Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມໃຫຍ່ຄັ້ງທີ III ຂອງຄະນະ ບໍລິຫານງານຊາວໜຸ່ມ ສວສຊ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 23/06/2020 09:15:32 ຈຳ​ນວນ​​ຢ້ຽມ​ຊົມ 2314 ຄັ້ງ

ຄະນະ​ບໍລິຫານ​ງານ​ຊາວ​ໜຸ່ມ ສະ​ຖາ​ບັນ​ວິທະຍາສາດ​ສັງຄົມ​ແຫ່ງ​ຊາດ (ສວສຊ) ໄດ້​ເປີດ​ກອງ​ປະຊຸມ​ໃຫຍ່​ຄັ້ງ​ທີ III ຂອງ​ຕົນ​ຂຶ້ນ​ເມື່ອບໍ່​ດົນ​ມານີ້ ທີ່​ຫ້ອງ​ປະຊຸມ​ຂອງ​ສະ​ຖາ​ບັນ​ດັ່ງກ່າວ  ພາຍ​ໃຕ້​ການ​ເປັນ​ປະທານ​ຂອງ ສະຫາຍ ສອນ​ທະນູ ທໍາ​ມະ​ວົງ ກໍາ​ມະ​ການ​ສູນ​ກາງ​ພັກ ປະທານ ສວສຊ, ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
ໃນ​ພິທີ, ສະຫາຍ ໄຊ​ສົມ​ພອນ ຫາ​ວັນນະ​ລາດ ເລຂາ​ຄະນະ​ບໍລິຫານ​ງານ​ຊາວ​ໜຸ່ມ ສວສຊ ໄດ້​ຂຶ້ນ​ຜ່ານ​ບົດ​ສະຫຼຸບ, ຊຶ່ງ​ໄດ້​ຍົກ​ໃຫ້​ເຫັນ​ດ້ານ​ດີ, ດ້ານ​ ອ່ອນ, ຂໍ້​ຂາດ​ຕົກ​ບົກ​ຜ່ອງ ແລະ ບົດຮຽນ​ທີ່​ຖອດ​ຖອນ​ໄດ້​ໃນຕໍ່ໜ້າ ເປັນຕົ້ນ​ແມ່ນ ຜົນງານ​ທີ່​ພົ້ນ​ເດັ່ນ​ໃນ​ໄລຍະ 5 ປີ​ທີ່​ຜ່ານ​ມາ, ສະມາຊິກ​ຊາວ​ໜຸ່ມ ສວສຊ ໄດ້​ປະກອບສ່ວນ​ເປັນ​ກໍາ​ລັງ​ແຮງ​ໃນ​ການ​ຄົ້ນຄວ້າ, ເກັບ​ກໍາ ແລະ ສະໜອງ​ຂໍ້​ມູນ​ດ້ານ​ວິທະຍາສາດ​ສັງຄົມ ໃຫ້​ນັກ​ຄົ້ນຄວ້າ  ພ້ອມ​ນັ້ນ ກໍ​ໄດ້​ເຮັດ​ໜ້າທີ່​ປະກອບສ່ວນ​ໃນ​ການ​ຄົ້ນຄວ້າ​ໃນ​ຫົວຂໍ້​ຕ່າງໆ. ສະແດງ​ອອກ​ໃນ​ການ​ຈັດ​ກອງ​ປະ​ຊຸມ​ສໍາ​ມະ​ນາ​ວິທະຍາສາດ ຊາວ​ໜຸ່ມ ພາຍ​ໃຕ້​ຫົວຂໍ້: “ບົດບາດ​ຊາວ​ໜຸ່ມ​ໃນ​ພາລະກິດ​ປະຕິວັດ​ຂອງ​ສອງ​ປະເທດ ລາວ​-​ຫວຽດນາມ LASS-VASS”; ຈັດ​ກອງ​ປະຊຸມ​ແຂ່ງຂັນ ຂຽນ​ບົດ​ວິທະຍາສາດ​ໃນ​ຫົວຂໍ້: “ຊາວ​ໜຸ່ມ​ເປັນ​ແຂນ​ຂວາ​ຂອງ​ພັກ ເປັນ​ກະດູກ​ສັນຫຼັງ​ຂອງ​ຊາດ” ທີ່​ຄະນະ​ຊາວ​ໜຸ່ມ ສວສຊ ຈັດ​ຂຶ້ນ ແລະ ວຽກ​ງານ​ອື່ນໆ.
