ໜັງສືພິມ ປະຊາຊົນ

ຮ້ານສັບພະສິນຄ້າຢູ່ຫວຽດນາມເພີ່ມ ຈຳນວນສິນຄ້າຂຶ້ນທົບ 2-3 ເທົ່າ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 05/08/2020 09:16:54 ຈຳນວນຢ້ຽມຊົມ 564 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ໃນໄລຍະມື້ ຜ່ານມາ, ຈຳນວນລູກຄ້າທີ່ເຂົ້າ ມາ ຊື້ສິນຄ້າ ໄດ້ເພີ່ມຂຶ້ນ. ປັດຈຸ ບັນ, ແຫຼ່ງສະໜອງສິນຄ້າຢູ່ຕາມຮ້ານຂ້າຍສິນຄ້າຂອງ ບັນດາຮ້ານສັບພະສິນຄ້າ ກໍສາມາດຕອບສະໜອງຕາມຄວາມຕ້ອງການໄດ້.
ຂ່າວລະບຸວ່າ: ບັນດາວິສາຫະກິດ, ຕົວແທນຈຳໜ່າຍສິນຄ້າ ໄດ້ປະຕິບັດຄຳສັ່ງຊີ້ນຳຂອງນາຍົກລັດຖະມົນຕີຢ່າງເຂັ້ມງວດ ກ່ຽວກັບການປ້ອງ ກັນ, ຕ້ານໂຣກລະບາດ,ເພີ່ມ ທະວີບັນດາມາດຕະການຮັບ ປະກັນແຫຼ່ງສະໜອງສິນຄ້າ ທີ່ຈຳເປັນໃຫ້ແກ່ປະຊາຊົນ, ພ້ອມທັງປະຕິບັດວຽກງານປ້ອງ ກັນ, ຕ້ານໂຣກລະບາດໃຫ້ເປັນຢ່າງດີ. ນີ້ແມ່ນຄຳສັ່ງຊີ້ນຳຂອງທ່ານ ໂດ້ທັ໊ງຫາຍ ຮອງລັດຖະມົນຕີກະຊວງອຸດສາຫະກຳ-ການຄ້າຫວຽດນາມ ໃນການເຮັດວຽກກັບລະບົບຮ້ານສັບ ພະສິນຄ້າ Co.opmart ແລະ BigC ຢູ່ຮ່າໂນ້ຍ ກ່ຽວກັບວຽກງານຮັບປະກັນການສະໜອງສິນຄ້າທີ່ຈຳເປັນ ແລະ ການປ້ອງກັນ, ຕ້ານໂຣກລະບາດໂຄວິດ- 19 ໃນວັນທີ 2 ສິງຫາຜ່ານມາ.
ບົດລາຍງານຂອງຜູ້ ຕາງໜ້າຮ້ານສັບພະສິນຄ້າ Co.opmart ແລະ BigC ໃຫ້ຮູ້ວ່າ: ໃນໄລຍະຜ່ານມາ, ຈຳນວນລູກຄ້າມາຊື້ສິນຄ້າໄດ້ເພີ່ມຂຶ້ນ, ປັດຈຸບັນ, ແຫຼ່ງສະໜອງ ສິນຄ້າຢູ່ຕາມຮ້ານຂ້າຍສິນຄ້າຂອງບັນດາຮ້ານສັບພະສິນຄ້າກໍສາມາດຕອບສະໜອງຕາມຄວາມຕ້ອງການໄດ້. ບັນດາວິສາຫະກິດໄດ້ເປັນເຈົ້າການເພີ່ມປະລິມານສິນຄ້າສະສົມຂຶ້ນທົບ 2-3 ເທົ່າ ເມື່ອທຽບໃສ່ກ່ອນນີ້ ເພື່ອຮັບປະກັນການ ສະໜອງສິນຄ້າໃຫ້ແກ່ປະຊາຊົນ.