ໜັງສືພິມ ປະຊາຊົນ

ວຽກງານປ້ອງກັນຊາດຈີນຍຸກໃໝ່ໃນການສ້າງປະຊາຄົມ ຮ່ວມຊາຕາກຳຂອງມວນມະນຸດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 04/08/2020 09:12:41 ຈຳນວນຢ້ຽມຊົມ 602 ຄັ້ງ

ຂຽນໂດຍ: ພັນເອກພິເສດ ເສິນຢົງຈິ້ງ ທີ່ປຶກສາທູດ ປ້ອງກັນຊາດ ສປ ຈີນ ປະຈຳ ສປປ ລາວ
ໂລກປັດຈຸບັນ, ມວນມະນຸດນັບມື້ກາຍເປັນປະຊາຄົມຮ່ວມຊາຕາກຳທີ່ມີຜົນປະ ໂຫຍດຮ່ວມ ແລະ ຄວາມປອດໄພຢູ່ຮ່ວມກັນ. ຈີນ ປັດຈຸບັນ ແມ່ນໄລຍະສຳຄັນໃນການສ້າງສັງຄົມອີ່ມໜຳສຳລານຢ່າງ ຮອບດ້ານ, ເປີດສາກສ້າງ ປະ ເທດສັງຄົມນິຍົມທັນສະໄໝ ໃໝ່ຢ່າງຮອບດ້ານ ແລະ ລະ ບອບສັງຄົມນິຍົມແບບສີສັນຈີນເຂົ້າສູ່ຍຸກໃໝ່. ສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງຈີນ ແມ່ນສ້າງໂອກາດ ແລະ ຄວາມຜາສຸກໃຫ້ໂລກ. ຄວາມເຂັ້ມແຂງຂອງກອງທັບຈີນ ເປັນກຳລັງອັນແໜ້ນແກ່ນໃຫ້ການຮັກສາສະຖຽນລະພາບ, ສັນຕິພາບ ແລະ ຮັບໃຊ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ກອງທັບຈີນ ຢຶດໝັ້ນທັດ ສະນະຄວາມໝັ້ນຄົງແບບຮ່ວມກັນ, ສັງລວມ, ຮ່ວມມື ແລະ ສືບເນື່ອງ, ສົ່ງເສີມທັດສະນະກ່ຽວກັບພັນທະກັບຜົນປະໂຫຍດທີ່ຖືກຕ້ອງຊອບທໍາ, ຕັ້ງໜ້າເຂົ້າຮ່ວມ ການ ປະຕິຮູບລະບົບລະບຽບການຄວາມໝັ້ນຄົງຂອງໂລກ, ລົງເລິກຮ່ວມມືຄວາມ ໝັ້ນຄົງສອງຝ່າຍ ແລະ ຫຼາຍຝ່າຍ, ສົ່ງເສີມການຮ່ວມມື ແລະ ປະສານງານຢ່າງແໜ້ນແຟ້ນ ລະຫວ່າງ ກົນໄກ ຄວາມ ໝັ້ນຄົງຫຼາຍຮູບການ, ສ້າງສະພາບຄວາມໝັ້ນຄົງໃຫ້ມີຄວາມສະເໝີພາບ ແລະ ຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ, ມີຄວາມຍຸຕິທໍາ ແລະ ສະ ເໝີພາບ, ທັງຮ່ວມກັນກໍ່ສ້າງ ແລະ ແບ່ງປັນຜົນປະໂຫຍດ.
