ຫົວ​ຂໍ້ : ການ​ນຳ​ພັກ - ລັດ ຕ້ອນ­ຮັບ​ຄະ­ນະ​ຜູ້​ແທນ​ຂັ້ນ​ສູງ ສປ ຈີນ ເຂ້ົາ​ຢ້ຽມ​ຂໍ່າ​ນັບ

ເຜີຍ​ແຜ່​ໂດຍ​: admin ເວ​ລາ: 27/12/2019 14:45:12 ຈຳ​ນວນ​ຜູ້​ເຂົ້າ​ຢ້ຽມ​ຊົມ 298 ຄັ້ງ

ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ປະທານ​ປະເທດ​ ແຫ່ງ ສປປ ລາວ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂາໍ່ນັບ​ຂອງ​ສະຫາຍ ຫວາງ ຢາງ ຄະ ນະ​ປະ​ຈໍາ​ກົມ​ການເມືອງ​ສູນ​ກາງ​ພັກ​ກອມ​ມູ​ນິດ​ຈີນ ປະທານ​ສະພາ​ທີ່​ປຶກສາ​ການເມືອງ​ທົ່ວ​ປະເທດ​ຈີນ ພ້ອມ​ຄະນະ ເມື່ອ​ວັນ​ທີ 19 ພະຈິກ 2019 ນີ້ ທີ່​ ນະຄອນຫຼວງ​ວຽງ​ຈັນ ໃນ​ໂອ ກາດ​ທີ່​ສະຫາຍ ແລະ ຄະນະ​ເຄື່ອນ​ໄຫວ​ຢ້ຽມຢາມ ສປປ ລາວ ຢ່າງ​ເປັນ​ທາງ​ການ​ ແຕ່​ວັນ​ທີ 16-19 ພະຈິກ 2019.

   ໃນ​ໂອກາດ​ນີ້, ສະຫາຍ ບຸນ​ຍັງ ວໍລະ​ຈິດ ໄດ້​ສະແດງ​ຄວາມ​ຕ້ອນຮັບ​ຊົມເຊີຍ​ຕໍ່​ການ​ມາ​ຢ້ຽມຢາມ ສປປ ລາວ​ ຂອງ​ສະຫາຍ ຫວາງ ຢາງ ແລະ ຄະນະ​ໃນ​ຄັ້ງ​ນີ້ ຊຶ່ງ​ເປັນການ​ປະກອບສ່ວນ​ທີ່​ສໍາ​ຄັນ ໃນ​ການຈັດຕັ້ງ​ປະຕິບັດ​ແຜນການ​ຮ່ວມ​ມື​ລະຫວ່າງ​ສອງ​ພັກ, ສອງ​ລັດ ລາວ​-​ຈີນ ແລະ ຜັນ​ຂະຫຍາຍ​ຖະແຫຼງການ​ຮ່ວມ ຂອງ​ການ​ນໍາ​ຂັ້ນ​ສູງ​ຂອງ​ສອງ​ພັກ, ສອງ​ລັດ​ໃຫ້​ເປັນ​ຮູບ​ປະ​ທໍາ​ທັງ​ເປັນ​ການ​ປະກອບສ່ວນ​ເສີມ​ຂະຫຍາຍ​ມູນເຊື້ອແຫ່ງ​ການ​ພົວພັນ​ມິດຕະພາບ ແລະ ການ​ຮ່ວມ​ມື​ຍຸດທະສາດ​ຮອບດ້ານ ແລະ ການ​ເປັນ​ຄູ່​ຮ່ວມ​ຊາ​ຕາ​ກໍາ​ສັງຄົມ​ນິຍົມ​ລະຫວ່າງ​ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຈີນ ໄດ້​ຮັບ​ການ​ເພີ່ມ​ພູນ​ຄູນ​ສ້າງ ແລະ ແຕກ​ດອກ​ອອກ​ຜົນ​ຍິ່ງໆ​ຂຶ້ນ.

   ສະຫາຍ ຫວາງ ຢາງ ໄດ້​ ສະແດງ​ຄວາມ​ຂອບ​ອົກ​ຂອບ ໃຈ​ເປັນ​ຢ່າງ​ສູງ​ຕໍ່​ການ​ຕ້ອນຮັບ​ທີ່​ອົບ​ອຸ່ນ ແລະ ເປັນ​ກັນ​ເອງ ຂອງ​ສະຫາຍເລຂາທິການ​ໃຫຍ່ ປະທານ​ປະເທດ​ ແຫ່ງ ສປປ ລາວ​ໃນ​ຄັ້ງ​ນີ້ ພ້ອມ​ດຽວ​ກັນ​ນີ້ ສະຫາຍ ຫວາງ ຢາງ ຍັງ​ໄດ້​ລາຍ​ງານ​ຜົນ​ຂອງ​ການເຄື່ອນໄຫວ​ຢ້ຽມຢາມ ສປປ ລາວ ໃນ​ຄັ້ງ​ນີ້ ໃຫ້​ສະຫາຍ ເລຂາທິການ​ໃຫຍ່ ປະທານ​ປະເທດ​ ແຫ່ງ ສປປ ລາວ​ໄດ້​ຮັບ​ຊາບ.

   ໃນ​ວັນ​ດຽວ​ກັນ​ນີ້, ສະຫາຍ ຫວາງ ຢາງ ແລະ ຄະນະ ໄດ້​ເຂົ້າ​ຢ້ຽມ​ພົບ​ປະສະຫາຍ ທອງລຸນ ສີ​ສຸ​ລິດ ກຳມະການ​ກົມ​ການ ເມືອງ​ສູນ​ກາງ​ພັກ ນາຍົກລັດ ຖະມົນຕີ ແຫ່ງ ສປປ ລາວ ທີ່​ສຳນັກງານ​ນາຍົກລັດຖະມົນຕີ ເຊັ່ນ​ດຽວ​ກັນ.
(ຂ່າວ: ບຸນ​ທົງ, ຮູບ: ສຳ​ນານ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110