ໜັງສືພິມ ປະຊາຊົນ

ຫວຽດນາມ ຕັ້ງໜ້າປະກອບການເຊື່ອມໂຍງປະຊາຄົມ ອາຊຽນ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 30/07/2020 10:38:19 ຈຳນວນຢ້ຽມຊົມ 466 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ທ່ານ ດາໂຕະ ລິມຈອກ ຮອຍ ເລຂາທິການ ໃຫຍ່ອາຊຽນ ກ່າວວ່າ: ນັບແຕ່ເຂົ້າເປັນສະມາຊິກຂອງອາ ຊຽນ ເມື່ອວັນທີ 28 ກໍລະກົດ 1995 ເປັນຕົ້ນມາ, ຫວຽດນາມ ໄດ້ ເຂົ້າຮ່ວມ ແລະ ປະກອບສ່ວນຢ່າງຕັ້ງໜ້າໃຫ້ແກ່ຂະບວນວິ ວັດການເຊື່ອມໂຍງ ແລະ ກໍ່ ສ້າງປະຊາຄົມອາຊຽນ.
ໃນເວລາຕອບສຳພາດນັກຂ່າວສານຫວຽດນາມປະ ຈຳ ຈາກາຕາ, ທ່ານ ເລຂາທິ ການໃຫຍ່ອາຊຽນ ເນັ້ນໜັກວ່າ: ຜົນສໍາເລັດທາງດ້ານເສດຖະ ກິດ, ສະຖຽນລະພາບທາງດ້ານ ການເມືອງ ແລະ ການນຳພາ ຢ່າງມີລະດັບເບິ່ງກວ້າງເຫັນໄກ ພ້ອມກັບກຳລັງຄວາມສາ ມາດຢ່າງແຂງແຮງຂອງປະຊາ ຊົນຫວຽດນາມ ກໍແມ່ນບັນດາຊັບສົມບັດໃຫ້ແກ່ການກໍ່ສ້າງປະຊາຄົມອາຊຽນ.
ທ່ານ ລິມຈອກຮອຍ ກ່າວ ຕື່ມວ່າ: ຫວຽດນາມ ໄດ້ປະ ກອບສ່ວນຍົກສູງຖານະບົດ ບາດສາກົນຂອງອາຊຽນ ໃນ 25 ປີທີ່ຜ່ານມາ. ໃນຂົງເຂດເສດຖະກິດ, ຫວຽດນາມ ໄດ້ ເປັນເຈົ້າການບືນຕົວຂຶ້ນສູ່ຕະ ຫຼາດທົ່ວໂລກ ໂດຍຜ່ານການ ລົງນາມໃນບັນດາສັນຍາການ ຄ້ານັບທັງ 2 ຝ່າຍ ແລະ ຫຼາຍ ຝ່າຍ. ພາຍຫຼັງເຂົ້າເປັນສະມາ ຊິກອາຊຽນ, ຫວຽດນາມ ໄດ້ຕັ້ງ ໜ້າຊຸກຍູ້ການຮັບເອົາບັນດາປະເທດກຳປູເຈຍ, ລາວ ແລະ ມຽນມາ ເຂົ້າເປັນສະມາຊິກອາຊຽນ, ປະກອບສ່ວນປະຕິບັດສຳເລັດແນວຄວາມຄິດກ່ຽວກັບ ອາຊຽນ ລວມມີ 10 ປະເທດອາຊີຕາເວັນອອກສ່ຽງໃຕ້, ສ້າງການຫັນປ່ຽນໃໝ່ດ້ານຄຸນນະພາບສຳລັບອາຊຽນ ແລະ ສະ ພາບການຢູ່ພາກພື້ນ.
ກ່ຽວກັບບົດບາດເປັນປະ ທານອາຊຽນຂອງຫວຽດນາມ, ທ່ານ ເລຂາທິການໃຫຍ່ອາຊຽນ ກ່າວຢໍ້າວ່າ: ປີ 2020 ແມ່ນປີ ສຳຄັນສຳລັບອາຊຽນ, ໂຣກລະບາດ COVID-19 ໄດ້ສົ່ງຜົນກະທົບເຖິງບາງເຫດການ ແລະ ຂໍ້ລິເລີ່ມ. ໃນສະພາບການນີ້, ຫວຽດນາມ ໄດ້ປະຕິບັດບົດບາດຂອງຕົນເປັນຢ່າງດີ, ຜ່ານການລິເລີ່ມບັນດາມາດຕະການທີ່ແທດຈິງ ແນໃສ່ແກ້ໄຂຜົນກະທົບຈາກໂຣກລະບາດ. ຜ່ານການ ສົມທົບກັບໄທ ຢ່າງແໜ້ນແຟ້ນ, ຫວຽດນາມ ໄດ້ຊັກຈູງການສ້າງຕັ້ງກອງທຶນອາຊຽນເພື່ອຮັບມືກັບໂຣກ ລະບາດ COVID - 19.