ກອງທັບຈີນ ຢຶດໝັ້ນປະຕິບັດພັນທະ ແລະ ໜ້າທີ່ຂອງສາກົນ, ຍົກສູງຄັນທຸງການຮ່ວມ ມືມີໄຊສູງຂຶ້ນ, ເຮັດສຸດຄວາມສາມາດເພື່ອສະໜອງຜະລິດຕະພັນດ້ານຄວາມໝັ້ນຄົງສາ ທາລະນະ ໃຫ້ແກ່ສະມາຄົມໂລກ, ຕັ້ງໜ້າເຂົ້າຮ່ວມປະຕິບັດການຮັກສາສັນຕິພາບສາກົນ, ປ້ອງກັນການເດີນເຮືອທາງທະເລ, ຊ່ວຍເຫຼືອດ້ານມະນຸດສະທໍາ ແລະ ອື່ນໆ. ເພີ່ມທະວີການຮ່ວມມືດ້ານການຄວບຄຸມກໍາລັງທະຫານ ແລະ ເກືອດຫ້າມການແຜ່ກະຈາຍຂອງອາວຸດ, ເຂົ້າຮ່ວມແກ້ໄຂບັນຫາ ຫຍຸ້ງຍາກ ທາງດ້ານການເມືອງຢ່າງສ້າງສັນ, ຮ່ວມກັນປົກປ້ອງແລວທາງສາກົນໃຫ້ມີຄວາມປອດໄພ, ສົ່ງກໍາລັງເຂົ້າຮ່ວມຕອບຕ້ານລະບອບກໍ່ການຮ້າຍ, ຄວາມປອດໄພທາງດ້ານອິນເຕີເນັດ, ໄພທາງ ທໍາມະຊາດ ແລະ ສິ່ງທ້າທາຍອື່ນໆ ຢູ່ໃນທົ່ວໂລກ. ສຸມກໍາລັງປະກອບສ່ວນຢ່າງ ຕັ້ງໜ້າໃນການສ້າງ ສະມາຄົມຮ່ວມຊາຕາກໍາມວນມະນຸດ.
ນັບແຕ່ປີ 1990 ເປັນຕົ້ນມາ, ຈີນ ໄດ້ສົ່ງກໍາລັງ ເຂົ້າຮ່ວມປະຕິບັດໜ້າທີ່ຮັກ ສາ ສັນຕິພາບ ຂອງ ສະຫະປະ ຊາຊາດເປັນ ຈໍານວນທັງໝົດ 40.000 ກວ່າເທື່ອຄົນ, ກາຍເປັນປະເທດທີ່ໃຫ້ທຶນ ແລະ ສົ່ງກໍາລັງເຂົ້າ ຮ່ວມປະຕິບັດການຂອງ ສປຊ ຫຼາຍທີ່ສຸດ ເພື່ອເຮັດໃຫ້ຂົງ ເຂດທີ່ມີຄວາມຂັດແຍ້ງເກີດ ມີສັນຕິພາບ ຕາມຄວາມມຸ່ງມາດປາຖະໜາຂອງປະເທດເຂດນັ້ນ. ສປຊ ຂະໜານນາມວ່າ: ເປັນກໍາລັງຫຼັກ ແລະ ເປັນປັດໄຈສໍາຄັນໃນການປະຕິບັດໜ້າທີ່ຮັກສາສັນຕິພາບ, ນໍາໃຊ້ການປະຕິບັດ ໜ້າທີ່ຕົວຈິງ ເພື່ອສະແດງໃຫ້ເຫັນຄວາມຮັບຜິດຊອບຂອງປະເທດໃຫຍ່. ໃນຕົ້ນເດືອນກໍລະກົດປີນີ້, ກອງທັບເຮືອຈີນ ໄດ້ປະຕິບັດໜ້າທີ່ປ້ອງກັນໃຫ້ການເດີນເຮືອທາງທະເລຢູ່ອ່າວອາເດັນ (ADEN) 35 ຄັ້ງ, ລວມທັງປ້ອງກັນເຮືອສິນຄ້າ 6.799 ລໍາ (ໃນນັ້ນມີເຮືອຕ່າງປະເທດ 3.543 ລໍາ), ໄດ້ຕັ້ງໜ້າປະກອບສ່ວນດ້ານຄວາມປອດໄພໃນການເດີນເຮືອສາກົນ ແລະ ເສັ້ນທາງເດີນເຮືອທາງທະເລ.
