ໜັງສືພິມ ປະຊາຊົນ

WHO ຕີລາຄາການນຳໃຊ້ເຕັກໂນໂລຊີໃນຂົງເຂດສາທາລະນະສຸກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 06/08/2020 09:27:37 ຈຳນວນຢ້ຽມຊົມ 424 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ການນຳອົງ ການອະນາໄມໂລກ (WHO), ອົງການ ຊັບສິນທາງປັນຍາຂອງໂລກ (WIPO) ແລະ ອົງການການຄ້າໂລກ (WTO) ໄດ້ປະ ກາດ ບົດຄົ້ນຄ້ວາ ການຕີລາຄາຄວາມອາດສາມາດຊົມໃຊ້ບັນ ດາເຕັກໂນໂລຊີ ແລະ ມີການປ່ຽນແປງໃໝ່ໃນຂົງເຂດສາທາ ລະນະສຸກ.
ບົດລາຍງານລະບຸວ່າ: ບາງຈຸດໃໝ່ໃນບົດຄົ້ນຄ້ວາລວມມີ: ສຸມໃສ່ລົງເລິກໄຈ້ ແຍກບັນດາປັດໄຈຫຼັກ, ຕັດສິນ ຄວາມອາດສາມາດໃນການຊົມໃຊ້ເຕັກໂນໂລຊີ ແລະ ມີການປ່ຽນແປງໃໝ່ໃນຂົງເຂດ ສາທາລະນະສຸກ (ວັກຊິນ, ຢາ, ບົ່ງມະຕິພະຍາດ), ຍົກອອກບັນດາບົດຮຽນຕົວຈິງທີ່ຖອດ ຖອນໄດ້ຈາກຂະບວນວິວັດການສົມທົບກັນ ລະຫວ່າງ ສາ ທາລະນະສຸກປະຊາຄົມ, ຊັບສິນທາງປັນຍາ ແລະ ການຄ້າ.
ນອກຈາກນັ້ນ, ບົດລາຍງານຍັງສະໜອງການສັງເກດລວມກ່ຽວກັບສະພາບການໂຣກລະບາດ COVID- 19, ບັນ ດາມາດຕະການໄດ້ປະຕິບັດ ເພື່ອຮັບມືກັບໂຣກລະບາດ COVID - 19.
ທ່ານ ຜູ້ອຳນວຍການໃຫຍ່ WHO ໄດ້ຮຽກຮ້ອງໃຫ້ຍົກເລີກບັນດາຮົ້ວກີດຂວາງການຊົມ ໃຊ້ບໍລິການສາທາລະນະສຸກ, ພ້ອມທັງເນັ້ນໜັກວ່າ: ໂຣກລະບາດ COVID -19 ສະແດງ ໃຫ້ເຫັນຄວາມຈຳເປັນທີ່ຕ້ອງ ເພີ່ມທະວີການຮ່ວມມືລະ ຫວ່າງບັນດາປະເທດ ເພື່ອສາ ມາດກູ້ເອົາຊີວິດ ແລະ ປ່ຽນແປງ ສຸຂະພາບຂອງປະຊາຊົນນັບ ຕື້ຄົນໃນທົ່ວໂລກ.
ຂ່າວລະບຸວ່າ: ກ່ອນໜ້ານີ້, ທ່ານ ເທໂດຣສ ອາດານອມ ເກເບຣເຢຊຸສ WHO ໄດ້ປະກາດວ່າ: WHO ໄດ້ສ້າງຕັ້ງໜ່ວຍງານໃຫ້ຄຳປຶກສາກ່ຽວກັບການສັງເກດການປະ ພຶດ ແລະ ເຕັກນິກວິທະຍາ ສາດດ້ານສຸຂະພາບຮ່າງກາຍ ຊຶ່ງເປັນມາດຕະການໃໝ່ ເພື່ອຊ່ວຍຕ້ານກັບພະຍາດ CO- VID - 19.