ໜັງສືພິມ ປະຊາຊົນ

ຫວຽດນາມ ເພີ່ມຄວາມໄວການຫັນເປັນດີຈີຕອນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 12/08/2020 09:06:38 ຈຳນວນຢ້ຽມຊົມ 650 ຄັ້ງ

ຮຽບຮຽງໂດຍ: ສີວັນ
ໂຣກລະບາດໂຄວິດ-19 ແມ່ນໜຶ່ງໃນບັນດາປັດໄຈຍູ້ຂະບວນວິວັດການຫັນໄປສູ່ດີຈີຕອນ ຢູ່ ຫວຽດນາມ. ລັດ ຖະບານ ຫວຽດນາມ ແລະ ບັນ ດາກະຊວງ, ຂະແໜງການ, ວິສາຫະກິດ ໄດ້ໝູນໃຊ້ເຕັກໂນ ໂລຊີຂໍ້ມູນຂ່າວສານເຂົ້າໃນການປ້ອງກັນ, ສະກັດກັ້ນໂຣກລະບາດ ແລະ ການເຄື່ອນໄຫວ ຜະລິດ, ດຳເນີນທຸລະກິດຢ່າງມີປະສິດທິຜົນ. ເພີ່ມຄວາມໄວໃນການຫັນໄປສູ່ດີຈີຕອນ ແມ່ນຈຸດພົ້ນເດັ່ນຂອງຫວຽດນາມ ໃນ 6 ເດືອນຕົ້ນປີ 2020.
ເຕັກໂນໂລຊີ ດີຈີຕອນ ໄດ້ໜູນຊ່ວຍ, ຊຸກຍູ້ລັດຖະບານ ແລະ ປະຊາຊົນ ຫວຽດນາມ ໃນການຍູ້ຖອຍໂຣກລະບາດ ໂຄວິດ-19 ຢ່າງມີປະສິດທິ ຜົນ ທີ່ສຸດ. ໃນໄລຍະເກີດໂຣກໂຄ ວິດ-19 ແຜ່ລະບາດ, ມີຫຼາຍຂະ ແໜງການ, ຫຼາຍວິສາຫະກິດຂອງຫວຽດນາມ ໄດ້ປ່ຽນແປງຮູບການເຄື່ອນໄຫວດ້ວຍວິທີ ການໝູນໃຊ້ເຕັກໂນໂລຊີດີ ຈີຕອນ ເພື່ອຮັບປະກັນການ ເຄື່ອນໄຫວຜະລິດ, ດຳເນີນທຸລະກິດ. ໃນຂະບວນວິວັດການຫັນໄປສູ່ດີຈີຕອນ, ມີຫຼາຍຮູບການເສດຖະກິດໄດ້ຮັບການ ແລກປ່ຽນບົດຮຽນ ແລະ ຂະ ຫຍາຍຕົວຢ່າງວ່ອງໄວ, ສ້າງບາດກ້າວບຸກທະລຸກ່ຽວກັບສະ ມັດຖະພາບແຮງງານ, ປັບປຸງກຳລັງຄວາມສາມາດໃນການ ຄຸ້ມຄອງ, ຫັນຮູບແບບດຳເນີນທຸລະກິດໃຫ້ດີທີ່ສຸດ. ເພາະ ສະນັ້ນ, ບັນດາຮູບແບບເສດ ຖະກິດໃນພື້ນຖານດີຈີຕອນ ຈຶ່ງມີຄວາມໝັ້ນຄົງ ໂດຍສະເພາະ ໃນໄລຍະເກີດໂຣກ ລະ ບາດໂຄວິດ-19 ໄດ້ມີການພັດທະນາຢ່າງບໍ່ຢຸດຢັ້ງ, ທ່ານ ຫງວຽນຊວັນເຈື່ອງ ອະດີດຫົວໜ້າສູນ ບໍລິການໂອນເງິນ Momo ກ່າວ ວ່າ: ໃນໄລຍະເກີດໂຣກລະ ບາດໂຄວິດ-19, ຜູູ້ຄົນທັງ ຫຼາຍ ຈະເຮັດວຽກຢູ່ເຮືອນ. ພື້ນຖານດີຈີຕອນມີຄວາມແຕກຕ່າງໂດຍພື້ນຖານ ເມື່ອທຽບໃສ່ອັນທີ່ເປັນປະເພນີ ນັ້ນແມ່ນໄດ້ໝູນໃຊ້ກຳລັງແຮງຈາກເຕັກໂນໂລຊີ. ເຕັກໂນໂລຊີ ຊ່ວຍໃຫ້ບໍລິສັດພັດທະນາໃນໄລຍະສັ້ນໄວທີ່ສຸດ. ນີ້ແມ່ນຮູບແບບຂອງພື້ນ ຖານເຕັກໂນໂລຊີ ໄດ້ສະທ້ອນຕໍ່ພື້ນຖານເສດຖະກິດຫຼາຍທີ່ສຸດ ແລະ ສ້າງບັນດາແຮງງານໃໝ່.