ການລະບາດຂອງພະ ຍາດໂຄວິດ-19 ໃນຕົ້ນປີນີ້, ເປັນເຫດການສາທາລະນະສຸກທົ່ວໂລກອັນຮ້າຍແຮງທີ່ສຸດທີ່ເກີດຂຶ້ນຢ່າງກະທັນຫັນ ນັບແຕ່ສົງຄາມໂລກໄດ້ສິ້ນສຸດລົງເປັນຕົ້ນມາ, ແຕ່ປະຊາ ຄົມໂລກ ກໍໄດ້ເດີນໄປໜ້າຢ່າງອາດຫານ, ຊ່ວຍເຫຼືອຊຶ່ງກັນ ແລະ ກັນ ແລະ ພ້ອມກັນຜ່ານຜ່າພາ ຍຸລົມແດງໄປດ້ວຍກັນ. ຈີນ ຢຶດໝັ້ນຖືເອົາຊີວິດປະຊາຊົນເປັນສິ່ງສໍາຄັນສູງສຸດ, ໂດຍມີລັກສະນະ ເປີດເຜີຍ, ໂປ່ງໃສ ແລະ ມີຄວາມຮັບຜິດຊອບແຕ່ຕົ້ນຕະຫຼອດປາຍ. ກ່ຽວກັບເຫດການດັ່ງກ່າວ, ຈີນ ມີວິໄສທັດສົ່ງເສີມສ້າງປະຊາຄົມຮ່ວມຊາຕາກໍາມວນມະນຸດແຕ່ຕົ້ນຕະຫຼອດປາຍ, ທັງຄວາມຮັບຜິດຊອບຕໍ່ຄວາມປອດໄພຊີວິດ ແລະ ສຸຂະພາບຂອງປະຊາ ຊົນຈີນ, ທັງເຮັດສຸດຄວາມສາ ມາດຮັບຜິດຊອບຕໍ່ພາລະກິດ ສາທາລະນະສຸກໃນທົ່ວໂລກ. ກອງທັບຈີນ ບໍ່ພຽງແຕ່ມີໜ້າທີ່ອັນໜັກໜ່ວງໃນການຕ້ານ ການແຜ່ລະບາດຂອງພະຍາດພາຍໃນປະເທດເທົ່ານັ້ນ, ແຕ່ຍັງໄດ້ຕັ້ງໜ້າຮ່ວມມືກັບສາກົນໃນການຕ້ານພະຍາດລະບາດ ເພື່ອປະກອບສ່ວນຢ່າງຕັ້ງໜ້າດ້ານສາທາລະນະສຸກໃຫ້ປະຊາຄົມຂອງມວນມະນຸດ. ປັດຈຸບັນ, ກອງທັບຈີນ ໄດ້ສົ່ງຊ່ຽວຊານມາຊ່ວຍລາວ, ກໍາປູເຈຍ ແລະ ປະເທດອື່ນໆ ໂດຍນໍາໃຊ້ຍົນຂົນສົ່ງກອງທັບຂົນສົ່ງອຸປະກອນການແພດໃຫ້ລາວ, ຣັດເຊຍ, ປາກິສຖານ, ໄທ, ຕາຊີກິສຖານ, ເອທີໂອປີ, ອາກຊັງຕິນ ແລະ ປະ ເທດອື່ນໆ ພ້ອມທັງຈັດກອງປະຊຸມທາງໄກ ເພື່ອແລກປ່ຽນບົດຮຽນກ່ຽວກັບການປ້ອງກັນພະຍາດໂຄວິດ-19 ກັບ 17 ກອງທັບຕ່າງປະເທດ, ເພື່ອປະ ກອບສ່ວນທາງພະລະກໍາລັງຂອງຕົນໃຫ້ສາກົນເຂົ້າໃນການປ້ອງກັນໄວຣັດດັ່ງກ່າວ.
