ໜັງສືພິມ ປະຊາຊົນ

ກອງປະຊຸມລັດຖະມົນຕີການເງິນ ອາຊຽນ +3

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 07/08/2020 09:03:19 ຈຳນວນຢ້ຽມຊົມ 665 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 5 ສິງຫາຜ່ານມາ, ຢູ່ຮ່າໂນ້ຍ ໄດ້ຈັດກອງປະຊຸມຂັ້ນຮອງລັດ ຖະມົນຕີການເງິນ ແລະ ຮອງຜູ້ວ່າການທະນາຄານສູນກາງ ອາຊຽນ+3. ນີ້ແມ່ນກອງປະຊຸມທີ່ສຳຄັນໃນບັນດາເຫດການຮ່ວມມືດ້ານການເງິນອາຊຽນ ແລະ ອາຊຽນ+3 ໂດຍຫວຽດນາມ ເປັນເຈົ້າພາບຈັດຕັ້ງໃນປີນີ້.
ຂ່າວລະບຸວ່າ: ໃນກອງປະຊຸມ, ຮອງລັດຖະມົນຕີການ ເງິນ ແລະ ຮອງຜູ້ວ່າການທະນາ ຄານສູນກາງ ບັນດາປະເທດ ອາຊຽນ ພ້ອມກັບຄູ່ຮ່ວມມືຈີນ, ສ.ເກົາຫຼີ, ແຄ້ວນໄຕ້ຫວັນ (ຈີິນ) ໄດ້ປຶກສາຫາລື ກ່ຽວ ກັບບັນດາຂໍ້ລິເລີ່ມຮ່ວມມືທາງດ້ານການເງິນຂອງພາກພື້ນເຊັ່ນ: ຫັນຂໍ້ລິເລີ່ມຊຽງໄຮ້ເປັນຫຼາຍຝ່າຍ, ພັດທະນາຕະຫຼາດພັນທະບັດອາຊີ.
ນອກນີ້, ຮອງລັດຖະມົນຕີການເງິນ ແລະ ຮອງຜູ້ວ່າການທະນາຄານສູນກາງ ຍັງດຳເນີນວາລະປະຊຸມພິເສດ ເພື່ອແບ່ງ ປັນບົດຮຽນກ່ຽວກັບມາດຕະ ການຮັບມືກັບບັນດາຜົນກະ ທົບຂອງໂຣກລະບາດ COVID-19 ລາຍງານສະພາບການ ແລະ ຕີລາຄາແງ່ຫວັງເສດຖະກິດມະຫາພາກຂອງບັນດາປະເທດໃນພາກພື້ນ.