ໜັງສືພິມ ປະຊາຊົນ

ອາຊຽນ ແບບຢ່າງການຮ່ວມມືທີ່ປະສົບຜົນສຳເລັດ ໃນພາກພື້ນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 11/08/2020 08:59:27 ຈຳນວນຢ້ຽມຊົມ 292 ຄັ້ງ

ວັນທີ 8 ສິງຫາປີ 2020, ສະຫະສະມາຄົມບັນດາປະ ເທດອາຊີຕາເວັນອອກສ່ຽງໃຕ້ (ອາຊຽນ) ໄດ້ຈັດການສະເຫຼີມ ສະຫຼອງ 53 ປີແຫ່ງວັນສ້າງຕັ້ງ. ເຄິ່ງສະຕະວັດທີ່ຜ່ານມາ, ອາຊຽນ ໄດ້ສ້າງພາກພື້ນໃຫ້ມີສະຖຽນລະພາບ, ວັດທະນາຖາວອນ ແລະ ສັນຕິພາບ,ກາຍ ເປັນແບບຢ່າງທີ່ປະສົບຜົນສຳ ເລັດ ໃນການຮ່ວມມືໃນພາກ ພື້ນ. ປະກອບສ່ວນເຂົ້າໃນຜົນສໍາເລັດລວມ. ແມ່ນຄວາມພະ ຍາຍາມຂອງບັນດາປະເທດ ສະມາຊິກອາຊຽນ, ໃນນັ້ນ ຫວຽດນາມ ນັບມື້ນັບພົ້ນເດັ່ນ ຂຶ້ນແມ່ນປະເທດທີ່ມີບົດບາດ ນຳພາ.
ສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ ໄດ້ຮັບການສ້າງຕັ້ງຂຶ້ນເມື່ອວັນທີ 8 ສິງຫາປີ 1967 ເບື້ອງຕົ້ນມີ 5 ປະເທດສະມາຊິກ ແລະ ຄ່ອຍໆພັດທະນາເປັນອົງການຮ່ວມມືຮອບດ້ານ, ແໜ້ນແຟ້ນ ລວມມີ 10 ປະເທດສະມາຊິກໃນປັດຈຸບັນ.
ອາຊຽນແບບຢ່າງການຮ່ວມມືທີ່ປະສົບຜົນສຳເລັດໃນພາກພື້ນ. ເຄິ່ງສະຕະວັດທີ່ຜ່ານມາ, ຜົນງານການຮ່ວມມືຂອງອາຊຽນ ໄດ້ສະແດງອອກໃນຫຼາຍດ້ານ. ກ່ຽວກັບດ້ານລະບອບລະບຽບການ, ອາຊຽນ ແມ່ນອົງການຮ່ວມມືໃນພາກພື້ນລວມມີ 10 ປະເທດອາຊີຕາເວັນອອກສ່ຽງໃຕ້, ດຳເນີນການເຄື່ອນໄຫວບົນພື້ນຖານກົດໝາຍ ແລະ ບັນດາຫຼັກການ ພື້ນຖານທີ່ໄດ້ລະບຸໄວ້ໃນກົດບັດອາຊຽນ, ມີກົງຈັກການຈັດຕັ້ງສົມບູນແບບ, ໃນນັ້ນ ມີຄະ ນະກຳມະການ ບັນດາຜູ້ຕາງໜ້າປະຈຳອາຊຽນຢູ່ນະຄອນຫຼວງຈາກາຕາ ປະ ເທດອິນໂດເນເຊຍ.
ອາຊຽນ ໄດ້ຊຸກຍູ້ລັດທິຫຼາຍຝ່າຍ, ຫັນການຄ້າເປັນເສລີ, ສ້າງບັນດາກົນໄກເປັນຫຼັກແຫຼ່ງໃຫ້ແກ່ ໂຄງປະກອບເສດຖະກິດ, ຄວາມໝັ້ນຄົງຢູ່ພາກພື້ນອາຊີ-ປາຊີຟິກ. ຍ້ອນເຫດນັ້ນ, ໄດ້ດຶງດູດການເຂົ້າ ຮ່ວມ, ເປີດກວ້າງການພົວພັນຄູ່ຮ່ວມມື ແລະ ການຮ່ວມມືຂອງບັນດາປະເທດ, ອົງການຈັດຕັ້ງໃນໂລກນັບມື້ນັບຫຼາຍຂຶ້ນ.
