ບົດຮຽນຂອງແຂວງຜົ້ງສາລີ ແລະ ຢຸນນານ ໃນການກຳຈັດຕັກກະແຕນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 30/07/2020 09:35:19 ຈຳ​ນວນ​​ຢ້ຽມ​ຊົມ 1809 ຄັ້ງ

   ຖ້າ​ພວກ​ເຮົາ​ຕິດ­ຕາມ​ຂ່າວ​ໄລ ­ຍະເດືອນ ກໍ­ລະ­ກົດ 2020 ກ່ຽວ​ກັບ​ສະ­ພາບ​ການ​ລະ­ບາດ​ຂອງ​ຕັກ​ກະ​ແຕນ ທີ່​ທໍາ​ລາຍ​ຜົນ­ລະ­ປູກ​ຂອງ​ປະ ­ຊາ­ຊົນ ຈະ​ຮັບ​ຮູ້​ໄດ້​ວ່າ: ຕັກ​ກະ​ແຕນ​ໄດ້​ລະ­ບາດ​ຂຶ້ນ​ບໍ່​ສະ­ເພາະ​ແຕ່ ຢູ່ແຂວງຜົ້ງ​ສາ­ລີ ຂອງ​ປະ­ເທດ​ເຮົາ​ເທົ່າ​ນັ້ນ, ແມ່ນ​ແຕ່​ຢູ່ແຂວງ​ຢຸນ​ນານ ແຫ່ງ ສປ​ ຈີນ ກໍ​ມີ​ການ​ລະ­ບາດ​ເຊັ່ນ​ດຽວ​ກັນ.
    ສະ­ເພາະ​ຢູ່​ປະ­ເທດ​ເຮົາ ອີງ​ຕາມ​ການ​ລາຍ​ງານ​ຈາກ ແຂວງ​ຜົ້ງ​ສາ­ລີ ໃຫ້​ຮູ້​ວ່າ: ເມື່ອ​ຕົ້ນ ເດືອນ ກໍ­ລະ­ກົດ 2020 ທ່ານ ນາງ ດວງ​ຈັນ ຊາ​ມົນ​ຕີ ຫົວ­ໜ້າ​ພະ​ແນ​ກ​ກະ​ສິ​ກໍາ-​ປ່າ­ໄມ້ ແຂວງຜົ້ງ​ສາ­ລີ  ແລະ ທ່ານ ວຽງ​ສະ ­ໄໝ ສີ​ສົງ­ຄາມ ຫົວ­ໜ້າ​ຫ້ອງ­ການ​ກະ​ສິ​ກໍາ-​ປ່າ­ໄມ້ ສົມ­ທົບ​ກັບ​ພະ­ນັກ­ງານ​ວິ­ຊາ​ການ​ຈາກ​ກົມ​ປູກ­ຝັງ​ກະ­ຊວງ​ກະ​ສິ​ກໍາ-​ປ່າ­ໄມ້ ລົງ​ໄປ​ສໍາ​ຫຼວດ, ເກັບ​ກໍາ​ຂໍ້​ມູນການ​ລະ­ບາດ​ຂອງ​ຕັກ​ກະ​ແຕນ​ໄມ້­ປ່ອງ​ທີ່ບ້ານ​ແສນ​ຫຼວງ​ເມືອງ​ໃໝ່ ຊຶ່ງ​ເຮັດ​ໃຫ້​ເນື້ອ­ທີ່​ໄຮ່ ແລະ ເນື້ອ­ທີ່​ປູກ­ຝັງ​ຈຳ­ນວນ 84 ກວ່າ ເຮັກ​ຕາ ຂອງ​ປະ­ຊາ­ຊົນ​ບ້ານ​ດັ່ງ­ກ່າວ 63 ຄອບ­ຄົວ ຖືກ­ເສຍ​ຫາຍ​ຍ້ອນ​ຕັກ​ກະ​ແຕນ​ທໍາ​ລາຍ, ຄາດ​ວ່າ​ຜົນ​ເສຍ​ຫາຍ​​ມີປະ ­ມານ 135 ລ້ານ​ກວ່າ​ກີບ.
