ໜັງສືພິມ ປະຊາຊົນ

ປີນີ້ພື້ນຖານເສດຖະກິດຫວຽດນາມ ຈະເຕີບໂຕ 2,8%

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 03/08/2020 09:31:53 ຈຳນວນຢ້ຽມຊົມ 333 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ເສດຖະກິດ ຫວຽດນາມ ຈະຟື້ນຕົວ ເຖິງຈະ ຖືກຜົນກະທົບຈາກໂຣກລະ ບາດໂຄວິດ-19 ກໍຕາມ. ນີ້ແມ່ນ ການຕີລາຄາຂອງທະນາຄານ ໂລກ (WB) ທີ່ໄດ້ຍົກອອກໃນ ບົດລາຍງານ ເມື່ອວັນທີ 30 ກໍລະກົດຜ່ານມາ.
ບົດລາຍງານຂອງທະນາ ຄານໂລກ ໄດ້ໃຫ້ສັງເກດວ່າ: ເສດຖະກິດຫວຽດນາມ ຍັງຄົງ ຮັກສາ ໄດ້ສະພາບການທີ່ຕັ້ງ ໜ້າໃນສະເພາະໜ້າ ແລະ ໃນ ໄລຍະກາງ. ໃນສະພາບການ ໂລກ ໄດ້ຮັບການປົວແປງເທື່ອ ລະກ້າວ, ບັນດາການເຄື່ອນ ໄຫວເສດຖະກິດ ຈະໄດ້ຮັບການຟື້ນຕົວໃນເຄິ່ງທ້າຍຂອງປີ 2020, ພື້ນຖານເສດຖະກິດຫວຽດນາມ ຈະເຕີບໂຕປະມານ 2,8% ໃນປີ 2020 ແລະ 6,8% ໃນປີ 2021. ຖ້າຫາກສະພາບການພາຍນອກບໍ່ມີຄວາມສະດວກເທົ່າທີ່ຄວນ, ພື້ນຖານເສດຖະກິດຂອງຫວຽດນາມ ຈະເຕີບໂຕປະມານ 1,5% ໃນປີ 2020 ແລະ 4,5% ໃນປີ 2021.