ຫົວ​ຂໍ້ : ຍົກ​ສູງ​ທີ່​ຕັ້ງ ແລະ ບົດ­ບາດ​ອາ​ຊຽນ​ຢູ່ ສ.ເຊັກ

ເຜີຍ​ແຜ່​ໂດຍ​: admin ເວ​ລາ: 27/12/2019 14:01:02 ຈຳ​ນວນ​ຜູ້​ເຂົ້າ​ຢ້ຽມ​ຊົມ 276 ຄັ້ງ

ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ວັນ​ທີ 3 ທັນວາ​ຜ່ານ​ມາ ຢູ່​ນະຄອນ ຫຼວງ​ປຣາກ ສ.ເຊັກ ໄດ້​ດຳເນີນ​ກອງ​ປະຊຸມ​ເຈລະຈາ ດ້ວຍ​ຫົວຂໍ້; "ກຳລັງ​ແຮງ​ຂອງ ອາ​ຊຽນ ທ່າມກາງ​ຄວາມ​ດຸ່ນ​ດ່ຽງ ລະຫວ່າງ ກຳລັງ​ແຮງ​ຍຸດ ທະສາດ ແລະ ຄວາມ​ມີ​ຫຼາຍ​ຮູບ​ຫຼາຍ​ສີ".

   ຂ່າວ​ລາຍ​ງານ​ວ່າ: ເຂົ້າ​ຮ່ວມ​ກອງ​ປະຊຸມ​ເຈລະຈາ​ຄັ້ງ​ນີ້ ແມ່ນມີເອກ​ອັກ​ຄະ​ລັດ​ຖະ​ທູດ​ບັນດາ​ປະເທດ​ຄື: ອິນ​ໂດ​ເນ​ເຊຍ, ມຽນ​ມາ, ຟີ​ລິບ​ປິນ, ມາ​ເລ​ເຊຍ, ໄທ ແລະ ຫວຽດນາມ. ນອກ​ນັ້ນ, ຍັງ​ມີ​ວົງ​ການ​ນັກ​ຄົ້ນ​ຄ້​ວາ​ກ່ຽວ​ກັບ​ອາຊີ, ນັກ​ສຶກສາ​ພະ​ແນ​ກ​ພົວພັນ​ສາກົນ​ມະຫາວິທະຍາໄລ ເສດຖະກິດ ປຣາກ ເຂົ້າ​ຮ່ວມ​ຢ່າງ​ຫຼວງ​ຫຼາຍ.

   ການ​ເຈລະຈາ ເພື່ອ​ແນໃສ່​ສະໜອງ​ບັນດາ​ຂໍ້​ມູນ​ພື້ນຖານ, ແນະ​ນໍາ​ກ່ຽວ​ກັບ​ປະຊາ​ຄົມ​ອາ​ຊຽນ​ໃຫ້​ແກ່​ບັນດາ​ນັກ​ສຶກສາ, ນັກ​ຄົ້ນ​ຄ້​ວາ​ກ່ຽວ​ກັບ​ບັນດາ​ປະເທດ​ອາຊີ ເວົ້າ​ລວມ ແລະ ບັນດາ​ປະເທດ ອາຊີ​ຕາເວັນ​ອອກ​ສ່ຽງ​ໃຕ້ ເວົ້າ​ສະ​ເພາະ.

   ໃນ​ການ​ເຈລະຈາ, ທ່ານ ໂທ​ມາສ ເປ​ຕຣູ ນັກ​ຊ່ຽວຊານ​ຄົ້ນ​ຄ້​ວາ​ອາ​ຊຽນ, ຜູ້​ຈັດການ​ໃນ​ບັນດາເຫດການ​ໃຫ້​ຮູ້​ວ່າ: ບັນດາ​ນັກ​ປາຖະກະຖາ ໄດ້​ລາຍ​ງານ​ໂດຍ​ຫຍໍ້ ກ່ຽວ​ກັບ​ຂໍ້​ມູນ​ຂ່າວສານ​ທີ່​ອຸດົມສົມບູນ​ຫຼາຍ​ຢ່າງ​ກ່ຽວ​ກັບ​ອາ​ຊຽນ, ໃນ​ນັ້ນ ລວມ​ມີ​ບັນດາ​ສິ່ງ​ທ້າ​ທາຍ​ຊຶ່ງ​ອາ​ຊຽນ​ຕ້ອງ​ປະ​ເຊີນ​ໜ້າ ແລະ ແກ້​ໄຂ, ນັບ​ແຕ່​ບັນຫາ​ຄວາມ​ໝັ້ນຄົງ ຈົນ​ຮອດ​ບັນຫາ​ສິດທິ​ມະນຸດ, ກຳລັງ​ດັນ​ຈາກ​ພາຍ​ນອກ ກໍຄື​ລັກສະນະ​ແກ້ງ​ແຍ້ງ ແລະ ບັນດາ​ປັດ​ໄຈ​ຕ່າງໆ​ທີ່​ກ່ຽວ​ຂ້ອງ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110