    ທ່ານຫົວ­ໜ້າ​ຫ້ອງ​ກະ​ສິ​ກໍາ-​ປ່າ ­ໄມ້ ເມືອງ​ໃໝ່ ລາຍ​ງານ​ໃຫ້​ຮູ້​ວ່າ: ຕັກ​ກະ​ແຕນ ເລີ່ມ​ລະ­ບາດ​ຢູ່​ເມືອງ​ມາ​ແຕ່​ປີ 2015, ພາຍ​ໃຕ້​ການ​ຊີ້​ນໍາ​ຂອງ ພະ​ແນກກະ​ສິ​ກໍາ-​ປ່າ​ໄມ້ແຂວງ, ຫ້ອງ ­ການ​ກະ​ສິ​ກໍາ-​ປ່າ​ໄມ້ເມືອງ ກໍ​ໄດ້​ນໍາ​ພາ​ປະ­ຊາ­ຊົນ​ເຝົ້າ​ລະ­ວັງ ແລະ ຄວບ​ຄຸມ​ການ​ລະ­ບາດ​ຂອງ​ຕັກ​ກະ​ແຕນ ໃນ​ແຕ່​ລະ​ປີ, ສະ­ເພາະ​ປີ 2020 ໄດ້​ເລີ່ມ​ລົງ​ສໍາ​ຫຼວດ​ຈຸດ​ວ່າງ​ໄຂ່ຂອງຕັກ​ກະ​ແຕນ ຢູ່ 20 ບ້ານ ແລະ ​ພົບຈຸດ​ວາງ​ ໄຂ່ 24 ຈຸດ ແລະ ໄດ້​ທໍາ​ລາຍ​ຖິ້ມ. ທ້າຍ​ເດືອນ 4 ຫາ ຕົ້ນເດືອນ 5 ພົບ​ວ່າ​ມີ​ຕັກ​ກະ​ແຕນ​ນ້ອຍ​ເກີດ​ຂຶ້ນ​ຕື່ມ​ອີກ​ຢູ່​ບາງ​ຈຸດ. ສະ­ເພາະ​ການ​ກຳ​ຈັດ​ຕັກ​ກະ​ແຕນ​ແມ່ນ​ນໍາ​ໃຊ້​ວິທີ​ແບບ​ພື້ນ​ເມືອງ​ຄື ໄລ່​ໜີ  ທັງ​ເກັບ​ເອົາ​ຕັກ​ກະ​ແຕນມາ​ທຳ​ລາຍ ແລະ ໃຊ້​ຢາສີດ​ພົ່ນ, ຕາມ​ການ​ສໍາ​ຫຼວດ​ມາ​ຮອດເດືອນກໍ­ລະ­ກົດນີ້​ ຢູ່​ເມືອງ​ໃໝ່​ ມີ 12 ບ້ານ 471 ຄອບ­ຄົວ 168 ກວ່າ ​ເຮັກຕາ ຂອງ​ເນື້ອ­ທີ່​ປູກ​ພືດ​ຖືກ​ຕັກ​ກະ​ແຕນ​ທໍາ​ລາຍ, ປະ​ເມີນ​ຜົນ​ເສຍ​ຫາຍ​ປະມານ 849 ລ້ານ​ກວ່າ​ກີບ. ສໍາ​ລັບ​ບ່ອນ​ທີ່​ຖືກ­ເສຍ​ຫາຍ​ປະ­ຊາ­ຊົນ​ໄດ້​ ສັກ​ເຂົ້າ­ໄຮ່​ໃສ່​ຄືນ ແລະ ບາງ​ຈຸດ​ກໍ​ປູກ​ ໝາກ­ເດືອຍ​ທົດ​ແທນ. 
