ໜັງສືພິມ ປະຊາຊົນ

ກິດຈະການປ້ອງກັນປະເທດຈີນໃນຍຸກໃໝ່

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 03/08/2020 09:33:58 ຈຳນວນຢ້ຽມຊົມ 409 ຄັ້ງ

(ເນື່ອງໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ 1/8/1927-1/8/2020)
ວັນທີ 24 ກໍລະກົດ 2019, ລັດຖະບານຈີນ ປະກາດປື້ມປົກຂາວວ່າດ້ວຍ; “ກິດຈະການປ້ອງກັນປະເທດຈີນໃນຍຸກໃໝ່” ໂດຍລະບຸເຖິງນະໂຍບາຍປ້ອງກັນຊາດ ຊຶ່ງການປ້ອງກັນຂອງຈີນ ໃນຍຸກໃໝ່ 6 ດ້ານຢ່າງລະອຽດ ພ້ອມກໍານົດທິດທາງ ຍຸດທະສາດ, ຫຼັກການພື້ນຖານ ແລະ ຄວາມສໍາຄັນລະດັບໂລກ ຂອງກິດຈະການປ້ອງກັນຊາດຂອງຈີນ ແລະ ການສ້າງກໍາລັງທະຫານຂອງຈີນ ຢ່າງຊັດເຈນ, ສະແດງ ເຖິງຄວາມເປີດກວ້າງ, ຄວາມໂປ່ງໃສ ແລະ ຄວາມໝັ້ນໃຈ.
ນອກຈາກນີ້, ປື້ມປົກຂາວ ດັ່ງກ່າວ ຍັງໄດ້ລະບຸຢ່າງຊັດ ເຈນເປັນຄັ້ງທໍາອິດວ່າ: ກິດຈະ ການປ້ອງກັນຊາດຈີນ ໃນຍຸກ ໃໝ່ມີເອກະລັກທີ່ເດັ່ນຊັດຄື: ບໍ່ດໍາເນີນນະໂຍບາຍລັດທິຄອງຄວາມ ເປັນໃຫຍ່ ແລະ ບໍ່ຂະຫຍາຍອິດທິພົນ ໂດຍຖືການສ້າງປະຊາຄົມທີ່ມີອະນາຄົດຮ່ວມກັນຂອງມວນມະນຸດ ເປັນພາລະກິດ ສໍາຄັນ ລະດັບໂລກຂອງກິດຈະກໍາປ້ອງກັນຊາດຈີນໃນຍຸກໃໝ່ເປັນຄັ້ງທໍາອິດ. ນີ້ຖືເປັນຄວາມກ້າວໜ້າທີ່ສໍາຄັນຂອງນະໂຍບາຍປ້ອງກັນຊາດຈີນ ແລະ ສະແດງໃຫ້ເຫັນເຖິງເອກະລັກແຫ່ງຍຸກສະໄໝ.
ຕາມແຫຼ່ງຂ່າວສານຊີອາ ໄອ, ນະໂຍບາຍປ້ອງກັນຊາດຈີນ ຢຶດໝັ້ນແນວຄິດຫຼັກໆ ແມ່ນເນັ້ນການປ້ອງກັນມາ ໂດຍຕະ ຫຼອດ ທັງສອດຄ່ອງກັບນະໂຍ ບາຍທາງການທູດຂອງຈີນ ທີ່ເນັ້ນຫຼັກການ 5 ປະການດ້ານການຢູ່ຮ່ວມກັນໂດຍສັນຕິຂອງຈີນ.
ປື້ມປົກຂາວດັ່ງກ່າວ ລະບຸວ່າ: ເປົ້າໝາຍພື້ນຖານດ້ານປ້ອງກັນຊາດຂອງຈີນໃນຍຸກໃໝ່ແມ່ນຄຸ້ມຄອງອະທິປະໄຕ, ຄວາມໝັ້ນຄົງ ແລະ ຜົນປະ ໂຫຍດດ້ານການພັດທະນາປະ ເທດຊາດ ໂດຍມີເອກະ ລັກຢຶດໝັ້ນ ບໍ່ດໍາເນີນນະໂຍບາຍລັດທິຄອງຄວາມເປັນໃຫຍ່ ແລະ ບໍ່ຂະຫຍາຍອິດທິພົນຢ່າງຖາວອນ.
ໃນຍຸກໃໝ່ດ້ວຍຫຼັກການ; “ໃຫ້ບໍລິການປະຊາຊົນ” ຂອງກິດຈະການປ້ອງກັນຊາດຈີນ ໄດ້ຂະຫຍາຍຂອບເຂດ ລວມເຖິງ ການໃຫ້ບໍລິການປະຊາຄົມໂລກ ໂດຍສະແດງໃຫ້ເຫັນວ່າ: ຈີນ ຈະເປັນຜູ້ປົກປ້ອງສັນ ຕິພາບໂລກຢ່າງຖາວອນ.
