ໜັງສືພິມ ປະຊາຊົນ

ມາເລເຊຍ ກຽມຫຼຸດການຈ້າງແຮງງານຕ່າງຊາດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 03/08/2020 09:30:26 ຈຳນວນຢ້ຽມຊົມ 234 ຄັ້ງ

ຂ່າວຕ່າງປະເທດລາຍງານ ວັນທີ 30 ກໍລະກົດທີ່ຜ່ານມາ, ທ່ານ ນາງ ອາວັງ ຮາຊິມ ຮອງລັດຖະມົນຕີ ກະຊວງຊັບພະຍາກອນມະນຸດຂອງມາເລເຊຍ ໄດ້ອອກຖະແຫຼງການວ່າ: ເນື່ອງຈາກ ວິກິດໂຣກລະບາດ COVID-19 ສົ່ງຜົນກະທົບຢ່າງໜັກໜ່ວງຕໍ່ທຸກຂົງເຂດດ້ານເສດຖະກິດ ແລະ ເພື່ອບັນເທົາແຮງກົດດັນໃຫ້ກັບຕະຫຼາດແຮງງານພາຍໃນ ປະເທດໃຫ້ໄດ້ຫຼາຍທີ່ສຸດ ລັດ ຖະບານ ຈຳເປັນຕ້ອງຮັກສາ ຕຳແໜ່ງງານເພື່ອຊາວມາເລ ເຊຍ ໂດຍຈະເປີດໂກຕ້າແຮງ ງານຈາກນອກ ປະເທດສະ ເພາະ ພາກການກໍ່ສ້າງ ການກະ ເສດ ແລະ ກະສິກຳ.
ຂ່າວລະບຸວ່າ: ລັດຖະບານມາເລເຊຍ ຈະມີການປະກາດໂກຕ້າຂອງແຮງງານຊາວມາເລເຊຍ ຈະເພີ່ມຂຶ້ນເທົ່າໃດ ແລະ ອັດຕາສ່ວນຂອງແຮງງານຕ່າງຊາດຕ້ອງຫຼຸດລົງເຫຼືອເທົ່າໃດ.
ປັດຈຸບັນ, ມາເລເຊຍ ມີຈຳນວນແຮງງານຊາວຕ່າງຊາດ ທີ່ຈົດທະບຽນຖືກກົດໝາຍປະມານ 2,1 ລ້ານຄົນ. ຂະນະທີ່ອັດຕາການວ່າງງານເມື່ອເດືອນພຶດສະພາທີ່ຜ່ານມາ ຢູ່ໃນລະດັບ 5,3% ແລະ ລວມຍອດຜະລິດຕະພັນພາຍໃນປະເທດ (GDP) ເມື່ອໄຕມາດທຳອິດຂອງປີນີ້ ຂະຫຍາຍຕົວພຽງ 0,7%. ລັດຖະບານມາເລເຊຍ ວິເຄາະສະຖານະການເຫັນວ່າ: ໄດ້ຮັບຜົນກະທົບຈາກວິກິດໂຣກລະບາດ COVID-19 ທີ່ສົ່ງຜົນໃຫ້ຕ້ອງມີການປິດກິດຈະການດ້ານເສດຖະກິດເກືອບທັງໝົດ ແລະ ການແປ ປ່ວນຂອງລາຄານ້ຳມັນດິບໃນຕະຫຼາດໂລກ.