ປີ 2020, ໂຣກລະບາດໂຄວິດ - 19 ແລະ ບັນດາການຫັນປ່ຽນໃໝ່ຂອງສະພາບແວດ ລ້ອມ ພູມສາດ- ຍຸດທະສາດພາກພື້ນ ແລະ ທົ່ວໂລກ ກໍຄືບັນດາບັນຫາຄວາມໝັ້ນຄົງແບບໃໝ່ ທີ່ພວມພົ້ນເດັ່ນຂຶ້ນ, ໄດ້ສ້າງໃຫ້ມີບັນດາສິ່ງທ້າທາຍທີ່ບໍ່ເຄີຍມີມາກ່ອນໃຫ້ແກ່ອາຊຽນ. ກ່າວຄຳເຫັນທີ່ພິທີເອົາທຸງຊາດ ແລະ ທຸງອາຊຽນຂຶ້ນສູ່ຍອດເສົາ ເມື່ອວັນທີ 4 ສິງຫາ ຢູ່ນະຄອນຫຼວງວຽງຈັນ, ເນື່ອງໃນໂອກາດ ສະເຫຼີມສະຫຼອງວັນສ້າງຕັ້ງອາຊຽນຄົບຮອບ 53 ປີ (8 ສິງຫາ 1979-8 ສິງຫາ 2020) ແລະ ຄົບຮອບ 23 ປີ ສປປ ລາວເຂົ້າອາຊຽນ (23 ກໍລະກົດ 1997- 23 ກໍລະກົດ 2020), ທ່ານ ສະເຫຼີມໄຊ ກົມມະສິດ ລັດຖະມົນຕີການຕ່າງປະເທດ ໄດ້ຢໍ້າເຖິງຜົນສໍາເລັດຂອງອາຊຽນ ໃນ 53 ປີຜ່ານມາ, ອັນໄດ້ປະກອບສ່ວນສໍາຄັນ ເຂົ້າໃນການສ້າງ ສັນຕິພາບ, ສະຖຽນລະພາບ ແລະ ວັດທະນາຖາວອນໃນ ພາກພື້ນ ແລະ ໃນໂລກ.
ບັນດາສິ່ງທ້າທາຍນີ້ ບໍ່ແມ່ນສາເຫດທີ່ເຮັດໃຫ້ພວກເຮົາທໍ້ຖອຍ. ກົງກັນຂ້າມ, ມັນຮຽກຮ້ອງໃຫ້ອາຊຽນຕ້ອງສະ ໜິດຕິດພັນ, ເປັນເຈົ້າການຮັບມື ແລະ ຮັກສາບົດບາດໃຈກາງໃນພາກພື້ນ. ບັນດາໝາກຜົນ ທີ່ໜ້າຊົມເຊີຍ ທີ່ອາຊຽນ ບັນລຸໄດ້ໃນ 6 ເດືອນຕົ້ນປີ 2020 ແມ່ນການພິສູດໃຫ້ເຫັນຢ່າງຈະແຈ້ງ ກ່ຽວກັບອາຊຽນ ທີ່ບໍ່ຍອມຈຳ ນົນຕໍ່ສະພາບຫຍຸ້ງຍາກສັບສົນ.
ນັບແຕ່ໄດ້ເຂົ້າເປັນສະມາ ຊິກອາຊຽນ ຢ່າງເປັນທາງການ ປີ 1997 ສປປ ລາວ ໄດ້ເປັນເຈົ້າການປະກອບສ່ວນຢ່າງຕັ້ງ ໜ້າເຂົ້າໃນການພັດທະນາ ແລະ ຜົນສຳເລັດຂອງອາຊຽນ ໃນປັດຈຸບັນ.
