ໜັງສືພິມ ປະຊາຊົນ

6 ເດືອນຕົ້ນປີ ການຄ້າບໍລິການຈີນ ສ້າງລາຍໄດ້ 2,2 ຕື້ຢວນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 07/08/2020 09:01:11 ຈຳນວນຢ້ຽມຊົມ 589 ຄັ້ງ

ຂ່າວສານຊີອາໄອລາຍງານວ່າ: ຕົ້ນເດືອນສິງຫານີ້, ກະຊວງການຄ້າຈີນ ປະກາດລາຍງານສະຖິຕິຫຼ້າສຸດ ໂດຍລະບຸວ່າ: ໃນ 6 ເດືອນຕົ້ນປີ 2020 ການຄ້າການບໍລິການຂອງຈີນ ສ້າງລາຍໄດ້ 2,2 ຕື້ຢວນ, ຫຼຸດລົງ 14,7% ເມື່ອທຽບ ໃສ່ໄລຍະດຽວກັນຂອງປີກາຍ.
ຂ່າວລະບຸວ່າ: ການຄ້າບໍລິການຂອງຈີນຫຼຸດລົງນັ້ນ ແມ່ນຍ້ອນໄດ້ຮັບຜົນກະທົບຈາກການລະບາດພະຍາດໂຄວິດ-19, ສົ່ງຜົນໃຫ້ການຄ້າຢູ່ເຂດຊາຍແດນຫຼຸດລົງ, ການອຸປະໂພກ - ບໍລິໂພກການບໍລິການ ຫຼຸດລົງຢ່າງຫຼວງຫຼາຍ.
ຢ່າງໃດກໍຕາມ, ເຈົ້າໜ້າທີ່ທີ່ກ່ຽວຂ້ອງຂອງກະຊວງການຄ້າຈີນ ລະບຸວ່າ: ຖ້າບໍ່ນັບລວມການບໍລິການທ່ອງທ່ຽວທີ່ປັບຫຼຸດລົງແລ້ວ, ການນໍາເຂົ້າ-ສົ່ງ ອອກພາກບໍລິການຂອງຈີນ ໃນຮອບ 6 ເດືອນຕົ້ນປີນີ້ ຂະ ຫຍາຍຕົວພຽງ 2,1%. ໃນນັ້ນດ້ານຄວາມຮູ້ຊ່ຽວຊານການບໍລິ ການຂະຫຍາຍຕົວ 9,2% ກວມ 43,7% ຂອງຍອດການນໍາເຂົ້າ-ສົ່ງອອກ ພາກການບໍລິການ.
ຂ່າວລະບຸວ່າ: ໃນເດືອນກັນຍາປີນີ້, ຈະມີການຈັດງານເທດສະການການຄ້າບໍລິການ ລະຫວ່າງ ປະເທດ ປະຈໍາປີ 2020 ທີ່ນະຄອນຫຼວງປັກກິ່ງ ດ້ວຍຫົວຂໍ້; “ບໍລິການທົ່ວໂລກ ເພື່ອຜົນປະໂຫຍດ ຮ່ວມກັນ”.