   ສ່ວນ​ຢູ່ແຂວງ​ຢຸນ​ນານ ແມ່ນ​ມີ​ການ​ລະ­ບາດ​ຂອງ​ຕັກ​ກະ​ແຕນ​ໃນ ເດືອນກໍ­ລະ­ກົດເຊັ່ນ​ດຽວ​ກັນ​ເຮັດ​ໃຫ້​ເນື້ອ­ທີ່​ປູກ­ຝັງ 5.000 ກວ່າເຮັກ​ຕາຖືກ​​ທໍາ​ລາຍ. ແຕ່​ວິ­ທີ​ກຳ​ຈັດ​ຕັກ​ກະ​ແຕນຂອງແຂວງ​ຢຸນ​ນານ ແມ່ນ​ນໍາ​ໃຊ້​ໂດ​​ຣນ​ບິນ​ສີດ​ພົ່ນ​ຢາ​ທີ່​ເປັນ​ມິດ​ກັບ​ສິ່ງ­ແວດ­ລ້ອມ​ເພື່ອ​​ກຳ​ຈັດ​ຕັກ​ກະ​ແຕນ, ເຮັດ​ໃຫ້​ສາ­ມາດ​ຄວບ​ຄຸມ​ການ​ລະ­ບາດ​ຂອງ​ຕັກ​ກະ​ແຕນ​ໄດ້​ໄວ, ອີງ​ຕາມ​ແຫ່ຼ​ງ​ຂ່າວ​ຈາກ​ວິ­ທະ­ຍຸ​ສາ­ກົນ​ແຫ່ງ​ປະ­ເທດ​ຈີນ (CRI) ປະ​ຈໍາ​ປັກ​ກິ່ງ ​ໃຫ້​ຮູ້​ວ່າ:  ນັບ​ມາ​ຮອດ​ວັນ​ທີ  7 ກໍ­ລະ ­ກົດຜ່ານ​ມາ, ແຂວງຢຸນ​ນານ ໄດ້​ຈັດ​ຕັ້ງ​ໜ່ວຍ​ໂດ​​ຣນ 21 ໜ່ວຍ ​ເພື່ອປະ ­ຕິ­ບັດ​ງານ​ພົ່ນ​ຢາ 498 ຖ້ຽວ, ທັງ​ນໍາ​ໃຊ້​ເຄື່ອງ​ຈັກ​ພົ່ນ​ຄວັນ​ຢາ 138 ເຄື່ອງ ​ໃສ່​ຕາມ​ພື້ນ​ທີ່ ທີ່​ມີ​ຕັກ​ກະ​ແຕນ ຊຶ່ງ ​ກວມ​ເນື້ອ​ທີ່​ກວ້າງ​ເຖິງ 1.645 ເຮັກ­ ຕາ ແລະ ສ້າງ​ແນວ​ປ້ອງ​ກັນ​ທີ່​ຍາວ 30 ກິ­ໂລ​ແມັດ. 
    ໃນ​ບາດ­ກ້າວ​ຕໍ່​ໄປ, ພາກ­ສ່ວນ​ປ່າ­ໄມ້ ແລະ ທົ່ງ​ຫຍ້າ ແຂວງ ຢຸນ​ນານ ຈະ​ເພີ່ມ​ທະ­ວີ​ການ​ປະ­ສານ​ສົມ­ທົບ​ກັບ ສປປ​ລາວ ທີ່​ມີ​ຊາຍ​ແດນ​ຕິດ​ກັບ ສປ ຈີນ ເພື່ອ​ປ້ອງ​ກັນ ແລະ ຄວບ​ຄຸມ​ໄພ​ຕັກ​ກະ​ແຕນຮ່ວມ​ກັນ, ເຮັດ​ວຽກ​ແຈ້ງ​ເຕືອນ​ໄພ​ລ່ວງ​ໜ້າ​ໃຫ້​ດີ​ເພື່ອ​ສ້າງ​ເປັນ​ກົນ​ໄກ​ໄລ­ຍະ​ຍາວ, ທັງ​ໃຫ້​ສາ­ມາດ​ຄວບ​ຄຸມ ແລະ ດັບ​ສູນ​ຕັກ​ກະ​ແຕນ​ດ້ວຍ​ເຕັກ­ນິກ​ປ້ອງ​ກັນ​ທີ່​ເປັນ​ມິດ​ກັບ​ທໍາ​ມະ​ຊາດ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110