ຄຽງ​ຄູ່​ກັນ​ນັ້ນ ຄະນະ​ຊາວ​ໜຸ່ມ ສວສຊ ໄດ້​ຖື​ເອົາ​ວຽກ​ງານ​ພົວພັນ​ຕ່າງປະເທດ ເພື່ອ​ຍາດ​ແຍ່ງ​ເອົາ​ທຶນ​ໃນ​ການ​ຝຶກ​ອົບຮົມ, ສໍາ​ມະ​ນາ​ວິທະຍາສາດ, ໄລຍະ 2018 ຄະນະ​ຊາວ​ໜຸ່ມ ສວສຊ ໄດ້​ເປັນ​ເຈົ້າພາບ ໃນ​ການ​ຈັດ​ກອງ​ປະ​ຊຸມ​ສໍາ​ມະ​ນາ​ວິທະຍາສາດ  ຮ່ວມ​ກັບ​ຄະນະ​ຊາວ​ໜຸ່ມ ສະ​ຖາ​ບັນ​ວິທະຍາສາດສັງຄົມ​ ຫວຽດນາມ ພາຍ​ໃຕ້​ຫົວຂໍ້: “ບົດບາດ​ຊາວ​ໜຸ່ມ​ໃນ​ພາລະ ກິດ​ປະຕິວັດ​ຂອງ​ສອງ​ປະເທດ ລາວ​-​ຫວຽດນາມ” ທີ່​ແຂວງ​ຊຽງ​ຂວາງ;  ຊຸກຍູ້​ບັນດາ​ໜ່ວຍ​ຊາວ​ໜຸ່ມ ກ່ຽວ​ກັບ ການ​ປະ​ເມີນ​ຜົນ​ການຈັດຕັ້ງ​ແຂ່ງຂັນ 4 ບຸກ ຕາມ​ບົດ​ແນະ​ນໍາ ເລກ​ທີ 421/ລຂ ຂອງ​ສູນ​ກາງ​ຊາວ​ໜຸ່ມ ປະຊາຊົນ​ປະຕິວັດ​ລາວ ແລະ ຕາມ​ແຜນການ​ລົງ​ຊຸກຍູ້ ແລະ ຕິດຕາມ​ການ​ປະ​ເມີນ​ຜົນ 4 ບຸກ​ຂອງ​ຄະນະ​ບໍລິຫານ​ງານ​ຊາວ​ໜຸ່ມ ສວສຊ ແນໃສ່​ຮັບປະກັນ​ໄດ້​ຄຸນ​ນະ​ພາບ ແລະ ຄວາມ​ຖືກຕ້ອງ​ຕາມ​ລະບຽບ​ການ​ທີ່​ວາງ​ໄວ້.
