ໜັງສືພິມ ປະຊາຊົນ

ການຄ້າຂາເຂົ້າ-ຂາອອກ ຂອງຈີນ ພັດທະນາເປັນຢ່າງດີ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 12/08/2020 09:05:25 ຈຳນວນຢ້ຽມຊົມ 623 ຄັ້ງ

ຂ່າວສານຊີອາໄອລາຍງານວ່າ: ຂໍ້ມູນຫຼ້າສຸດທີ່ກົມໃຫຍ່ດ່ານພາສີຈີນ ໄດ້ເປີດເຜີຍ, ໃນເດືອນກໍລະກົດຜ່ານມາ, ການຄ້າຂາເຂົ້າ ແລະ ຂາອອກຂອງຈີນ ສືບຕໍ່ມີການເພີ່ມຂຶ້ນ ຫຼັງຈາກເດືອນມິຖຸນາປີນີ້, ມູນຄ່າການຄ້າຂາເຂົ້າ-ຂາອອກ ແລະ ການຄ້າທີ່ສຳຄັນອື່ນໆ ລ້ວນແຕ່ມີການເພີ່ມຂຶ້ນ.
ຂ່າວລະບຸວ່າ: ກົມໃຫຍ່ດ່ານພາສີຈີນ ໄດ້ເປີດເຜີຍຂໍ້ມູນສະແດງໃຫ້ເຫັນ ໃນວັນທີ 7 ສິງຫາຜ່ານມາວ່າ: ແຕ່ເດືອນມັງກອນຫາເດືອນກໍລະກົດ 2020, ຍອດມູນຄ່າການຄ້າຂາເຂົ້າ-ຂາອອກ ບັນລຸ 17.160 ຕື້ຢວນ. ໃນເດືອນກໍລະກົດ, ມູນຄ່າການຄ້າຂາເຂົ້າ-ຂາອອກ ມີເຖິງ 2.930 ຕື້ຢວນ, ເພີ່ມຂຶ້ນ 6,5% ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນນັ້ນ, ການສົ່ງອອກບັນລຸ 1.690 ຕື້ຢວນ, ເພີ່ມຂຶ້ນ 10,4%; ການນຳເຂົ້າບັນລຸ 1.240 ຕື້ຢວນ, ເພີ່ມຂຶ້ນ 1,6%.