ເຕັກໂນໂລຊີດີຈີຕອນ ໄດ້ໜູນຊ່ວຍ, ຊຸກຍູ້ລັດຖະບານ ແລະ ປະຊາຊົນຫວຽດນາມ ໃນການຍູ້ຖອຍໂຣກລະບາດໂຄວິດ-19 ຢ່າງມີປະສິດທິຜົນ ທີ່ສຸດ. ໃນໄລຍະເວລານີ້, ຂະ ແໜງເຕັກໂນໂລຊີຂໍ້ມູນຂ່າວ ສານ ໄດ້ປະຕິບັດການຝຶກຊ້ອມຕົວຈິງຄັ້ງໃຫຍ່ ດ້ວຍການເຂົ້າຮ່ວມຂອງວິສະວະກອນ 1.000 ຄົນທີ່ມາຈາກບັນດາວິສາຫະກິດພັດທະນາໂປຣແກຣມຮັບໃຊ້ໃຫ້ແກ່ການປ້ອງກັນ, ຕ້ານໂຣກລະບາດໂຄວິດ-19 ໄດ້ຫຼາຍກ່ວາ 20 ໂປຣແກຣມ.
ຕາມຂ່າວສານຫວຽດ ນາມ, ອັດຕາການບໍລິການສາທາລະນະແບບອອນລາຍໃນທຸກຂົງເຂດເສດຖະກິດ-ສັງຄົມຢູ່ລະດັບ 3 ແລະ 4 ກໍເພີ່ມຂຶ້ນສູງໃນໄລຍະເກີດໂຣກລະບາດໂຄວິດ-19. ພິເສດແມ່ນກະຊວງຖະແຫຼງຂ່າວ ແລະ ສື່ສານ, ກະຊວງສາທາ ລະນະສຸກ ໄດ້ສ້າງການບໍລິການສາທາລະນະທາງອອນລາຍລະດັບ 4 ໃນການເຄື່ອນໄຫວປ້ອງກັນ, ສະກັດກັ້ນໂຣກລະ ບາດໄດ້ສຳເລັດ 100%. ກ່ຽວກັບດ້ານເຕັກໂນໂລຊີ, ບັນດາວິສະວະກອນຫວຽດນາມ ໄດ້ເປັນເຈົ້າການໃນການລົງທຶນ, ຄົ້ນຄວ້າຜະລິດຕະພັນ, ບັນດາເຄື່ອງອຸປະກອນເຄືອຂ່າຍໂທ ລະຄົມມະນາຄົມລະບົບ 5 ຈີ, ຄາດຄະເນວ່າ: ບາງເຄື່ອງອຸ ປະກອນລະບົບ 5 ຈີ ທີ່ມີເຄື່ອງ ໝາຍການຄ້າຫວຽດນາມ ຈະຖືກນຳມາຂາຍໃນຕະຫຼາດໃນທ້າຍປີນີ້.
ປັດຈຸບັນ, ຫວຽດນາມ ພວມສຸມໃສ່ຜັນຂະຫຍາຍ ມະຕິ ເລກທີ 749 ຂອງນາຍົກ ລັດຖະມົນຕີ ກ່ຽວກັບ “ໂຄງ ການຫັນໄປສູ່ດີຈີຕອນແຫ່ງ ຊາດຮອດປີ 2025, ກຳນົດທິດຮອດປີ 2030”. ນີ້ແມ່ນໜ້າທີ່ຈຸດສຸມໃນການໃຫ້ບຸລິມະສິດຜັນຂະຫຍາຍໃນທົ່ວຂະແໜງຖະແຫຼງຂ່າວ ແລະ ສື່ສານ ເພື່ອ ແນໃສ່ນຳການຫັນປ່ຽນສູ່ດີຈີຕອນແຫ່ງຊາດໃຫ້ທຸກຄົນ, ທຸກແຫ່ງຫົນຂອງຊີວິດສັງຄົມ. ທ່ານ ຟານເຕິມ ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫວຽດນາມ ໃຫ້ຮູ້ວ່າ: ກະຊວງໄດ້ກຳນົດພື້ນຖານໂຄງ ລ່າງໂທລະຄົມມະນາຄົມລຸ້ນໃໝ່ ຊຶ່ງແມ່ນພື້ນຖານໂຄງລ່າງທີ່ມີຄວາມສຳຄັນທີ່ສຸດ ນັບແຕ່ນີ້ຈົນໄປຮອດທ້າຍປີ 2020. ກະຊວງຈະໜູນຊ່ວຍ, ແນະນຳເພື່ອໃຫ້ບັນດາທ້ອງຖິ່ນພັດທະນາພື້ນຖານໂຄງລ່າງໂທລະຄົມມະນາຄົມລຸ້ນໃໝ່ 100%. ໃນນັ້ນ ຍົກອັດຕາການນຳໃຊ້ພື້ນຖານໂຄງລ່າງລວມ ປະມານ 20% ໃນປີນີ້. ກະຊວງ ໄດ້ອະນຸຍາດໃຫ້ບັນດາວິສາຫະກິດໂທລະຄົມມະນາຄົມ ຜັນຂະຫຍາຍການສະໜອງການບໍລິການລະບົບ 5 ຈີ.
