ໜັງສືພິມ ປະຊາຊົນ

ບໍລິສັດ VNL ຈຳ¬ກັດຜູ້ດຽວ ມີຄວາມພ້ອມໃນການລົງທຶນ ພັດທະນາຕະຫຼາດປາກຊັນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 07/07/2020 09:07:27 ຈຳນວນຢ້ຽມຊົມ 486 ຄັ້ງ

ພິທີເຊັນບົດບັນທຶກຄວາມເຂົ້າໃຈ MOU ເພື່ອສຶກສາຄວາມເປັນໄປໄດ້ໃນການລົງທຶນພັດທະນາຕະຫຼາດປາກຊັນ ຢູ່ເຂດບ້ານໂພນໄຊ ເມືອງປາກຊັນ ແຂວງບໍລິຄຳໄຊ ໄດ້ຈັດຂຶ້ນເມື່ອບໍ່ດົນມານີ້ ຢູ່ພະແນກແຜນການ ແລະ ການລົງທຶນແຂວງ ໃຫ້ກຽດເຂົ້າຮ່ວມຂອງທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ, ທ່ານ ເລື່ອນວິໄລ ຈັນທະລາພັນ ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ໄມຈອມ ວັນນະສານຄຳ ເຈົ້າເມືອງປາກຊັນ, ທ່ານ ຈ່ຽນ ວັນນະເລີດ ປະທານບໍລິສັດ VNL ຈໍາກັດຜູ້ດຽວ ມີບັນດາພະແນກການທີ່ກ່ຽວຂ້ອງພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.
ຕະຫຼາດປາກຊັນ ເປັນໂຄງການໜຶ່ງທີ່ເລັ່ງດ່ວນ ແລະ ນອນໃນແຜນພັດທະນາເສດຖະກິດ-ສັງຄົມຂອງແຂວງ ແຕ່ການພັດທະນາໂຄງການໃນໄລຍະຜ່ານມາ ກໍຍັງບໍ່ພົບບໍລິສັດທີ່ຈິງໃຈຈະພັດທະນາໂຄງການດັ່ງກ່າວ ແຂວງຈຶ່ງໄດ້ແຕ່ງຕັ້ງຄະນະກຳມະການ ເພື່ອຄັດເລືອກເອົາຜູ້ທີ່ຈະມາພັດທະນາໃນໂຄງການດັ່ງກ່າວໃຫ້ສຳເລັດຜົນຕາມຄາດໝາຍ. ການຄົ້ນຄວ້າດ້ານວິຊາການທີ່ລະອຽດ ໂດຍມີຕົວຊີ້ວັດທາງດ້ານມາດຖານ ເງື່ອນໄຂທີ່ຊັດເຈນ ແລະ ຕົກລົງເປັນເອກະພາບ ຮັບຮອງເອົາບໍລິສັດດັ່ງກ່າວນີ້ ເປັນຜູ້ສຶກສາລາຍລະອຽດໃນການພັດທະນາໂຄງການດັ່ງກ່າວ ເປັນເວລາ 3 ເດືອນ ແລະ ບໍລິສັດ ກໍມີຄວາມພ້ອມທີ່ຈະຈັດຕັ້ງປະຕິບັດໂຄງການນີ້ໃຫ້ຖືກຕ້ອງ ແລະ ສອດຄ່ອງກັບລະບຽບກົດໝາຍຢ່າງເຂັ້ມງວດ ຕາງໜ້າໃຫ້ແກ່ອໍານາດການປົກຄອງແຂວງເຊັນໂດຍທ່ານ ເລື່ອນວິໄລ ຈັນທະລາພັນ ຫົວໜ້າພະແນກແຜນການ ແລະ ການລົງທຶນແຂວງ, ຕາງໜ້າບໍລິສັດຜູ້ລົງ ທຶນພັດທະນາ ເຊັນໂດຍທ່ານ ຈ່ຽນ ວັນນະເລີດ ປະທານບໍລິສັດ VNL ຈໍາກັດຜູ້ດຽວ ແລະ ຕາງໜ້າພະແນກການທີ່ກ່ຽວຂ້ອງເຂົ້າຮ່ວມ.
(ຂ່າວ : ວຽງສະຫວັນ)