ໜັງສືພິມ ປະຊາຊົນ

7 ເດືອນຕົ້ນປີ ຫວຽດນາມສົ່ງອອກເກີນດຸນ 6,5 ຕື້ໂດລາ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 04/08/2020 09:10:22 ຈຳນວນຢ້ຽມຊົມ 539 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ຕາມການລາຍງານຈາກກົມສົ່ງອອກ-ນຳເຂົ້າ ຂອງກະຊວງອຸດສາຫະກຳ ແລະ ການຄ້າ ຫວຽດນາມ ຄາດວ່າ: ເດືອນກໍລະກົດ, ຫວຽດນາມ ຈະສົ່ງ ອອກເກີນດຸນ 1 ຕື້ໂດລາ.
ຂ່າວລະບຸວ່າ: ໄລ່ລວມ 7 ເດືອນຕົ້ນປີ 2020, ດຸນການຄ້າຂອງສິນຄ້າຫວຽດນາມ ສືບຕໍ່ ສົ່ງອອກເກີນດຸນ 6,5 ຕື້ໂດລາ, ສູງຫຼາຍກວ່າເມື່ອທຽບໃສ່ໂຕເລກສົ່ງອອກເກີນດຸນ 1,98 ຕື້ຶ້ໂດລາ ຂອງ 7 ເດືອນປີ 2019. ເຖິງວ່າໂຣກລະບາດ COVID - 19 ນັບມື້ນັບຜັນແປຢ່າງສັບສົນ, ສືບຕໍ່ສົ່ງຜົນກະທົບຫຍໍ້ທໍ້ເຖິງການເຄື່ອນໄຫວນຳເຂົ້າ - ສົ່ງອອກຂອງຫວຽດນາມ. ຍອດວົງເງິນການສົ່ງອອກ - ນຳເຂົ້າສິນຄ້າໃນ 7 ເດືອນຕົ້ນປີ 2020 ຄາດວ່າ: ຈະບັນລຸ 285,12 ຕື້ໂດລາ, ຫຼຸດລົງ 1,3% ເມື່ອທຽບໃສ່ໄລຍະດຽວກັນຂອງປີ 2019.
ໃນ 7 ເດືອນຕົ້ນປີ 2020, ມີສິນຄ້າ 23 ປະເພດ ບັນລຸໄດ້ວົງເງິນສົ່ງອອກສູງກວ່າ 1 ຕື້ໂດລາ, ກວມ 87% ຂອງຍອດວົງເງິນສົ່ງອອກທັງໝົດ.