ທິດ​ທາງ​ແຜນການ​ໃນ 5ປີ​ຕໍ່ໜ້າ ( 2020-2024), ສຸມ​ໃສ່​ວຽກ​ງານ​ສຶກສາ​ອົບຮົມ​ການເມືອງ​ແນວ​ຄິດ; ປັບ​ປຸງ​-​ກໍ່ສ້າງ​ການຈັດຕັ້ງ​ຊາວ​ໜຸ່ມ ສວສຊ; ນໍາ​ພາ​ຊາວ​ໜຸ່ມ​ເຂົ້າ​ສູ່​ຂະບວນ​ການ​ຕ່າງໆ; ເຄື່ອນ​ໄຫວ​ວຽກ​ງານ​ວິຊາ​ສະເພາະ; ສືບຕໍ່​ພົວພັນ​ຮ່ວມ​ມື​ກັບ​ຕ່າງປະເທດ ແລະ ເອົາໃຈໃສ່​ວຽກ​ງານ​ກວດ​ກາ. ຄະນະ​ບໍລິຫານ​ງານ​ຊາວ​ໜຸ່ມ ສວສຊ ຊຸດ​ໃໝ່ ສືບຕໍ່​ແບ່ງ​ງານ ແບ່ງ​ຄວາມ​ຮັບຜິດຊອບ, ສັບຊ້ອນ​ບຸກ​ຄະລາ​ກອນ​ຂັ້ນ​ໜ່ວຍ​ຈໍາ​ນວນ​ໜຶ່ງ​ຄືນໃໝ່  ເພື່ອ​ໃຫ້​ແທດເໝາະ​ກັບ​ສະພາບ​ຕົວ​ຈິງ; ຄົ້ນຄວ້າ​ສະມາຊິກ​ຊາວ​ໜຸ່ມ ຜູ້​ທີ່​ຮອດ​ອາຍຸ​ກະສຽນ​ພັກຜ່ອນ; ຊຸກຍູ້​ສົ່ງເສີມ​ໃຫ້​ສະມາຊິກ​ຕັ້ງໜ້າ​ຮໍ່າ​ຮຽນ ທິດ​ສະ​ດີ​ການ​ເມືອງ​-​ການ​ປົກຄອງ​ໃຫ້​ເລິກເຊິ່ງ  ໃຫ້​ມີ​ຄວາມ​ສາ​ມາດ​ນໍາ​ເອົາ​ທິດ​ສະ​ດີ ໄປ​ໝູນ​ໃຊ້​ເຂົ້າ​ໃນ​ພຶດຕິ​ກໍາ​ຕົວ​ຈິງ; ປັບປຸງ​ກົງຈັກ​ການຈັດຕັ້ງ​ຂອງ​ຕົນ ໃຫ້​ມີ​ຄວາມ​ໜັກ​ແໜ້ນ​ເຂັ້ມແຂງ ສ້າງ​ໄດ້​ຖັນ​ແຖວ​ນັກ​ຄົ້ນຄວ້າ​ວິທະຍາສາດ​ທີ່​ໜຸ່ມແໜ້ນ  ກາຍເປັນ​ພະນັກ​ງານ​ນໍາ​ພາ ສືບ​ທອດ  ໂດຍ​ສຸມ​ໃສ່​ກໍ່ສ້າງ​ຖັນ​ແຖວ​ສະມາຊິກ​ຊາວ​ໜຸ່ມ​ທີ່​ມີ​ຄວາມ​ຈູບ​ຈ້າວ​ຫ້າວຫັນ .
ກອງ​ປະຊຸມ ໄດ້​ດໍາ​ເນີນ​ການ​ປ່ອນ​ບັດ​ຄັດ​ເລືອກ​ເອົາ​ຄະນະ​ບໍລິຫານ​ງານ​ຊາວ​ໜຸ່ມ ສວສຊ ຊຸດ​ໃໝ່ ຊຶ່ງ​ໄດ້​ເລືອກ​ເອົາ ສະຫາຍ ນາງ​ກຽງ​ຄໍາ ກັນຫາ​ວົງ ເປັນ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ ສວສຊ, ສະຫາຍ  ນາງ​ພູ​ຄຽງ ໄຊ​ສີ​ລິ ເປັນ​ຮອງ​ເລຂາ, ສະຫາຍ ສຸລິຍາ ລາດ​ປາກ​ດີ ເປັນ​ຮອງ​ເລຂາ ແລະ ອີກ 6 ສະຫາຍ ເປັນ​ຄະ​ນະ.
  ( ຂ່າວ: ແສງ​ຈັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com