ໜັງສືພິມ ປະຊາຊົນ

ກຸ່ມບໍລິສັດ ດວງຈະເລີນ ມອບເຄື່ອງປ້ອງກັນພະຍາດ ໂຄວິດ-19 ໃຫ້ຄະນະສະເພາະກິດ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 06/07/2020 09:26:13 ຈຳນວນຢ້ຽມຊົມ 254 ຄັ້ງ

ກຸ່ມບໍລິສັດ ດວງຈະເລີນພັດທະນາກໍ່ສ້າງ ຈຳກັດ ພ້ອມຄູ່ຮ່ວມທຸລະກິດໄດ້ນຳເຄື່ອງຊ່ວຍເຫຼືອ ດ້ານການແພດ(ຜ້າ ອັດປາກ-ດັງ) ມາມອບໃຫ້ແກ່ ລັດຖະບານກໍຄືຄະນະສະເພາະ ກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງພະຍາດ ໂຄວິດ-19 ເພື່ອນໍາໄປແຈກຢາຍ ໃຫ້ບັນດາກະ ຊວງ ແລະ ແຂວງຈຳນວນໜຶ່ງ.
ພິທີມອບ-ຮັບເຄື່ອງດັ່ງ ກ່າວໄດ້ມີຂຶ້ນໃນວັນທີ 1 ກໍ ລະກົດຜ່ານມາ ທີ່ຫ້ອງວ່າການສຳນັກງານນາຍົກລັດຖະມົນຕີ,ກ່າວມອບໂດຍທ່ານ ນາງ ອາຊິງ ສີລາຊາ ຮອງປະທານ ກຸ່ມບໍລິ ສັດ ດວງຈະເລີນ ພັດທະນາກໍ່ສ້າງ ຈຳກັດ ແລະ ຕາງໜ້າໃຫ້ຄະນະສະເພາະກິດ ກ່າວຮັບໂດຍທ່ານ ນາງ ທິບພະກອນ ຈັນ ທະວົງສາ ຮອງລັດຖະມົນຕີ ຮອງຫົວໜ້າຫ້ອງວ່າການສຳ ນັກງານນາຍົກລັດຖະມົນຕີ ຮອງຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງພະຍາດ ໂຄວິດ -19.
ເຄື່ອງທີ່ນຳມາມອບໃນຄັ້ງນີ້ ມີຜ້າອັດປາກ-ດັງ N95 ຈໍານວນ 100.000 ອັນ ລວມເປັນມູນຄ່າປະມານ 309.000 ໂດລາ, ໃນໂອກາດນີ້, ທ່ານ ນາງ ທິບພະກອນ ຈັນທະວົງສາ ໄດ້ກ່າວສະແດງຄວາມຂອບໃຈ ແລະ ຊົມເຊີຍ ຕໍ່ກຸ່ມບໍລິສັດ ທີ່ໄດ້ນຳເອົາເຄື່ອງມາຊ່ວຍເຫຼືອ ໃນຄັ້ງນີ້ ຊິຶ່ງເປັນການປະ ກອບສ່ວນອັນສຳຄັນເຂົ້າໃນການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດໂຄວິດ-19.
(ຂ່າວ: ຫສນຍ)