ໜັງສືພິມ ປະຊາຊົນ

ຫວຽດນາມ ສົ່ງເຂົ້າສານອອກບັນລຸ 1,9 ຕື້ໂດລາ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 13/08/2020 09:20:44 ຈຳນວນຢ້ຽມຊົມ 732 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ຟີລິບປິນ ຢືນຢູ່ອັນດັບທີ 1 ກ່ຽວກັບຕະ ຫຼາດສົ່ງເຂົ້າອອກຂອງຫວຽດ ນາມ ດ້ວຍອັດຕາສ່ວນການ ຕະຫຼາດກວມ 36,9%, ບັນດາ ຕະຫຼາດສົ່ງອອກທີ່ມີມູນຄ່າ ເພີ່ມຂຶ້ນຢ່າງແຮງທີ່ສຸດຄື: ເຊເນການ, ອິນໂດເນເຊຍ ແລະ ຈີນ.
ຂ່າວລະບຸວ່າ: ນັບແຕ່ຕົ້ນ ປີມາຮອດປັດຈຸບັນ, ທົ່ວປະເທດ ໄດ້ສົ່ງເຂົ້າອອກເກືອບ 3,9 ລ້ານໂຕນ, ຄິດເປັນມູນຄ່າບັນລຸ 1,9 ຕື້ໂດລາ. ເຖິງວ່າປະລິມານຫຼຸດລົງກໍຕາມ ແຕ່ຄິດໄລ່ດ້ານມູນຄ່າ ແມ່ນໄດ້ເພີ່ມຂຶ້ນເກືອບ 11% ເມື່ອທຽບໃສ່ໄລຍະດຽວກັນຂອງປີ 2019. ມູນຄ່າສົ່ງອອກພືດຜັກໃນ 7 ເດືອນຕົ້ນປີ 2020 ບັນລຸເກືອບ 2 ຕື້ໂດລາ, ຫຼຸດລົງກວ່າ 12% ເມື່ອທຽບໃສ່ໄລຍະດຽວກັນຂອງປີ 2019. ຕະຫຼາດສົ່ງອອກຕົ້ນຕໍແມ່ນ ຈີນ ແລະ ສົ່ງອອກໄປຍັງບາງຕະຫຼາດຄື: ຍີ່ປຸ່ນ, ອາເມຣິກາ, ເອີຣົບ, ສິງກະໂປ, ສ.ເກົາຫຼີ, ໄທ, ອົສຕຣາລີ, ການາດາ ແລະ ປະເທດອື່ນໆ.
ຟີລິບປິນ ກາຍເປັນອັນດັບ 1 ກ່ຽວກັບຕະຫຼາດສົ່ງເຂົ້າອອກຂອງຫວຽດນາມ ດ້ວຍອັດ ຕາສ່ວນການຕະຫຼາດກວມ 36,9%, ບັນດາຕະຫຼາດສົ່ງອອກທີ່ມີມູນຄ່າເພີ່ມຂຶ້ນຢ່າງແຮງທີ່ສຸດຄື: ເຊເນການ, ອິນໂດເນເຊຍ ແລະ ຈີນ.
ສໍາລັບພາຍໃນປະເທດ, ລາຄາເຂົ້າສານຢູ່ບັນດາແຂວງເຂດທົ່ງພຽງແມ່ນໍ້າຂອງ ທາງພາກໃຕ້ຫວຽດນາມ ໄດ້ເພີ່ມຂຶ້ນໃນກາງເດືອນກໍລະກົດຜ່ານມາ. ບັນດານັກຊ່ຽວຊານໃຫ້ຂໍ້ສັງເກດວ່າ: ການສົ່ງເຂົ້າອອກສານຂອງຫວຽດນາມ ແລະ ຕະຫຼາດເຂົ້າສານຢູ່ເຂດທົ່ງ ພຽງແມ່ນໍ້າຂອງທາງພາກໃຕ້ ຫວຽດ ນາມ ໃນ 6 ເດືອນທ້າຍປີ 2020, ຈະສືບຕໍ່ມີການຫັນປ່ຽນຢ່າງຕັ້ງໜ້າ ເພາະວ່າມີຫຼາຍປະເທດສົ່ງເຂົ້າສານອອກຖືກຫຼຸດປະລິມານລົງ.