ໜັງສືພິມ ປະຊາຊົນ

GDP ໄຕມາດທີ 2 ຍີ່ປຸ່ນ ຫຼຸດລົງ 7,8%

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 18/08/2020 09:39:18 ຈຳນວນຢ້ຽມຊົມ 406 ຄັ້ງ

ຂ່າວຕ່າງປະເທດລາຍງານ ວັນທີ 17 ສິງຫາທີ່ຜ່ານມາ, ສຳນັກງານນາຍົກລັດຖະມົນຕີຂອງ ຍີ່ປຸ່ນ ໄດ້ອອກຖະແຫຼງ ການ ຄາດຄະເນໃນເບື້ອງຕົ້ນກ່ຽວກັບສະຖານະການທາງດ້ານເສດຖະກິດ ຂອງປະເທດປະຈຳໄຕມາດທີ 2 ວ່າ: ລວມຍອດຜະລິດຕະພັນພາຍໃນປະ ເທດ (GDP) ຫຼຸດລົງ 7,8% ຈາກໄຕມາດທຳອິດຂອງປີນີ້. ຖືວ່າເປັນສະຖິຕິທີ່ຮ້າຍແຮງທີ່ສຸດນັບຕັ້ງແຕ່ລັດຖະບານຍີ່ປຸ່ນ ປ່ຽນລະບົບ ການວິເຄາະ GDP ເມື່ອປີ 1980.
ເຖິງຢ່າງໃດກໍຕາມ, ຫຼາຍຝ່າຍເຫັນວ່າ: ບັນຍາກາດທາງດ້ານເສດຖະກິດຂອງຍີ່ປຸ່ນ ໃນຄວາມ ເປັນຈິງ ຖືວ່າຊັກຊ້າຫຼາຍທີ່ສຸດ ນັບຕັ້ງແຕ່ສະໄໝສົງຄາມໂລກຄັ້ງທີ 2, ເນື່ອງຈາກຄວາມ ຕ້ອງການພາຍ ໃນປະເທດຂອງໄຕມາດທີ 2 ຫຼຸດລົງ 4,8%; ການສົ່ງອອກສິນຄ້າ ແລະ ການບໍລິການຫຼຸດລົງ 18,5%, ມູນຄ່າການນຳເຂົ້າສິນຄ້າ ແລະ ການບໍລິການໃນໄລຍະເວລາດຽວກັນຫຼຸດລົງພຽງ 0,5%.
ຂະນະດຽວກັນ, ສະຖິຕິ ດັ່ງກ່າວສະແດງໃຫ້ເຫັນວ່າ: ເປັນການຫຼຸດລົງຢ່າງຕໍ່ເນື່ອງເປັນໄຕມາດທີ 3 ຕິດຕໍ່ກັນ ແລະ ຖ້າຫາກຄິດໄລ່ແບບເປັນລາຍປີເຫັນວ່າ: GDP ຂອງຍີ່ປຸ່ນ ໄຕມາດທີ 2 ຕິດລົບເຖິງ 27,8%. ຖືວ່າມີຄວາມຮ້າຍແຮງຂອງພາວະເສດຖະກິດຖົດຖອຍທີ່ຍີ່ປຸ່ນ ກຳລັງປະເຊີນ ໂດຍເຮັດໃຫ້ທຸກຝ່າຍທັງ ພາຍໃນ ແລະ ຕ່າງປະເທດສັງ ເກດເຫັນວ່າ: ທະນາຄານກາງຍີ່ປຸ່ນ (BOJ) ຈະມີມາດຕະການກະຕຸ້ນເສດຖະກິດຂະໜາດໃຫຍ່ອັນດັບ 3 ຂອງໂລກ ແລະ ອັນດັບ 2 ຂອງອາຊີ ແນວໃດຕໍ່ໄປ.