ທ່ານ ສີຈິ້ນຜິງ ເນັ້ນການປະຢັດເປັນສິ່ງທີ່ມີກຽດ

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ທ່ານ ສີຈິ້ນຜິງ ປະທານ ປະເທດຈີນ ໄດ້ໃຫ້ທິດຊີ້ນຳທີ່ສຳຄັນກ່ຽວກັບ ການສະກັດກັ້ນການບໍລິ ໂພກທີ່ສິ້ນເປືອງ ແລະ ຟຸມເຟືອຍ. ທ່ານ ສີຈິ້ນຜິງ ຊີ້ອອກວ່າ: ປະກົດ ການສິ້ນເປຶອງ ແລະ ຟຸມເຟືອຍ ເປັນບັນຫາທີ່ໜ້າຕົກໃຈຫຼາຍ ແລະ ເປັນຕາເຈັບໃຈແທ້ໆ. ເຖິງວ່າການຜະລິດສະບຽງອາຫານຂອງຈີນ ໄດ້ຮັບ ຜົນເກັບກ່ຽວ ທີ່ອຸດົມສົມບູນ ໃນຫຼາຍປີຕິດຕໍ່ກັນ, ແຕ່ກໍຕ້ອງມີສະຕິ ລະວັງຕົວຕໍ່ບັນຫາຄວາມໝັ້ນຄົງດ້ານສະບຽງອາຫານ ໂດຍສະເພາະໃນປີ ນີ້, ການແຜ່ລະບາດຂອງພະຍາດ ໂຄ ວິດ19 ໄດ້ສ້າງຜົນກະທົບຕໍ່ທົ່ວ ໂລກ, ຍິ່ງເປັນການຕີລະຄັງເຕືອນໄພໃຫ້ແກ່ພວກເຮົາ.
ທ່ານ ສີຈິ້ນຜິງ ກ່າວເນັ້ນວ່າ: ຕ້ອງເພີ່ມທະວີການສ້າງກົດໝາຍ ແລະ ການ ຕິດຕາມ ຄຸ້ມຄອງ, ໃຊ້ມາດຕະການ ທີ່ມີປະສິດທິຜົນ, ສ້າງກົນໄກ ທີ່ມີ ຜົນ ໃນໄລຍະຍາວ, ເດັດດ່ຽວ ສະກັດກັ້ນການ ບໍລິໂພກ ອາຫານ ແບບ ສິ້ນເປຶອງ ແລະ ຟຸມເຟືອຍ. ຕ້ອງ ເພີ່ມທະວີການໂຄສະນາ ແລະ ສຶກສາອົບຮົມ ຕື່ມ ອີກ, ສ້າງ ຄວາມ ຊິນ ເຄີຍ ທີ່ ຮູ້ຈັກ ການປະຢັດ ມັດທະຍັດ, ສ້າງບັນຍາກາດ ທີ່ຖືເອົາການບໍລິໂພກ ແບບສິ້ນເປືອງ ແລະ ຟຸມເຟືອຍ ເປັນສິ່ງທີ່ໜ້າອັບອາຍ ແລະ ຖືເອົາການປະຢັດ ເປັນ ສິ່ງ ທີ່ ມີ ກຽດ ໃນ ທົ່ວ ສັງ ຄົມ.
ຂ່າວ ລະບຸ ວ່າ: ທ່ານ ສີ ຈິ້ນ ຜິງ ເວລາ ໃດ ກໍ ໃຫ້ ຄວາມ ສຳຄັນ ຢ່າງ ສູງ ຕໍ່ ຄວາມ ໝັ້ນຄົງ ດ້ານ ສະບຽງ ອາຫານ ແລະ ສົ່ງເສີມ ບັນຍາກາດ ທົ່ວ ສັງຄົມ ທີ່ "ເຊີດ ຊູ ຈິດໃຈ ປະຢັດ ຂັດຄ້ານ ການ ບໍລິໂພກ ແບບ ສິ້ນ ເປືອງ ຟຸມ ເຟືອຍ", ທ່ານ ສີ ຈິ້ນ ຜິງ ເຄີຍ ກ່າວ ເນັ້ນ ມາ ຫຼາຍ ເທື່ອ ແລ້ວ ວ່າ: ຕ້ອງ ສະກັດ ກັ້ນ ການ
ບໍລິໂພກແບບສິ້ນເປືອງ ແລະ ຟຸມເຟືອຍ, ຮຽກຮ້ອງໃຫ້ອອກລະບຽບການ ແລະ ບັງຄັບໃຊ້, ປະຕິບັດລະບຽບການຢ່າງເຂັ້ມງວດ, ຕິດຕາມກວດກາ ຢ່າງເຄັ່ງຄັດ, ຕ້ອງມີກົນໄກລົງໂທດທີ່ເຂັ້ມງວດ, ເພື່ອສະກັດກັ້ນ ການ ກະທຳຜິດກົດໝາຍກົດລະບຽບ ແລະ ວິໄນຕ່າງໆ ໃນການບໍລິໂພກດ້ວຍ ການນຳໃຊ້ງົບປະມານ ລັດ, ທັງ ແນໃສ່ການແກ້ໄຂບັນຫາການ ບໍລິໂພກ ອາຫານແບບສິ້ນເປືອງ ແລະ ຟຸມ ເຟືອຍ ໃນໂຮງຮຽນຈຳນວນໜຶ່ງ ແລະ ບັນຫາ ທີ່ ນັກຮຽນ ນັກສຶກສາ ບໍ່ມີສະຕິປະຢັດນັ້ນ, ຈະ ຕ້ອງ ເພີ່ມທະວີການຊີ້ນຳນຳພາ ແລະ ຄຸ້ມ ຄອງຢ່າງຕິດແທດຕົວຈິງ, ບຳລຸງສ້າງ ຄຸນສົມບັດທີ່ດຸໝັ່ນ ແລະ ປະຢັດມັດທະຍັດ ໃຫ້ກັບນັກຮຽນນັກ ສຶກສາ.