ລາວ ມີການປະກອບສ່ວນສຳຄັນຫຼາຍຢ່າງ ເຂົ້າໃນການກຳນົດເປົ້າໝາຍ, ທິດທາງການພັດທະນາ ແລະ ສ້າງບັນດານະໂຍບາຍ ອາຊຽນເຊັ່ນ: ວິໄສທັດອາຊຽນ 2020 ແລະ ບັນດາແຜນການຜັນຂະຫຍາຍວິໄສທັດ, ກົດບັດອາຊຽນ, ແຜນການສັງລວມກ່ຽວກັບການເຊື່ອມຕໍ່ອາຊຽນ 2025.
ໃນຖານະເປັນປະທານອາຊຽນ 2020, ຫວຽດນາມ ໄດ້ນຳພາອາຊຽນ ຜັນຂະຫຍາຍຫຼາຍມາດຕະການຮັບມືກັບ ໂຣກລະບາດໂຄວິດ-19 ເພື່ອ ຮັກສາສຸຂະພາບຂອງປະຊາ ຊົນ, ຫຼຸດຜ່ອນບັນດາຜົນກະ ທົບທີ່ຫຍໍ້ທໍ້ຕໍ່ເສດຖະກິດ,ຜັນ ຂະຫຍາຍແຜນການຟື້ນຟູຮອບດ້ານເພື່ອບືນຕົວຂຶ້ນ. ຕາມທິດນຳທີ່ວ່າ; “ຈິນຕະນາການປະຊາຄົມ, ການກະທຳຂອງປະຊາຄົມ”, ຫວຽດນາມ ໃຫ້ຄຳໝັ້ນສັນຍາ ຈະສືບຕໍ່ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກອາຊຽນ ພ້ອມກັນສ້າງປະຊາຄົມອາຊຽນ ແຫ່ງຄວາມສາມັກຄີ ແລະ ສ້າງຄວາມເຂັ້ມແຂງດ້ວຍຕົນເອງ.
ທ່ານ ຟ້າມບິ່ງມິງ ລັດຖະ ມົນຕີການຕ່າງປະເທດຫວຽດ ນາມ ຢືນຢັນວ່າ: ສືບຕໍ່ຄຽງບ່າຄຽງໄຫຼ່ນຳກັນ, ພວກເຮົາຈະສາມາດຜ່ານຜ່າສິ່ງທ້າທາຍຕ່າງໆ ເພື່ອນຳອາຊຽນ ກ້າວຂຶ້ນ. ວັນທີ 8 ສິງຫາ, ບັນ ດາທ່ານລັດຖະມົນຕີການຕ່າງປະເທດອາຊຽນ ອອກຖະແຫຼງການຮ່ວມກ່ຽວກັບຄວາມສຳຄັນ ຂອງການຮັກສາສັນຕິພາບ ແລະ ສະຖຽນລະພາບ ຢູ່ພາກພື້ນອາຊີຕາເວັນອອກສ່ຽງໃຕ້ ເນື່ອງໃນໂອກາດວັນອາຊຽນ, ຢືນຢັນຄືນໃໝ່ບັນດາວິໄສທັດ, ຄຳໝັ້ນສັນຍາ ແລະ ຫຼັກການພື້ນຖານຂອງອາຊຽນ, ສ້າງອາຊຽນ ໃຫ້ກາຍເປັນພາກພື້ນແຫ່ງຄວາມສາມັກຄີ, ກ້າວໜ້າ ແລະ ວັດທະນາຖາວອນ.
ປະຫວັດສາດ 53 ປີແຫ່ງການຄົງຕົວ, ຂະຫຍາຍຕົວຂອງອາຊຽນ ໄດ້ພິສູດໃຫ້ເຫັນ ກ່ຽວກັບ ອາຊຽນ ທີ່ມີຄວາມສາມັກຄີ, ເອກະພາບ, ຮ່ວມສຳພັນຢ່າງແໜ້ນແຟ້ນ, ຮູ້ຕິດພັນກັບຜົນປະໂຫຍດຂອງຊາດ, ຂອງ ພາກພື້ນ ຈະຮັກສາບົດບາດເປັນໃຈກາງໄດ້. ຂະບວນວິວັດດັ່ງກ່າວ, ມີບັນດາການປະກອບສ່ວນທີ່ມີປະສິດທິຜົນຂອງລາວ - ປະເທດສະມາຊິກທີ່ມີຄວາມຮັບຜິດຊອບຕໍ່ພາກພື້ນ ແລະ ສາກົນ.