ວັນທີ 24 ກໍລະກົດ 2019, ຈີນ ໄດ້ປະກາດປື້ມປົກຂາວວ່າດ້ວຍ; “ການປ້ອງກັນປະເທດໃນສັກກະລາດໃໝ່” ໂດຍຊີ້ອອກວ່າ: ປະເທດຈີນ ຢືນຢັນຫຼັກການຈະບໍ່ໃຊ້ອໍານາດຄອບງໍາ, ບໍ່ແຜ່ຂະຫຍາຍ ແລະ ບໍ່ສະ ແຫວງຫາອິດທິພົນ. ນີ້ແມ່ນຄຸນສົມບັດທີ່ໂດດເດັ່ນຂອງການປ້ອງກັນປະເທດຈີນໃນຫຍຸກໃໝ່.
ປື້ມປົກຂາວດັ່ງກ່າວເນັ້ນວ່າ: ຈີນ ຢືນຢັນໃນຄວາມເປັນເພື່ອນ, ຂັດຄ້ານການໃຊ້ກໍາລັງ ຫຼື ຂົ່ມຂູ່ ດ້ວຍກໍາລັງການກໍ່ສ້າງ ແລະ ພັດທະນາການປ້ອງກັນປະເທດຂອງຈີນ, ມຸ້ງເນັ້ນຕອບສະໜອງຄວາມຕ້ອງການຮັກ ສາຄວາມປອດໄພໂດຍຊອບ ທໍາຂອງຕົນເອງ, ເປັນການ ເຕີບໂຕຂອງກໍາລັງເພື່ອສັນຕິ ພາບ ຂອງໂລກຕະຫຼອດໄປ. ປະຫວັດສາດຈະພິສູດວ່າ: ຈີນ ຈະບໍ່ແລ່ນຕາມແນວຄິດຄອງຄວາມເປັນໃຫຍ່, ຈະບໍ່ເດີນຕາມເສັ້ນທາງສາຍເກົ່າຂອງປະເທດທີ່ມີກໍາລັງແຂງແກ່ນຕ້ອງເປັນເຈົ້າໂລກ. ເຖິງຈະພັດທະນາ ຫຼາຍປານໃດກໍຕາມ ຈີນ ຈະບໍ່ເປັນໄພຄຸກຄາມຕໍ່ໃຜ ແລະ ຈະບໍ່ຂະຫຍາຍ ແລະ ບໍ່ສ້າງ ຂອບເຂດອິດທິພົນຕໍ່ພາຍນອກອີກດ້ວຍ.
ວັນທີ 26 ພຶດສະພາ 2020, ທ່ານ ສີຈິ້ນຜິງ ປະທານປະເທດຈີນ, ໄດ້ເຂົ້າຮ່ວມກອງປະຊຸມຄົບຄະນະຂອງຄະນະຜູ້ ແທນທະຫານ ແລະ ຕໍຫຼວດໃນ ວາລະດໍາເນີນກອງປະຊຸມສະ ພາຜູ້ແທນປະຊາຊົນແຫ່ງຊາດ ຊຸດທີ 13 ຄັ້ງທີ 3 ທ່ານ ກ່າວວ່າ: ໃນຂະນະປະຕິບັດວຽກງານປ້ອງກັນ, ຄວບຄຸມການລະ ບາດພະຍາດໂຄວິດ-19, ວຽກງານຕ່າງໆຂອງກອງທັບຄວນດໍາເນີນການຕໍ່ໄປ ເພື່ອບັນລຸເປົ້າ ໝາຍການປ້ອງກັນປະເທດ ແລະ ການສ້າງສັນກອງທັບປີ 2020 ຢ່າງເດັດຂາດ, ໃຊ້ຄວາມພະຍາຍາມ ເພື່ອປະຕິບັດຕາມພາລະບົດບາດໜ້າທີ່ຕ່າງໆ ທີ່ໄດ້ຮັບການມອບໝາຍຈາກພັກ ແລະ ປະຊາຊົນ.
ທ່ານ ສີຈິ້ນຜິງ ກ່າວເນັ້ນວ່າ: ສະຖານະການໂຣກລະບາດຄັ້ງນີ້ ສົ່ງຜົນກະທົບຢ່າງໜັກ ຕໍ່ໂຄງ ສ້າງຂອງໂລກ ທັງໄດ້ສົ່ງຜົນກະທົບຕໍ່ຄວາມໝັ້ນຄົງ ແລະ ການພັດທະນາຂອງຈີນອີກດ້ວຍ. ທ່ານກ່າວຕື່ມວ່າ: ເຮົາຄວນລະມັດລະວັງ ຝຶກຊ້ອມທະຫານຢ່າງຕໍ່ເນື່ອງ ພ້ອມຮັບມືກັບສະຖານະການທີ່ມີຄວາມສະລັບສັບຊ້ອນຢ່າງທັນການ ແລະ ມີປະສິດທິຜົນ, ຮັກສາອະທິປະໄຕ, ຄວາມໝັ້ນຄົງ, ຜົນປະໂຫຍດຕໍ່ການພັດທະນາແຫ່ງຊາດ, ຄຸ້ມຄອງຄວາມໝັ້ນຄົງທາງຍຸດທະສາດຂອງປະເທດຊາດ.