Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກະຊວງ ຖວທ ປະກາດການປັບປຸງການຈັດຕັ້ງຂັ້ນກົມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 10/08/2020 09:27:41 ຈຳ​ນວນ​​ຢ້ຽມ​ຊົມ 2207 ຄັ້ງ

ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ໄດ້​ຈັດ​ພິທີ​ປະກາດ​ການ ​ປັບປຸງ​ການຈັດຕັ້ງໃຫ້​ພະນັກ ງານ​ອອກ​ພັກ​ການ​-​ຮັບ​ອຸດໜູນ ​ບຳນານ, ແຕ່ງຕັ້ງ​ຕຳແໜ່ງບໍລິ ຫານ​ປະເພດ 2, ຍົກຍ້າຍ, ສັບ ຊ້ອນ ແລະ ແຕ່ງຕັ້ງ​ຕຳແໜ່ງ​ບໍ ລິຫານ​ປະເພດ 3, ພິທີ​ປະກາດ​ການ​ປັບປຸງ​ການຈັດຕັ້ງ​ດັ່ງກ່າວ ໄດ້​ຈັດ​ຂຶ້ນ​ເມື່ອ​ວັນ​ທີ 7 ສິງຫາ ​ຜ່ານ​ມາ ທີ່​ຫໍ​ວັດທະນະທຳ​ແຫ່ງ​ຊາດ ພາຍ​ໃຕ້​ການ​ເປັນ​ປະທານ​ຂອງທ່ານ ກິ​ແກ້ວ ໄຂ​ຄຳ​ພິທູນ ລັດຖະມົນຕີ ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ ທ່ຽວ ໂດຍ​ມີ​ບັນດາ​ຮອງ​ລັດຖະ ມົນຕີ, ຫົວໜ້າ​ກົມ, ຮອງ​ຫົວໜ້າ​ກົມ, ພ້ອມ​ດ້ວຍ​ພະນັກ​ງານ​-​ລັດຖະກອນ​ເຂົ້າ​ຮ່ວມ.
ທ່ານ ຂັນແກ້ວ ພົມ​ມະ​ໄກສອນ ຄະນະ​ປະ​ຈໍາ​ພັກ​            ກະຊວງ ຫົວໜ້າ​ກົມ​ຈັດ​ຕັ້ງ​ພະ ນັກງານ​ໄດ້​ອ່ານ​ດໍາ​ລັດ​ຂອງ​ນາ ຍົກລັດຖະມົນຕີ ວ່າ​ດ້ວຍການ​ອະນຸມັດ​ໃຫ້​ພະນັກງານ​ອອກ​ພັກ​ການ​ ຮັບ​ອຸ​ໜູນ​ບໍາ​ນານ, ໃນ​ການ​ປະກາດ​ຄັ້ງ​ນີ້, ຜູ້​ທີ່​ໄດ້ຮັບ​ ອະນຸມັດ​ອອກ​ພັກ​ການ​-​ຮັບ​ອຸດ​ໜູນ​ບຳນານ ອີງ​ຕາມ​ດຳລັດຂອງ ​ນາຍົກລັດຖະມົນຕີ ປະກອບ​       ມີ ທ່ານ ບຸນ​ເລື່ອນ ບຸບຜາຫົວໜ້າ​ກົມ​ຮ່ວມ​ມື​ສາກົນ, ທ່ານ ປິ່ນ​ປາຖະໜາ ພັນທະ​ມາລີ ຫົວໜ້າ​ກົມ​ສື່​ມວນ​ຊົນ, ທ່ານ ຄຳ​ພວງ  ອິນ​ທະ​ວົງ​ສີ ຫົວໜ້າ​ກົມ​ສິ ລະ​ປະການ​ສະແດງ, ທ່ານ ສູນ ມະນີ​ວົງ ຫົວໜ້າ​ກົມ​ໂຄສະນາ​ການທ່ອງທ່ຽວ, ທ່ານ ວິທູນ ສູນ​ດາລາ ຫົວໜ້າ​ກົມ​ຮູບເງົາ, ທ່ານ ດວງ​ຈິດ ສະ​ຫວັດ​ບຸນ​ມີ ຫົວໜ້າ​ບັນນາທິການ​ໜັງສືພິມ​ປະຊາຊົນ, ທ່ານ ວິໄລ​ທອງ ສີ​ຊານົນ ຫົວໜ້າ​ສະ​ຖາ​ບັນ​ສື່​ມວນ​ຊົນ, ວັດທະນະທຳ ແລະ ທ່ອງ​ທ່ຽວ, ທ່ານ ໄມ່​ສິງ  ຈັນບຸດ​ດີ ຫົວໜ້າ​ສະຖາ​ບັນ​ວິຈິດ​ສິນ​ ແຫ່ງ​ຊາດ, ທ່ານ ສູນ​ທອນ ຄັນ ທະ​ວົງ ຜູ້ອຳນວຍການ​ສຳນັກ​ຂ່າວສານ​ປະເທດ​ລາວ ແລະ ທ່ານ ຕ່ວນ ມວນ​ຈັນ ຫົວໜ້າ​ອຳນວຍ​ການ​ໂຮງຮຽນ​ສິລະ​ປະ​ແຫ່ງ​ຊາດ. ພ້ອມ​ກັນ​ນັ້ນ, ລັດຖະມົນຕີ ກະຊວງ ຖວທ ໄດ້​ອອກ​ຂໍ້​ຕົກລົງ​ອະນຸມັດ​ໃຫ້ ທ່ານ ບຸນ​ມາ ເພັດ​ສາ​ວົງ ຫົວໜ້າ​ກົມ​ຄຸ້ມ​ຄອງ​ການທ່ອງທ່ຽວ ອອກ​ພັກ​ການ​-​ຮັບ​ອຸດ​ໜູນ​ບຳນານ.
ພ້ອມ​ກັນ​ນີ້ກໍ​ໄດ້​ອ່ານ​ດໍາ​ລັດ​ຂອງ​ນາຍົກລັດຖະມົນຕີ ວ່າ​ດ້ວຍ​ການ​ແຕ່ງຕັ້ງ ບັນດາ​ຫົວໜ້າ​ກົມ ປະກອບ​ມີ: ທ່ານ ວັນ​ໄຊ ຕະ​ວິນ​ຍານ ເປັນຫົວໜ້າ​ ບັນນາທິການ​ໃຫຍ່​ໜັງສືພິມ​ ປະຊາຊົນ, ທ່ານ ສົມ​ສະຫວາດ ພົງສາ ເປັນ​ຫົວໜ້າ​ກົມ​ສື່​ມວນ​ຊົນ, ທ່ານ ຄຳ​ເພົ້າ  ວັນນະວົງ ເປັນ​ຫົວໜ້າ​ກົມ​ຮູບເງົາ, ທ່ານ ນາງ ດາລາ​ນີ ພົມ​ມະ​ວົງສາ ເປັນ​ຫົວໜ້າ​ກົມຄຸ້ມຄອງ​ການ ທ່ອງທ່ຽວ, ທ່ານ  ຄຳ​ສຸກ ແກ້ວ​ວົງ​ຊາຍ ເປັນ​ຜູ້ອຳນວຍການ​ ສະ​ຖາບັນ​ວິຈິດ​ສິນ​ແຫ່ງ​ຊາດ  ແລະ ທ່ານ ຄຳ​ເຜີຍ ພິລາ​ພາ ເປັນ​ຜູ້ອຳນວຍການ​ໃຫຍ່ສຳ ນັກ​ຂ່າວສານ​ປະເທດ​ລາວ.
