ໜັງສືພິມ ປະຊາຊົນ

WHO ເລີ່ມມີຄວາມຫວັງໃນການຕໍ່ສູ້ກັບ COVID-19

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 17/08/2020 09:48:34 ຈຳນວນຢ້ຽມຊົມ 498 ຄັ້ງ

ຂ່າວຕ່າງປະເທດລາຍງານວ່າ: ທ້າຍອາທິດຜ່ານມາ, ທ່ານ ເທໂດຣສ ອາດານອມ ເກເບຣເຢຊຸສ ຜູ້ອໍານວຍການໃຫຍ່ ອົງການອະນາໄມໂລກ (WHO) ກ່າວວ່່າ: WHO ເລີ່ມແນມເຫັນຄວາມຫວັງໃນການຕໍ່ສູ້ກັບໄວຣັດ COVID-19. ເຖິງແມ່ນວ່າ ຂະນະນີ້ຈຳນວນຜູ້ຕິດເຊື້ອໄວຣັດ COVID-19 ທົ່ວໂລກເກີນ20 ລ້ານກວ່າ ຄົນ ແລະ ຈໍານວນຜູ້ເສຍຊີວິດຫຼາຍຮ້ອຍຄົນ.
ທ່ານ ເທໂດຣສ ກ່າວວ່າ: ຫຼາຍຄົນກໍາລັງມີຄວາມກັງວົນ ແລະ ນີ້ກໍເປັນເວລາທີ່ຍາກລໍາບາກສຳລັບໂລກ, ແຕ່ທ່ານ ເລີ່ມແນມເຫັນຄວາມຫວັງ ແລະ ບໍ່ວ່າສະຖານະການຈະເປັນໄປແນວໃດ ໃນປະເທດໜຶ່ງ, ພາກພື້ນໜຶ່ງ ຫຼື ໃນເມືອງໜຶ່ງ, ແຕ່ກໍບໍ່ຊ້າເກີນໄປທີ່ຈະສະກັດກັ້ນການແຜ່ລະບາດຂອງ COVID-19 ທົ່ວໂລກ.
ນອກຈາກນີ້, ທ່ານ ເທ ໂດຣສ ຍັງກ່າວວ່າ: ບາງປະ ເທດໃນອາຊີຕາເວັນອອກສ່ຽງໃຕ້ລວມທັງ ນູແວນເຊລັງ, ຣາວັນດາ, ໝູ່ເກາະແຄຣິບຽນ ແລະ ປາຊີຟິກ ຕ່າງກໍສາມາດສະກັດກັ້ນການແຜ່ລະບາດຂອງໄວຣັດ COVID-19. ນອກຈາກນີ້, ຝຣັ່ງ, ເຢຍລະມັນ, ສ.ເກົາຫຼີ, ແອັສປາຍ, ອີຕາລີ ແລະ ອັງ ກິດ ຊຶ່ງເຄີຍມີການແຜ່ລະບາດ ແຕ່ພວກເຂົາກໍສາມາດສະກັດກັ້ນໄດ້ເຊັ່ນດຽວກັນ ຈາກການທີ່ຜູ້ນໍາໃນປະເທດມີການໃຊ້ມາດຕະການປ້ອງກັນການແຜ່ລະບາດຢ່າງເຂັ້ມງວດເຊັ່ນ: ມີການອອກຄຳສັ່ງໃຫ້ໃສ່ໜ້າ ກາກອະນາໄມ ແລະ ໃຫ້ປະຊາ ຊົນຢູ່ແຕ່ໃນບ້ານ.