ພິທີໃສ່ບາດຖວາຍທານ ງານບຸນສະເຫຼີມສະຫຼອງ ພະເຈົ້າໄຊຍະເຊດຖາທິຣາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 05/08/2020 09:33:35 ຈຳ​ນວນ​​ຢ້ຽມ​ຊົມ 2698 ຄັ້ງ

   ພາຍ​ຫຼັງ​ສໍາ​ເລັດ​ການ​ຍົກ​ຂຶ້ນ​ແທ່ນ ພະເຈົ້າ​ໄຊ​ຍະ​ເຊ​ດ​ຖາ​ທິ​ຣາດ​ ປະດິດສະຖານ​ໄວ້ເປັນ​ທີ່​ຮຽບຮ້ອຍ​ແລ້ວ ກໍ​ໄດ້​ບໍາ​ເພັນ​​ບຸນ​ກຸສົນ​ຖວາຍ​ທານ, ໃສ່​ບາດ​ຢາດ​ນໍ້າ​ໃນ​ຕອນ​ເຊົ້າ​ຂອງ​ວັນ​ທີ 1 ສິງຫາ ຜ່ານ​ມາ​ນີ້, ເປັນ​ອັນ​ຈົບ​ພິທີການ​ອັນ​ເຊີນ ຮູບ​ຫຼໍ່​ເໝືອນ​ພະ​ເຈົ້າ​ໄຊ​ຍະ​ເຊ​ດ​ຖາ​ທິ​ຣາດ ປະດິດສະຖານ​ໄວ້​ທີ່​ແທ່ນ​ອະ​ນຸ​ສາ​ວະລີ ບ້ານ​ຫາດ​ຊາຍ​ຂາວ ເມືອງໄຊ​ເສດ​ຖາ ໂດຍ​ການ​ເຂົ້າ​ຮ່ວມ​ຂອງ​ອະ​ດີດປະທານ​ປະເທດ ທ່ານ ຈູມ​ມະ​ລີ ໄຊ​ຍະ​ສອນ ພ້ອມ​ດ້ວຍ​ພັນ​ລະ​ຍາ, ມີ​ບັນດາ​ທ່ານຄະ​ນະ​ນໍາ​ຂັ້ນ​ສູນ​ກາງ, ການ​ນໍາ​ຂັ້ນ​ແຂວງ, ແຂກ​ພາຍ​ໃນ ແລະ ມວນ​ຊົນ​ຊາວ​ແຂວງອັດ​ຕະ​ປື ເຂົ້າ​ຮ່ວມ.
   ທ່ານ ເລັດ ​ໄຊ​ຍະ​ພອນ ເຈົ້າແຂວງອັດ​ຕະ​ປື ໄດ້ໃຫ້ສໍາ ​ພາດ​ວ່າ: ຂ້າພະເຈົ້າຕາງໜ້າ ​ໃຫ້​ຄະ​ນະ​ນໍາ​ຂອງແຂວງ ແລະ  ປະຊາຊົນ​ບັນດາເຜົ່າຊາວ ແຂວງອັດຕະປື ທຸກ​ຖ້ວນໜ້າ ມື້ນີ້, ຖື​ວ່າ​ເປັນ​ບຸນປາງ​ໃຫຍ່​ຂອງ​ຊາວ​ລາວ​ໃນ​ທົ່ວປະເທດ ເວົ້າ​ລວມ, ເວົ້າ​ສະເພາະຢູ່ ແຂວງອັດ​ຕະ​ປື ໄດ້​ມີ​ພີທີໃສ່​ ບາດ​ຖວາຍ​ທານ​ແດ່ພະເຈົ້າ​ໄຊ​ຍະ​ເຊດຖາ​ທິຣາດມະຫາ​ ຣາດ ທີ່​ສໍາເລັດການປະດິດ ສະຖານ​ໄວ້​ທີ່ອະນຸສາວະລີ​ແຫ່ງ​ນີ້ ເພື່ອ​ຈາລຶກຄຸນງາມ ຄວາມດີເຊີດ​ຊູກຽດສັກສີຂອງ​ ວິ​ຣະ​ມະຫາ​ກະສັດ​ຕາທິຣາດ ​ເຈົ້າອານາຈັກລາວ​ລ້ານຊ້າງ ຜູ້​ຊົງ​ສະຫຼຽວ​ສະຫຼາດອົງອາດ​ກ້າຫານ ຊົງ​ມີ​ພະ​ປີ​ຊາສາມາດ​ສະຫຼາດໃນການ​​ພິໄຊ​ສົງຄາມ ຊົງ​ເປັນ​ພຸດທະສາສະນິກະຊົນ​ອັນ​ເລີດ ໃນ​ການ​ສ້າງສາ​ພັດ ທະນາ​ບ້ານ​ເມືອງ ສິລະ​ປະວັດ​ທະ​ນະ​ທໍາຮີດຄອງ​ປະເພນີ​ຂອງ​ຊາດ ເປັນ​ພະ​ມະຫາ​ກະສັດ​ຕາ​ທິ​ຣາດ​ເຈົ້າສະເໝີ​ດັ່ງ​ແວ່ນ​ແຍງ​ອັນ​ໃສ​ແຈ້ງ​ແກ່​ອະນາ​ປະຊາ​ຣາດ ຕັ້ງແຕ່ງ​ບັນ​ພະ​ການ​ສືບ​ມາ​ຈົນ​ເຖິງ​ລູກຫຼານ ໄດ້​ສືບ​ທອດ​ກັນ​ມາ​ຫຼາຍເຊັ່ນຄົນ​ຈົນ​ເຖິງ​ທຸກ​ວັນ​ນີ້ ແລະ ຊົ່ວ​ກາລະ​ນານ. 
(ຂ່າວ: ໄຊ ນັກ​ຂ່າວ​ແຂວງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110