ມາດຕະການຄວບຄຸມພະຍາດມີຄວາມສຳຄັນ

   ຂ່າວ​ຕ່າງປະເທດ​ລາຍ​ງານ ວັນ​ທີ 9 ສິງຫາ​ຜ່ານ​ມາ, ທ່ານ ແອນ​ໂທ​ນີ ເຟົາ​ຊີ ຜູ້ອຳນວຍການ ສະ​ຖາ​ບັນ​ໂຣກ​ພູມ​ແພ້ ແລະ ພະຍາດ​ຕິດຕໍ່​ແຫ່ງ​ຊາດ ອາ​ເມ​ຣິ​ກາ ຫົວໜ້າ​ຄະນະ​ສະເພາະ ກິດ​ດ້ານ ການ​ຄວບ​ຄຸມ COVID-19 ຂອງທຳ​ນຽບ​ຂາວ ເປີດເຜີຍ​ວ່າ: ຄວາມ​ຄືບ​ໜ້າ​ຂອງ​ການ​ພັດທະນາ ວັກ ຊິນ ປ້ອງ​ກັນ COVID-19 ໃນ​ປັດ​ຈຸ​ບັນ​ສໍາ​ເລັດ​ແລ້ວ​ປະມານ  50 - 60% ຊຶ່ງ​ຄາດ​ວ່າ: ວັກ ຊິນ ​ດັ່ງກ່າວ ຈະ​ສຳເລັດໃນ​ເດືອນ ພະຈິກ ຫຼື ເດືອນ​ທັນວາ 2020 ແລະ ຈະ​ສາມາດ​ເລີ່ມ​ຜະລິດວັກ​ຊິນປ້ອງ​ກັນໂຣກ COVID-19 ຫຼາຍ​ລ້ານ​ໂດສ ໃນ​ຕົ້ນ​ປີ​ໜ້າ. 
   ທ່ານ ເຟົາ​ຊີ ກ່າວ​ເນັ້ນ​ວ່າ: ມາດ​ຕະການ​ຮັກສາ​ໄລຍະ​ຫ່າງ​ທາງ​ສັງຄົມ, ການ​ໃສ່​ໜ້າ​ກາກ​ອະນາ​ໄມ ແລະ ການ​ລ້າງ​ມືເປັນ​ ປະ​ຈໍາ  ແມ່ນ​ມີ​ຄວາມຈຳເປັນທີ່​ ສຸດ​ໃນ​ການປ້ອງ​ກັນການລະ ບາດຂອງ​ພະຍາດ COVID-19.
   ຂ່າວ​ລະບຸ​ວ່າ: ອາ​ເມ​ຣິ​ກາ ພົບ​ຜູ້​ຕິດເຊື້ອ​ລາຍ​ໃໝ່​ຫຼາຍ​ກວ່າ 56.000 ຄົນ ແລະ ມີ​ຜູ້​ເສຍ​ຊີວິດ ເພີ່ມ​ອີກ 1.076 ໃນ​ຮອບ 24 ຊົ່ວໂມງ​ທີ່​ຜ່ານ​ມາ, ສົ່ງ​ຜົນ​ໃຫ້​ມີ​ຜູ້​ຕິດເຊື້ອ​ສະ​ສົມ 5 ລ້ານ​ກວ່າ​ຄົນ ແລະ ມີ​ຜູ້​ເສຍ​ຊີວິດ 162.000 ຄົນ.