ໂຄງການຫັນປ່ຽນສູ່ດີຈີຕອນແຫ່ງຊາດ, ຮອດປີ 2025, ເປົ້າໝາຍຂອງຫວຽດນາມ ແມ່ນຕ້ອງ ບັນລຸໄດ້ 80% ການບໍລິການສາທາລະນະອອນລາຍ ລະດັບ 4, ຕົ້ນຕໍແມ່ນນຳໃຊ້ຜ່ານໂທລະສັບມືຖື. ພິເສດ 50% ການເຄື່ອນໄຫວກວດກາ, ຄຸ້ມຄອງລັດ ໄດ້ປະຕິບັດດ້ວຍຮູບການທາງອອນລາຍ. ນີ້ແມ່ນໜຶ່ງໃນບັນດາເປົ້າໝາຍ ແນໃສ່ຍົກສູງລັກສະນະໂປ່ງ ໃສ, ຫຼຸດຜ່ອນການສໍ້ລາດບັງ ຫຼວງ, ຍົກສູງປະສິດທິຜົນໃນການກວດກາຂອງການຄຸ້ມ ຄອງລັດ. ທ່ານ ຫງວຽນຮຸຍຢຸງ ຫົວໜ້າກົມຄອມພິວເຕີ, ກະ ຊວງຖະແຫຼງຂ່າວ ແລະ ສື່ ສານ ຫວຽດນາມ ໃຫ້ຮູ້ວ່າ:ການ ພັດທະນາເສດຖະກິດດີຈີຕອນ ພວກເຮົາໄດ້ວາງເປົ້າໝາຍເສດຖະກິດດີຈີຕອນໃຫ້ກວມເອົາອັດຕາປະມານ 20% GDP, ປັດຈຸບັນປະຕິບັດໄດ້ 8%. ພວກເຮົາສູ້ຊົນປະຕິບັດອັດຕາສ່ວນເສດຖະກິດດີຈີຕອນ ໃນແຕ່ລະຂະແໜງການ, ຂົງເຂດຂຶ້ນໃຫ້ໄດ້ຢ່າງໜ້ອຍ 10%, ສະມັດຖະພາບແຮງງານ ນັບແຕ່ປີ 2023 ເປັນຕົ້ນໄປ ຈະໃຫ້ເພີ່ມຂຶ້ນຢ່າງໜ້ອຍ 7% ໃນແຕ່ລະປີ. ສຸດທ້າຍຫັນເປົ້າໝາຍສັງຄົມດີຈີຕອນເປັນລະ ອຽດ ໃຫ້ແຕ່ລະຄອບຄົວມີສາຍໄຍແກ້ວ, ປະຊາຊົນແຕ່ລະຄົນມີສະມາດໂຟນໃຊ້. ນີ້ແມ່ນພາຫະນະເຂົ້າໂລກດີຈີຕອນຕົ້ນຕໍຂອງແຕ່ລະຄົນ ແລະ ຊຳ ລະເອເລັກໂຕຣນິກ ໂດຍບໍ່ນຳໃຊ້ເງິນສົດ ກວມ 50% ຍອດຈຳນວນການຊຳລະເງິນ.
ການຫັນໄປສູ່ດີຈີຕອນ ເຮັດໃຫ້ປະເທດຊາດພັດທະນາຢ່າງວ່ອງໄວກວ່າ, ສັງຄົມມີສະ ຖຽນລະພາບກວ່າ, ຮັບໃຊ້ປະ ຊາຊົນເປັນຢ່າງດີ, ເສີມຂະ ຫຍາຍສິດເປັນເຈົ້າຕົນເອງ ຂອງປະຊາຊົນໄດ້ຫຼາຍກວ່າ. ພິເສດ ແມ່ນກິດຈະການຫັນປ່ຽນໄປສູ່ດີຈີຕອນຂອງຫວຽດນາມ ຍາມໃດກໍຖືປະຊາຊົນເປັນໃຈກາງ. ສະນັ້ນ, ການພັດທະນາລັດຖະບານເອເລັກໂຕຣນິກ ຫຼື ເພີ່ມທະວີການຫັນປ່ຽນໄປສູ່ດີຈີຕອນລ້ວນແຕ່ເພື່ອແນໃສ່ຈຸດປະສົງຮັບໃຊ້ປະຊາຊົນຢ່າງມີປະສິດທິຜົນທີ່ສຸດ.