ໜັງສືພິມ ປະຊາຊົນ

ສັນຍາຄູ່ຮ່ວມມືຮອບດ້ານອາຊຽນ-ຍີ່ປຸ່ນ ເລີ່ມມີຜົນສັກສິດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 04/08/2020 09:05:57 ຈຳນວນຢ້ຽມຊົມ 394 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ຫວຽດນາມ ໄດ້ໃຫ້ສັດຕະຍາບັນອະນຸສັນຍາສະບັບທີ 1 ເພື່ອປັບປຸງ AJCEP ເມື່ອວັນທີ 26 ມິຖຸນາຜ່ານມາ. ໃນຂະນະທີ່ຍີ່ປຸ່ນ ໄດ້ສຳເລັດການໃຫ້ສັດຕະຍາບັນເອກະສານດັ່ງກ່າວກ່ອນໜ້ານີ້ 2 ອາທິດ.
ວັນທີ 1 ສິງຫາຜ່ານມາ, ອະນຸສັນຍາສະບັບທີ 1 ເພື່ອປັບປຸງສັນຍາຄູ່ຮ່ວມມືຮອບດ້ານອາຊຽນ - ຍີ່ປຸ່ນ (AJCEP) ໄດ້ມີຜົນສັກສິດຢ່າງເປັນທາງການຢູ່ຍີ່ປຸ່ນ ແລະ 5 ປະເທດອາຊຽນ ຄື: ລາວ, ມຽນມາ, ສິງກະໂປ, ໄທ ແລະ ຫວຽດນາມ. ນີ້ແມ່ນບັນດາປະເທດທີ່ໄດ້ສຳເລັດ ບັນດາລະບຽບການນິຕິກຳຢູ່ພາຍໃນປະເທດ ເພື່ອໃຫ້ສັດຕະຍາບັນເອກະສານນີ້.
ຫວຽດນາມ ໄດ້ໃຫ້ສັດຕະ ຍາບັນອະນຸສັນຍາສະບັບທີ 1 ເພື່ອປັບປຸງ AJCEP ເມື່ອວັນທີ 26 ມິຖຸນາຜ່ານມາ. ໃນຂະນະທີ່ ຍີ່ປຸ່ນ ໄດ້ສຳເລັດການໃຫ້ສັດຕະຍາບັນເອກະສານນີ້ ກ່ອນໜ້ານີ້ 2 ອາທິດ. ຕາມການຄາດຄະເນ, AJCEP ສະບັບປັບປຸງ ຈະມີຜົນສັກສິດຢູ່ 5 ປະເທດ ທີ່ຍັງເຫຼືອໃນ ອາຊຽນ, ລວມມີ ບຣູໄນ, ກຳປູເຈຍ, ອິນໂດເນເຊຍ, ມາເລເຊຍ ແລະ ຟີລິບປິນ. ພາຍຫຼັງທີ່ປະເທດເຫຼົ່ານີ້ສຳເລັດລະບຽບການນິຕິກຳພາຍໃນປະເທດ ເພື່ອໃຫ້ສັດຕະຍາບັນເອກະສານນີ້.