Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ມຊ ສຳມະນາວຽກງານກໍ່ສ້າງພັກ ໃຫ້ມີຄວາມເຂັ້ມແຂງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/08/2020 09:24:43 ຈຳ​ນວນ​​ຢ້ຽມ​ຊົມ 2469 ຄັ້ງ

ເພື່ອ​ເຮັດ​ໃຫ້​ວຽກ​ງານ​ກໍ່ສ້າງ​ພັກ ພະນັກງານ​ໃນ​ມະຫາວິທະຍາໄລ​ແຫ່ງ​ຊາດ (ມຊ) ມີ​ຄວາມ​ໜັກ​ແໜ້ນ​ເຂັ້ມ ແຂງ​ເປັນ​ລະບົບ ແລະ ມີ​ຄວາມ​ເປັນ​ເອກະ​ພາບ​ພ້ອມ​ທັງ​ຖືກ​ຕ້ອງ​ຕາມ​ລະບຽບ​ຫຼັກການ​ຂອງ​ພັກ ດັ່ງນັ້ນ, ໃນ​ວັນ​ທີ 5 ສິງຫາ​ນິ້, ອົງຄະ​ນະ​ພັກ ມຊ ຈຶ່ງ​ໄດ້​ເປີດ​ກອງ​ປະຊຸມ​ສຳ​ມະ​ນາ​ວຽກ​ງານ​ກໍ່ສ້າງ​ພັກ​ທົ່ວ ມຊ ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສົມ​ສີ ຍໍ​ພັນ​ໄຊ ຄະນະ​ປະຈຳ​ພັກ ກະຊວງ​ສຶກສາ​ທິ​ການ ແລະ ກິລາ (ສສກ) ອະທິການ​ບໍດີ ມຊ, ທ່ານ ອຸດົມ ພອນ​ຄຳ​ເພັງ ຮອງ​ປະທານ​ກວດກາ​ພັກ ກະຊວງ ສສກ, ເລຂາ​ຄະນະ​ພັກ ມຊ, ມີ​ບັນດາ​ຄະນະ​ປະຈຳ​ພັກ, ຄະນະ ພັກ​ຮາກ​ຖານ, ບັນດາ​ໜ່ວຍ​ພັກ​ເຂົ້າ​ຮ່ວມ.
ທ່ານ ອຸດົມ ພອນ​ຄຳ​ເພັງ ກ່າວ​ວ່າ: ອົງຄະ​ນະ​ພັກ ມຊ ຍາມ​ໃດ​ກໍໄດ້​ເອົາໃຈໃສ່​ຊຸກຍູ້​ຂະບວນ​ການ​ຕ່າງໆ​ ເພື່ອ​ເຮັດ​ໜ້າທີ່​ອັນ​ສຳຄັນ​ກຽມ​ໃສ່​ກອງ​ປະຊຸມ​ຄັ້ງ​ທີ 9 ຂອງ​ອົງຄະ​ນະ​ພັກ​ກະຊວງ ສສກ ທີ່​ຈະ​ມາ​ເຖິງ, ທົ່ວ ມຊ ມີ​ສະມາຊິກ​ພັກ 1.484 ຄົນ, ມີ​ບັນດາ​ພະນັກງານ​ຄູ​-​ອາຈານ​ທັງ​ໝົດ​ເກືອບ 2.000 ຄົນ, ຈຸດ​ພິເສດ​ຂອງ​ສະມາຊິກ​ພັກ ມຊ ແມ່ນ​ເປັນ​ຜູ້​ທີ່​ມີ​ຄວາມ​ຮູ້​ທາງ​ດ້ານ​ວິຊາ​ການ​ສູງ, ມີ​ວິຊາ​ສະເພາະ​ທີ່​ຫຼາກ​ຫຼາຍ​ບໍ່​ຄື​ກັບ​ບ່ອນ​ອື່ນ, ຍາມ​ໃດ​ພັກ​-​ລັດ​ກໍໃຫ້​ຄວາມ​ເປັນ​ຫ່ວງ​ເປັນ​​ໄຍ ທາງ​ສູນ​ກາງ​ພັກ​ກໍໄດ້​ສືບຕໍ່​ບຳລຸງ​ວິຊາ​ສະເພາະ ແລະ ການເມືອງ​ໃຫ້​ເຂັ້ມແຂງ ດັ່ງນັ້ນ, ໃນ​ມື້ນີ້, ພວກ​ເຮົາ​ຈຶ່ງ​ໄດ້​ມີ​ການ​ເປີດ​ບັ້ນ​ສຳ​ມະ​ນາ ເຜີຍແຜ່​ສົ່ງເສີມ​ກ່ຽວ​ກັບ​ການ​ຂະຫຍາຍ​ພັກ ໂດຍ​ສະເພາະ​ແນໃສ່​ວຽກ​ງານ​ສ້າງ​ໜ່ວຍ​ພັກ ປອດ​ໃສ ເຂັ້ມແຂງ ແລະ ໜັກ​ແໜ້ນ, ເມື່ອ​ເວົ້າເຖິງ​ໂຄ​ວິດ-19 ຫຼາຍ​ປະເທດ​ໃນ​ໂລກ​ໄດ້​ຮັບ​ຜົນ​ກະທົບ​ທາງ​ດ້ານ​ເສດຖະກິດ ໜຶ່ງ​ໃນ​ນັ້ນ ສປປ ລາວ ເຮົາ​ກໍເຊັ່ນ​ດຽວ​ກັນ​ໃນ​ເມື່ອ​ເປັນ​ແນວ​ນັ້ນ​ຜູ້​ທີ່​ບໍ່​ຫວັງ​ດີ​ຈະ​ສວຍ​ໂອ​ກາດ​ນໍາ​ໃຊ້​​ໄລຍະ​ສັບສົນ​ດັ່ງກ່າວ​ນີ້​ເຜີຍແຜ່​ກໍ່ກວນ ແລະ ໃຫ້​ຂໍ້​ມູນ​ທີ່​ບໍ່​ດີ​ທັບ​ຖົມ​ການ​ຊີ້​ນຳໆ ພາ​ຂອງ​ພັກ ປປ ລາວ ເຖິງ​ແນວໃດ​ກໍ່​ຕາມ​ບັນດາ​ສື່​ອອນ​ລາຍ, ບັນດາ​ຂໍ້​ມູນ​ຂ່າວສານ​ອື່ນໆ ໄດ້​ເຮັດ​ໃຫ້​ສະມາຊິກ​ພັກ​ທັງ​ໝົດ​ມີ​ຄວາມ​ເອົາໃຈໃສ່​ພິຈາລະນາ​ອັນ​ໃດ​ໃສ່​ຮ້າຍ​ປ້າຍ​ສີ​ກໍໃຫ້​ກຳ​ໄດ້ ດັ່ງນັ້ນ, ຈຶ່ງ​ເຮັດ​ໃຫ້​ປະເທດ​ເຮົາ​ຢູ່​ໃນ​ຄວາມ​ສະ​ຖຽນ​ລະ​ພາບ​ມີ​ຄວາມ ສະຫງົບ​ໃນ​ຂັ້ນ​ພື້ນຖານ, ສິ່ງ​ທີ່​ສຳຄັນ​ສືບຕໍ່​ພາລະກິດ​ໃນ​ການ​ກໍ່ສ້າງ​ປະເທດ​ຊາດ​ໃຫ້​ເຂັ້ມແຂງ​ຫຼຸດ​ພົ້ນ​ຈາກ​ຄວາມ​ດ້ອຍ​ພັດທະນາ ແລະ ແນໃສ່​ຫັນ​ເປັນ​ທັນ​ສະ​​ໄໝ​ຮອບດ້ານ ໜຶ່ງ​ໃນ​ນັ້ນ​ວຽກ​ທີ່​ສຳຄັນ​ກໍ່​ຄື​ວຽກ​ຂະຫຍາຍ​ພັກ​ໂດຍ​ສະເພາະ​ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ, ໜັກ​ແໜ້ນ ມີີ​ຄວາມ​ສຳຄັນ​ຫຼາຍ, ນອກຈາກ​ນີ້​ວຽກ​ຕ່າງ ໆ ທີ່​ປິ່ນ​ອ້ອມ​ເຊັ່ນ​ວຽກ​ງານ 3 ສ້າງ​ນີ້​ເປັນ​ວຽກ​ໜຶ່ງ​ທີ່​ໄດ້​ມີ​ການ​ປະກອບສ່ວນ​ໃຫ້​ແກ່​ຄະນະ​ສະມາຊິກ​ພັກ​ທັງ​ໝົດ​ໄດ້​ລົງ​ເຄື່ອນ​ໄຫວ​ໃນ​ນັ້ນ ມຊ ກໍ່​ໄດ້​ສົ່ງ​ບັນດາ​ຄູ​-​ອາຈານ​ລົງ​ເຄື່ອນ​ໄຫວ​ເຊັ່ນ​ກັນ.             
ມື້ນີ້​ຖື​ເປັນ​ມື້​ສຳຄັນ​ເຮັດ​ໃຫ້​ຄະນະ​ພັກ​-​ຄະນະ​ນຳ ມຊ ກໍຄື​ຮາກ​ຖານ​-​ໜ່ວຍ​ພັກ​ຕ່າງ ໆ ລວມ​ທັງ​ໝົດ 13 ຮາກ​ຖານ, 4 ໜ່ວຍ​ພັກ​ທີ່​ຂຶ້ນ​ກັບ ຊຶ່ງ​ປັດຈຸບັນ​ນີ້ ມຊ ມີ​ທັງ​ໝົດ 80 ໜ່ວຍ ຊຶ່ງ​ຜ່ານ​ມາ​ໄດ້​ສ້າງ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ​ໄດ້ 90% ມອບ​ໃຫ້​ຄະ​ນະ​ນໍາ ຄະນະ​ພັກ​ທຸກ​ຂັ້​ນນໍາ​ໄປ​ປະຕິບັດ ຂ້າພະເຈົ້າ​ຫວັງ​ວ່າ​ການ​ຮໍ່າ​ຮຽນ ການ​ຮັບ​ຟັງ​ການ​ເຜີຍແຜ່​ການ​ຂະຫຍາຍ​ວຽກ​ພັກ​ໃນ​ມື້ນີ້​ມີ​ຄວາມ​ໝາຍ​ສຳຄັນ ຫວັງ​ຢ່າງ​ຍິ່ງ​ວ່າ​ຈະ​ນໍາ​ເອົາ​ເນື້ອ​ໃນ​ຈິດໃຈ​ຂອງ​ການ​ສຳ​ມະ​ນາ​ໃນ​ມື້ນີ້​ໄປ​ລົງ​ສູ່​ຮາກ​ຖານ​ທີ່​ພວກ​ສະຫາຍ​ສັງກັດ​ຢູ່​ໃຫ້​ໄດ້​ຮັບ​ໝາກຜົນ​ອັນ​ຈົບງາມ, ຈາກ​ນັ້ນ​ທ່ານ ວິ​ສຸກ ພົມ​ພິທັກ ຫົວໜ້າ​ກົມ​ກໍ່ສ້າງ​ພັກ ຄະນະ​ຈັດ​ຕັ້ງ​ສູນ​ກາງ​ພັກ ໄດ້​ໃຫ້​ກຽດ​ບັນຍາຍ​ເອກະສານ​ວຽກ​ງານ​ຂະຫຍາຍ​ພັກ​ຕື່ມ​ອີກ.
(ຂ່າວ​-​ພາບ: ພູ​ວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com