອງ​ເລຂາ​ຄະນະ​ບໍລິ ຫານ​ງານ​ຊາວ​ໜຸ່ມ​ແຂວງ ເປັນ​ຮອງ​ຫົວໜ້າ​ພະ​ແນກ ຖວທ ແຂວງ​ຜູ້​ໃໝ່.
    ໃນ​ໂອກາດ​ນີ້, ທ່ານ ນາງ ບຸນ​ນານ ບຸນ​ນະ​ແສງ ຫົວໜ້າ​ພະ​ແນກ ຖວທ ແຂວງ ອັດ​ຕະ​ປື ໄດ້​ຍົກ​ໃຫ້​ເຫັນ​ວ່າ: ການ​ປະ ກາດ​ປັບປຸງ​ການຈັດຕັ້ງ ແລະ ແຕ່ງຕັ້ງ​ພະນັກງານ​ນຳພາ  ເພື່ອ​ເປັນ​ການ​ປັບປຸງ​ໃຫ້ມີ​ຄວາມ​ສອດຄ່ອງ, ເປັນ​ລະບົບ, ຮອງ​ຮັບ​ການ​ຂະຫຍາຍ​ວຽກ​ງານ ແລະ ພາລະກິດ​ປ່ຽນແປງ​ໃໝ່​ຂອງ​ພັກ​ນັ້ນ ເຫັນ​ວ່າ ທ່ານ ອ໋ອງ​ຄຳ ຄູນ​ສະໄໝ ໃນ​ນາມ​ຮອງ​ຫົວໜ້າ​ພະ​ແນກ ຖວທ ຜູ້​ໃໝ່​ກໍ ລ້ວນ​ແລ້ວ​ໄດ້​ຮັບ​ການ​ຝຶກ​ຝົນ​ຫຼໍ່​ຫຼອມ​ກັນ​ມາ​ຫຼາຍ​ກວ່າ 10 ປີ ທີ່​ເຄີຍ​ຕິດ​ພັນ​ກັບ​ຂະແໜງ​ວັດທະນະ​ນຳ ຂັ້ນ​ເມືອງ​-​ຂັ້ນ​ແຂວງ ແລະ​ ໄດ້​ຮັບ​ການ​ສຶກສາ​ ຮ່ຳຮຽນ​ໃນ​ສາຍ​ວຽກ​ງານສື່​ມວນ​ຊົນ ຄະນະ​ອັກສອນສາດ​ມະຫາວິທະຍາໄລ​ແຫ່ງ​ຊາດ ຊຶ່ງ​ຢູ່​ໃນ​ກອບ​ຂອງ​ການ​ກໍ່ສ້າງ​ພະນັກງານ​ຮຸ່ນ​ສືບ​ທອດ​ປ່ຽນ​ແທນ​ຂອງ​ພັກ​ແຕ່​ຕົ້ນ​ຕະຫຼອດ​ປາຍ. ພ້ອມ​ນ້ັນ, ທ່ານຍັງ​ເນັ້ນ​ໃຫ້​ຜູ້​ທີ່​ໄດ້​ຮັບ​ການ​ແຕ່ງຕັ້ງ ແລະ ພະນັກ​ງານ​-​ລັດຖະກອນ ພາຍ​ໃນ​ພະ​ແນກ ຖວທ ຈົ່ງ​ສືບຕໍ່​ສຸມ​ທຸກ​ເຫື່ອແຮງ, ສະຕິປັນຍາ, ຍົກ​ລະດັບ​ຄວາມ​ຮູ້, ຄວາມ​ສາມາດ, ຮັກສາ​ຄວາມ​ສາມັກຄີ ພາຍ​ໃນ​ເປັນ​ປຶກ​ແຜ່ນ, ສືບຕໍ່​ປັບປຸງ​ແບບແຜນ​ວິທີ​ເຮັດ​ວຽກ​ໃຫ້​ຖືກຕ້ອງ, ສອດຄ່ອງ​ກັບ​ວຽກ​ງານ​ຕົວ​ຈິງ, ຮັບປະກັນ​ໜ້າທີ່​ວຽກ​ງານ​ໃຫ້​ສຳເລັດ​ວ່ອງໄວ, ໂປ່​ງ​ໃສ ແລະ ມີ​ຄຸນ​ນະ​ພາບ, ພ້ອມ​ກັນ​ສຸມ​ເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ​ໃຫ້​ໄດ້​ຮັບ​ຜົນ​ສຳ​ເລັດ.    (ຂ່າວ: ມາລາ​ທິບ)