ເມືອງໄຊພູທອງ ປ່ອຍປາສູ່ທຳມະຊາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/07/2020 09:31:07 ຈຳ​ນວນ​​ຢ້ຽມ​ຊົມ 436 ຄັ້ງ

   ໃນ​ວັນ​ທີ 14 ກໍ­ລະ­ກົດ ຜ່ານ​ມາ ທີ່ (ໜອງ​ລວມ) ບ້ານ​ເວີນ​ຄູນ​ທີ່​ຂຶ້ນ​ກັບ​ກຸ່ມ​ບ້ານ​ທີ 8 ຂອງ​ເມືອງ​ໄຊ​ພູ​ທອງ ແຂວງ​ສະ​ຫວັ​ນນ​ເຂດ, ຫ້ອງ­ການ​ກະ​ສິ​ກໍາ-​ປ່າ­ໄມ້​ເມືອງ​ໄດ້​ສົມ­ທົບ​ກັບ​ອໍາ​ນາດ​ການ​ປົກ­ຄອງ​ເມືອງ ແລະ ອໍາ​ນາດ​ການ​ປົກ­ຄອງ ບ້ານ​ເວີນ​ຄູນ ຈັດ​ພິ­ທີ​ປ່ອຍ​ປາ​ໃນ​ວັນ​ອະ­ນຸ­ລັກ​ສັດ​ນໍ້າ-​ສັດ­ປ່າ ແຫ່ງ​ຊາດ​ຂຶ້ນ​ຢ່າງ​ເປັນ​ທາງ​ການ ໂດຍ​ການ​ເຂົ້າ​ຮ່ວມ ຂອງ​ທ່ານ ຄໍາ​ວິ​ໃສ ຜຸຍ​ຍະ​ວົງ ກໍາ​ມະ​ການ​ພັກ​ແຂວງ ເລ­ຂາ​ພັກ​ເມືອງ ເຈົ້າ­ເມືອງ​ໄຊ​ພູ​ທອງ, ມີ​ທ່ານ ຄໍາ​ຈັນ ສີ­ດາ​ວົງ ຮອງ​ພະ​ແນ​ກ​ກະ​ສິ​ກໍາ-​ປ່າ­ໄມ້​ແຂວງ  ພ້ອມ​ດ້ວຍ​ບັນ­ດາ​ຫ້ອງ­ການ​ຕ່າງໆ​ທີ່​ກ່ຽວ­ຂ້ອງ, ນັກ­ທຸ­ລະ­ກິດ ຕະ ­ຫຼອດ​ເຖິງ​ອໍາ​ນາດ​ການ​ປົກ­ຄອງ​ບ້ານ ແລະ ພໍ່​ແມ່​ປະ­ຊາ­ຊົນ​ເຂົ້າ​ຮ່ວມ.
   ທ່ານ ສຸ­ວັນ ໄຊ​ຍະ​ມັງ​ດາ­ລາ ຮອງ​ຫົວ­ໜ້າ​ຫ້ອງ­ການ​ກະ​ສິ​ກໍາ-​ປ່າ­ໄມ້​ເມືອງ  ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສໍາ​ຄັນ​ຂອງ​ວັນ​ອະ­ນຸ­ລັກ​ສັດ​ນໍ້າ-​ສັດ­ປ່າ​ ວ່າ: ລັດ­ຖະ­ບານ​ໄດ້​ກໍາ​ນົດ​ເອົາ​ວັນ​ທີ13 ກໍ­ລະ­ກົດ​ຂອງ​ທຸກໆ​ປີ​ເປັນ​ວັນ​ອະ­ນຸ­ລັກ​ສັດ​ນໍ້າ-​ສັດ­ປ່າ ແລະ ວັນ​ປ່ອຍ​ປາ​ຄືນ​ສູ່​ທໍາ​ມະ​ຊາດ ເນື່ອງ​ຈາກ​ວ່າ​ວັນ​ດັ່ງ­ກ່າວ​ເປັນ​ໄລ​ຍະທີ່​ກ້າວ​ເຂົ້າ​ສູ່​ລະ­ດູ­ຝົນ ເປັນ​ໄລ​ຍະ​ທີ່​ສັດ­ປ່າ​ນາໆ​ຊະ​ນິດ​ກໍາ​ລັງ​ເຕີບໃຫຍ່​ຂະ­ຫຍາຍ­ຕົວ ໂດຍ​ສະ­ເພາະ​ແມ່ນ​ເປັນ​ໄລ​ຍະ​ທີ່​ກໍາ​ລັງ​ແຜ່­ພັນ ແລະ ຢູ່​ໃນ​​ໄລ​ຍະການ​ເຕີບ​ໃຫຍ່​ຂະ­ຫຍາຍ ­ຕົວ​ຂອງ​ສັດ​ປະ­ເພດ​ຕ່າງໆ ໃຫ້​ມີ​ຄວາມ​ອຸ­ດົມ­ສົມ­ບູນ​ຢູ່​ຕາມ​ຫ້ວຍ​ຮ່ອງ​ຄອງ​ບຶງ ແລະ ວັງ­ສະ​ຫງວນ​ຕ່າງໆ ພ້ອມ​ທັງ​ເອົາ­ໃຈ­ໃສ່​ເປັນ​ເຈົ້າ​ການ​ປ້ອງ​ກັນ​ບໍ່​ໃຫ້​ກຸ່ມ​ຄົນ ຫຼື ບຸກ­ຄົນ​ໃດ​ນໍາ​ເອົາ​ເຄື່ອງ­ມື​ຫາ​ປາ  ແລະ ດັກ​ຈັບ​ປາ​ທຸກ​ປະ­ເພດ​ແບບ​ດັບ​ສູນ ໂດຍ​ສະ ເພາະ​ແມ່ນ​ທາດ​ເບື່ອ​ປະເພດ​ຕ່າງໆ ຈາກ​ນັ້ນ​ບັນ­ດາ​ການ​ນໍາ ພ້ອມ​ດ້ວຍ​ຜູ້​​ເຂົາຮ່ວມ ໄດ້​ພ້ອມ​ກັນ​ປ່ອຍ​ປາ​ຄືນ​ສູ່​​ທຳ​ມະ​ຊາດ ຢູ່​ສະ­ຖານ­ທີ່​ບ້ານ​ດັ່ງ­ກ່າວ ຊຶ່ງ​ປາ​ທີ່​ນໍາ​ມາ​ປ່ອຍ​ໃນ​ຄັ້ງ​ນີ້​ມີ​ຈໍາ​ນວນ 25.000 ໂຕ ຊຶ່ງປະ­ກອບ​ມີ: ປາ­ປາກ, ປາ​ນິນ, ປາ​ເກັດ​ແລບ,ປາ­ດຸກ, ປາ​ນວນ​ຈັນ ແລະ ປາ​ອື່ນໆ​ຈໍາ​ນວນ​ໜຶ່ງ.
(ຂ່າວ​-​ພາບ:  ພັນ­ທະ​ມິດ ວົງ​ສຸ­ທິ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110