ນອກນີ້​ ກໍ​ໄດ້​ອ່ານ​ຂໍ້​ຕົກລົງ​ຂອງ​ລັດຖະມົນຕີ ກະຊວງ ຖວທ ວ່າ​ດ້ວຍ​ການ​ແຕ່ງຕັ້ງ​ລັດຖະ ກອນ​ຮັບ​ໜ້າທີ່​ໃໝ່ ຊຶ່ງ​ປະກອບ​ມີ​ບັນດາ​ທ່ານ ດັ່ງນີ້: ທ່ານ ບົວ​ໄລ ພານຸ​ວົງ ຮອງ​ຫົວໜ້າ​ຫ້ອງ ການເປັນ​ຜູ້​ວ່າການ​ຫົວໜ້າ​ຫ້ອງການກະຊວງ; ທ່ານ ຄຳ​ພັນ ພົນ​ທອງ​ສີ ຜູ້ອຳນວຍການ​ຫໍ​ວັດທະນະທຳ​ແຫ່ງ​ຊາດ ເປັນ​ຜູ້​ວ່າການ​ຫົວໜ້າ​ກົມ​ສິລະ​ປະ ການ​ສະແດງ, ທ່ານ ຄົມ ດວງ​ຈັນທາ ຮອງ​ຫົວໜ້າ​ກົມ​ຮ່ວມ​ມື​ສາກົນ ເປັນ​ຜູ້​ວ່າການ​ຫົວໜ້າ​ກົມ​ໂຄສະນາ​ການທ່ອງທ່ຽວ, ທ່ານ ຄຳ​ຫຼ້າ ຍອຍ​ສາຍ​ຄຳ  ຮອງ​ຫົວໜ້າ​ສະ​ຖາ​ບັນ​ສື່​ມວນ​ຊົນ, ວັດທະນະທຳ ແລະ ທ່ອງ​ທ່ຽວ ເປັນ​ຜູ້​ວ່າການ​ຫົວໜ້າ​ສະ​ຖາ​ບັນ​ສື່​ມວນ​ຊົນ, ວັດທະນະທຳ ແລະ ທ່ອງ​ທ່ຽວ, ທ່ານ ນາງ ວັນ​ສີ ຈະເລີນ​ສຸກ ຫົວໜ້າ​ກອງ​ລະຄອນ​ຕຸກກະຕາ​ແຫ່ງ​ຊາດ ໄປ​ເປັນ​ຮອງ​ຫົວໜ້າ​ກົມ​ສິລະ​ປະການ​ສະແດງ ແລະ ທ່ານ ວຽງ​ພອນ ສຸກ​ຂະ​ວົງ ຫົວໜ້າ​ພະ​ແນ​ກ​ຄຸ້ມ​ຄອງ​ປ້າຍ ແລະ ສວນ​ສາທາລະນະ ສັງກັດ​ກົມ​ວັດທະນະທຳ​ມະຫາຊົນ ເປັນ​ຜູ້ອຳນວຍການ​ໂຮງຮຽນ​ສິລະ​ປະ​ແຫ່ງ​ຊາດ. ການ​ປະກາດ​ການຈັດຕັ້ງ​ໃນ​ຊຸດ​ນີ້​ກໍ​ເພື່ອ​ເປັນ​ການ​ຕອບ​ສະໜອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການເມືອງ​ໃນ​ໄລຍະ​ໃໝ່​ຂອງ​ວຽກ​ງານ ອີງໃສ່​ອາຍຸ​ກະສຽນ​ຮັບ​ອຸດ​ໜູນ​ບໍາ​ນານ​ ແລະ ​ກໍ​ອີງໃສ່​ກົດໝາຍ​ພະນັກ​ງານ​-​ລັດຖະກອນ ເພື່ອ​ເຮັດ​ໃຫ້​ກົງ​ຈັ​ກການຈັດຕັ້ງ​ມີ​ຄວາມ​ໜັກ​ແໜ້ນ​ເຂັ້ມແຂງ ເປັນ​ການ​ເພີ່ມ​ທະ​ວີ​ກໍາ​ລັງ​ແຮງ​ຂອງ​ກະຊວງ ຖວທ.
ໃນ​ໂອກາດ​ດັ່ງກ່າວ, ທ່ານ ກິ​ແກ້ວ ໄຂ​ຄຳ​ພິທູນ ກໍ​ໄດ້​ສະ ແດງ​ຄວາມ​ຍ້ອງຍໍ​ຊົມເຊີຍ​ຕໍ່​ບັນດາ​ທ່ານ​ຫົວໜ້າ​ກົມ​ທີ່​ໄດ້​ຖືກແຕ່ງຕັ້ງໃໝ່​ກໍ​ຄື​ບັນດາ​ທ່ານ​ທີ່​ໄດ້​ຖືກ​ຍົກຍ້າຍ​ ແລະ​ພັກຜ່ອນ​ຮັບ​​ບໍາ​ນານ ພ້ອມ​ທັງ​ເນັ້ນ​ໜັກ​ໃຫ້​ບັນດາ​ທ່ານ​ເພີ່ມ​ທະວີ​ຄວາມ​ຮັບຜິດຊອບ​ຕໍ່ໜ້າ​ທີ່​ວຽກ​ງານ​ຂອງ​ຕົນ​ໃຫ້​ບັນລຸ​ຜົນ​ສໍາ​ເລັດ​ຕາມ​ການ​ມອບ​ໝາຍ ແນໃສ່​ປະກອບສ່ວນ​ອັນ​ສຳຄັນ​ເຂົ້າ​ໃນ​ພາລະກິດ​ຂອງ​ພັກ​-​ລັດ ໃຫ້​ໄດ້​ຕາມ​ເປົ້າ​ໝາຍ.
(ຂ່າວ: ຍຸ​ພິນ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com