ອາຊຽນອອກຖະແຫຼງ ການຮ່ວມກ່ຽວກັບຄວາມສຳ ຄັນຂອງການຮັກສາສັນຕິ ພາບ ແລະ ສະຖຽນລະພາບ ຢູ່ອາຊີຕາເວັນອອກສ່ຽງໃຕ້. ໃນການພົວພັນທາງການທູດ, ອາຊຽນ ສົ່ງເສີມບັນດາຄູ່ຮ່ວມມືສືບຕໍ່ຕັ້ງໜ້າເຂົ້າຮ່ວມ, ປະກອບສ່ວນເຂົ້າບັນດາຂອບເຂດ, ກົນໄກຮ່ວມມືໂດຍອາຊຽນນຳພາ. ຢູ່ລະດັບທົ່ວໂລກ, ອາຊຽນ ຢັ້ງຢືນ ຄືນຄຳໝັ້ນສັນຍາສະໜັບສະ ໜູນລັດທິຫຼາຍຝ່າຍ ໂດຍອີງໃສ່ບັນດາຫຼັກການຂອງກົດບັດ ສປຊ ແລະ ກົດໝາຍສາກົນ.
ບັນດາລັດຖະມົນຕີກະ ຊວງ ການຕ່າງປະເທດ ໄດ້ຢັ້ງ ຢືນຄືນໃໝ່ຢ່າງແຮງຄຳໝັ້ນສັນຍາໃນການຮັກສາພາກພື້ນອາຊີຕາເວັນອອກສ່ຽງໃຕ້ ທີ່ມີສັນຕິພາບ, ຄວາມໝັ້ນ ຄົງ, ເປັນກາງ ແລະ ມີສະຖຽນ ລະພາບ, ພ້ອມທັງປັບປຸງບັນ ດາຄຸນຄ່າສັນຕິພາບບົນພື້ນ ຖານກົດໝາຍສາກົນບັນດາລັດຖະມົນຕີ ກະຊວງການຕ່າງ ປະເທດອາຊຽນ ໄດ້ຮຽກຮ້ອງໃຫ້ທຸກໆປະເທດມີຄວາມລະ ງັບໃຈ, ບໍ່ມີບັນດາການກະທຳ ທີ່ເຮັດໃຫ້ສະພາບການສັບສົນຂຶ້ນຕື່ມ, ສ້າງຜົນກະທົບຕໍ່ສັນ ຕິພາບ ແລະ ຄວາມໝັ້ນຄົງ, ບໍ່ນຳໃຊ້ ຫຼື ນາບຂູ່ນຳໃຊ້ກຳລັງ ແຮງ, ແກ້ໄຂຄວາມຂັດແຍ້ງ ກັນໂດຍສັນຕິວິທີບົນພື້ນຖານ ກົດໝາຍສາກົນ. ບັນດາລັດ ຖະມົນຕີກະຊວງການຕ່າງ ປະເທດ ກໍຮຽກຮ້ອງໃຫ້ບັນດາປະເທດສືບຕໍ່ເພີ່ມທະວີຄວາມໄວ້ເນື້ອເຊື່ອໃຈຍຸດທະສາດ ແລະ ຄວາມໄວ້ເນື້ອເຊື່ອໃຈ ຊຶ່ງກັນ ແລະ ກັນ ໂດຍຜ່ານ ການເຈລະຈາ, ການຮ່ວມມື ທີ່ ຕ່າງຝ່າຍຕ່າງມີຜົນປະໂຫຍດ. ນີ້ເປັນຄັ້ງທຳອິດ, ບັນດາລັດ ຖະມົນຕີກະຊວງການຕ່າງປະ ເທດ ອາຊຽນອອກຖະແຫຼງ ການຮ່ວມກ່ຽວກັບ ຫົວຂໍ້; ສັນຕິພາບ ແລະ ຄວາມໝັ້ນຄົງພາກພື້ນ ໃນວັນສະເຫຼີມສະຫຼອງວັນສ້າງ ຕັ້ງອາຊຽນ.