ໜັງສືພິມ ປະຊາຊົນ

ຣັດເຊຍ ເປັນປະເທດທຳອິດຈົດທະບຽນວັກຊິນກັນໂຄວິດ-19

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 13/08/2020 09:19:11 ຈຳນວນຢ້ຽມຊົມ 569 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ການຜະລິດວັກຊິນປ້ອງກັນເຊື້ອພະຍາດໂຄວິດ- 19 ເປັນຈຳນວນຫຼວງຫຼາຍ ທີ່ໄດ້ຈົດທະບຽນຢູ່ ຣັດເຊຍ ຈະເລີ່ມຕົ້ນໃນອະນາຄົດໃກ້ໆນີ້.
ຂ່າວລາຍງານວ່າ: ວັນທີ 11 ສິງຫາຜ່ານມາ, ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ຖະແຫຼງວ່າ: ຣັດເຊຍ ໄດ້ພັດທະນາວັກຊິນປະເພດທຳອິດ ເພື່ອປ້ອງກັນເຊື້ອພະ ຍາດໂຄວິດ - 19. ມາຮອດຈຸດ ເວລານີ້, ຣັດເຊຍ ກາຍເປັນປະ ເທດທຳອິດໃນໂລກ ໄດ້ຄົ້ນຄວ້າສຳເລັດວັກຊິນປ້ອງກັນໄວຣັດໂຄວິດ-19 ຢູ່ ຣັດເຊຍ.
ການນຳຣັດເຊຍ ໃຫ້ຮູ້ວ່າ: ວັກຊິນດັ່ງກ່າວ ໄດ້ນຳໃຊ້ຢ່າງມີ ປະສິດທິຜົນ, ສ້າງເປັນພູມຕ້ານ ທານ ແລະ ໄດ້ຜ່ານ ຜ່າທຸກການກວດກາທີ່ຈຳເປັນ. ການຜະລິດວັກຊິນ ເປັນຈຳນວນຫຼວງຫຼາຍ ທີ່ໄດ້ຈົດທະບຽນຢູ່ ຣັດເຊຍ ຈະເລີ່ມຕົ້ນໃນອະນາ ຄົດໃກ້ໆນີ້.