ກອງທັບຈີນ-ລາວ ຢຶດໝັ້ນປະຕິບັດຕາມຈິດໃຈຂອງທ່ານ ສີຈິ້ນຜິງ ເລຂາທິການໃຫຍ່, ປະທານປະເທດ ສປ ຈີນ ແລະ ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ສປປ ລາວ ທີ່ໄດ້ໂອ້ລົມໂທລະສັບທາງໄກນໍາກັນໃຫ້ປະກົດຜົນເປັນຈິງ, ການແລກປ່ຽນການຮ່ວມມືກັນຕ້ານພະຍາດລະບາດເຂົ້າສູ່ລວງເລິກຢ່າງບໍ່ຢຸດຢັ້ງ ຊຶ່ງເປັນຈຸດພົ້ນເດັ່ນໃໝ່ຂອງສອງຝ່າຍ. ສອງກອງທັບພວກເຮົາມີຄວາມສະດຸ້ງໄວ, ຮັກສາການປະສານງານຢ່າງໃກ້ຊິດຂອງສອງລັດຖະມົນຕີກະຊວງປ້ອງກັນປະເທດ ແລະ ກົມກອງທີ່ກ່ຽວຂ້ອງ, ໃຫ້ການຊ່ວຍເຫຼືອຊຶ່ງກັນ ແລະ ກັນ ຢ່າງທັນ ການ, ເຮັດໃຫ້ການຮ່ວມມືປ້ອງກັນພະຍາດລະບາດຂອງສອງກອງທັບ ຢືນຢູ່ແຖວໜ້າ ຂອງກອງ ທັບສາກົນ ແລະ ກາຍເປັນແບບຢ່າງນໍາໜ້າໃນການຕ້ານ ໄວຣັດໂຄວິດ. ຈີນ ແລະ ກອງ ທັບລາວ ໄດ້ພ້ອມຈິດພ້ອມໃຈ ແລະ ປະສານສົມທົບກັນຢ່າງແໜ້ນແຟ້ນ, ໄດ້ຮັບຜົນສໍາເລັດອັນໃຫຍ່ພາຍຫຼັງສອງຝ່າຍຈັດການຝຶກຊ້ອມຮ່ວມລົດໄຟສັນຕິພາບຢ່າງມີໄຊ, ທັງໄດ້ໄປປະຕິບັດໜ້າທີ່ຢູ່ແຂວງອັດຕະປື ໃນເຫດການຄູກັນນໍ້າເຂື່ອນເຊປຽນ-ເຊນຳ້ນ້ອຍແຕກປີ 2018 ແລະ ຊ່ວຍເຫຼືອເຫດການລົດບັດໂດຍສານຈີນເກີດອຸບັດເຫດໃນປີ 2019 ຢູ່ແຂວງຫຼວງພະບາງ. ການຮ່ວມມືຕ້ານພະ ຍາດລະບາດຂອງສອງກອງທັບ ຈີນ-ລາວ ໄດ້ປະກອບສ່ວນອັນສຳຄັນໃຫ້ສອງປະເທດ ໃນການຄວບຄຸມພະຍາດລະບາດ ທີ່ມີຄວາມໝາຍທາງດ້ານຍຸດທະ ສາດ, ໄດ້ເພີ່ມພຶດຕິກຳທີ່ມີຊີວິດຊີວາໃຫ້ແກ່ການສ້າງປະຊາຄົມຄູ່ຮ່ວມຊາຕາກໍາ ລາວ-ຈີນ ແລະ ປະຊາຄົມຊາຕາກໍາດ້ານສາທາລະນະສຸກຂອງມວນມະນຸດອີກດ້ວຍ.
ປັດຈຸບັນ, ໄວຣັດໂຄວິດ-19 ໄດ້ແຜ່ລະບາດໄປທົ່ວໂລກ ຊຶ່ງຍັງບໍ່ສາມາດແກ້ໄຂໄດ້, ແຕ່ ກອງທັບຈີນ ເຫັນດີພ້ອມກັບກອງທັບລາວອ້າຍນ້ອງ ສືບຕໍ່ຮ່ວມມືສາມັກຄີກັນ, ເພີ່ມທະວີຄວບຄຸມພະ ຍາດລະບາດດັ່ງກ່າວ ເພື່ອພ້ອມກັນປົກປ້ອງສຸຂະພາບຂອງປະຊາຊົນສອງຊາດ ແລະ ສອງກອງທັບໃຫ້ມີຄວາມປອດໄພ.