ໜັງສືພິມ ປະຊາຊົນ

ອັງກິດ ເຊື່ອວ່າຈະບັນລຸຂໍ້ຕົກລົງການຄ້າເສລີກັບເອີຣົບ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 11/08/2020 09:03:12 ຈຳນວນຢ້ຽມຊົມ 265 ຄັ້ງ

ວິທະຍຸກະຈາຍສຽງ ຫວຽດ ນາມລາຍງານວ່າ: ອັງກິດ ມີຄວາມເຊື່ອໝັ້ນຈະບັນລຸໄດ້ຂໍ້ຕົກລົງດ້ານການຄ້າເສລີສະ ບັບໜຶ່ງ ລະຫວ່າງ ອັງກິດ ແລະ ສະຫະພາບເອີຣົບ ພາຍຫຼັງຖອນອອກຈາກສະຫະພາບ ເອີຣົບ (Brexit).
ຂ່າວລາຍງານວ່າ: ວັນທີ 7 ສິງຫາຜ່ານມາ, ກ່າວຄຳເຫັນຕໍ່ວົງການນັກຂ່າວຢູ່ ອຽກລັງເໜືອ, ທ່ານ ໄມເຄິນ ໂກ ຫົວໜ້າຫ້ອງການຄະນະລັດຖະບານອັງກິດ, ເຈົ້າໜ້າທີ່ແຖວໜ້າຂອງລັດຖະບານ ອັງກິດ ທີ່ຕິດ ຕາມກວດກາບັນດາການເຈລະ ຈາກ່ຽວກັບເລື່ອງອັງກິດຖອນ ອອກຈາກ (Brexit) ເນັ້ນໜັກວ່າ: ຕົວຈິງໄດ້ສະແດງໃຫ້ ເຫັນ, ສອງຝ່າຍພວມບັນລຸໄດ້ຄວາມຄືບໜ້າທີ່ດີໃນການເຈລະຈາ. ສະນັ້ນ, ທ່ານ ເຊື່ອໝັ້ນວ່າ ການເຈລະຈາຈະປະສົບຜົນສຳເລັດ.
ເຈົ້າໜ້າທີ່ອັງກິດຢັ້ງຢືນວ່າ: ການສ້າງການພົວພັນລະຫວ່າງ ສອງຝ່າຍຂຶ້ນບົນພື້ນ ຖານເຈດຕະນາດີ ແທດຕົວຈິງ ແລະ ເລິກເຊິ່ງ ຈະບັນລຸໄດ້ຂໍ້ ຕົກລົງ ເອີຣົບ ເຖິງວ່າຍັງມີຫຼາຍ ວຽກງານຕ້ອງປະຕິບັດໃນຕໍ່ໜ້າ.
ຕາມແຜນການ, ບັນດາເຈົ້າໜ້າທີ່ອັງກິດ ແລະ ເອີຣົບ ຈະແກ່ຍາວບັນດາການເຈລະ ຈາດ້ານການຄ້າໄປຈົນຮອດວັນທີ 2 ຕຸລາ, ກ່ອນທີ່ຈະດຳ ເນີນກອງປະຊຸມສຸດຍອດເອີຣົບ ຊຶ່ງອາດຈະໃຫ້ສັດຕະຍາບັນຂໍ້ຕົກລົງກັບອັງກິດ.