ຊາວກະສິກອນທົ່ວເມືອງນອງ ເລີ່ມລົງມືປັກດຳເຂົ້ານາປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/06/2020 09:31:48 ຈຳ​ນວນ​​ຢ້ຽມ​ຊົມ 2222 ຄັ້ງ

    ຕາມການລາຍງານຂອງ ຫ້ອງການກະສິກຳ ແລະ ປ່າໄມ້ເມືອງນອງ ແຂວງສະຫວັນ    ນະເຂດໃຫ້ຮູ້ວ່າ: ເລີ່ມແຕ່ກາງເດືອນພຶດສະພາເປັນຕົ້ນມາ, ຊາວກະສິກອນໃນທົ່ວເມືອງ ນອງ ໄດ້ພາກັນລົງມືສູ່ການຜະ ລິດເຂົ້ານາປີຢ່າງເປັນຂະບວນ ທັງນີ້ກໍເພື່ອເຮັດໃຫ້ການປັກ ດຳເຂົ້ານາປີໄດ້ທ່ວງທັນຕາມລະດູການ.

    ປີ 2020 ນີ້, ເມືອງນອງມີແຜນຜະລິດເຂົ້ານາປີໃນຈຳນວນເນື້ອທີ່ທັງໝົດ 1.000 ເຮັກຕາ ແລະ ເນື້ອທີ່ເຂົ້າໄຮ່ສວນຈຳນວນ 3.907 ເຮັກຕາ, ມາຮອດປັດຈຸບັນ, ໄຖຮຸດນາໄດ້ແລ້ວ 85%, ຕົກກ້າໄດ້ 70% ແລະປັກດຳເຂົ້ານາປີໄດ້ 20% ຂອງເນື້ອທີ່ແຜນການ  ໂດຍໄດ້ນຳໃຊ້ແນວພັນເຂົ້າປັບປຸງ ແລະແນວພັນເຂົ້າພື້ນເມືອງ ປະສົມປະສານກັນຕາມເງື່ອນໄຂຕົວຈິງຂອງແຕ່ລະພື້ນທີ່. ຄຽງຄູ່ກັນນັ້ນ, ຊາວກະສິກອນຍັງໄດ້ລົງມືສູ່ການຜະລິດການປູກພືດຊະນິດຕ່າງໆ ແລະ ຕົ້ນໄມ້ໃຫ້ໝາກໃສ່ສັບຫວ່າງເຂົ້າໄຮ່ສວນເຊັ່ນ: ໝາກເຜັດ, ໝາກເຂືອ, ມັນຕົ້ນ, ມັນດ້າງ, ສາລີ ແລະອື່ນໆ.  ນອກຈາກນັ້ນ, ປະຊາຊົນບາງຄອບຄົວ ຍັງໄດ້ສຸມໃສ່ການເຮັດສວນເປັນຫຼັກ ເພື່ອປູກຕົ້ນໄມ້ເປັນສິນຄ້າເຊັ່ນ: ໄມ້ວິກ ເພື່ອສົ່ງຂາຍໃຫ້ບໍລິສັດຊັນເປເປີ້ໂຮນດິ້ງລາວ ຈຳກັດ ທີ່ຕັ້ງຢູ່ເມືອງເຊໂປນ; ສ່ວນກ້ວຍ, ມັນ ຕົ້ນ, ຫວາຍ ແລະ ໝາກໄມ້ ຊະນິດຕ່າງໆ ແມ່ນຈະໄດ້ສົ່ງຂາຍອອກໄປ ສສ ຫວຽດນາມ.

(ຂ່າວ: ຕຸກຕຸກ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110