ພະແນກ ຖວທ ຫຼວງພະບາງ ມອບອຸປະກອນການແພດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 21/09/2020 15:56:40 ຈຳ​ນວນ​​ຢ້ຽມ​ຊົມ 1080 ຄັ້ງ

ພະ​ແນ​ກ​ຖະແຫຼງ​ຂ່າວ ວັດທະ ນະທຳ ແລະ ທ່ອງ​ທ່ຽວ​ແຂວງ​ຫຼວງ​ພະ​ບາງ ແລະ ຫົວໜ່ວຍ​ທຸລະ​ກິດ ໄດ້​ມອບ​ອຸປະກອນ​ການ​ແພດ ແລະ​ອຸປະກອນ​ປ້ອງ​ກັນ​ພະຍາດ​ໂຄ​ວິດ- 19 ໃຫ້​ແກ່​ໂຮງໝໍ​ແຂວງ​ຫຼວງ​ພະ​ບາງ ເມື່ອ​ບໍ່​ດົນຜ່ານ​ມາ​ນີ້ ກ່າວ​ມອບ​ໂດຍ ​ທ່ານ ນາງ ສຸດາ​ພອນ ຄົມ​ທະ​ວົງ ຫົວໜ້າ​ພະ​ແນ​ກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ແລະ ​ກ່າວ​ຮັບ​ໂດຍ​ຮອງ​ອຳນວຍ​ການ​ໂຮງໝໍ​ແຂວງ ຫຼວງ​ພະ​ບາງ ຊຶ່ງ​ມີ​ພະນັກງານ​ພາຍ​ໃນ​ຂະແໜງ​ທ່ອງ​ທ່ຽວ​ ແລະ ​ຫົວໜ່ວຍ​ທຸລະ​ກິດ​ເຂົ້າ​ຮ່ວມ.
ທ່ານ ນາງ ສຸດາ​ພອນ ຄົມ​ທະ​ວົງ ໄດ້​ມີ​ຄຳ​ເຫັນວ່າ: ພາຍຫຼັງ​ໄດ້​ມີ​ການ​ລະບາດ​ຂອງ​ພະຍາດ​ໂຄ​ວິດ -19, ພະ​ແນ​ກ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ​ແຂວງ ໄດ້ສະ​ໜັບ​ສະ​ໜູນ​ອຸ​ປະ​ກອນ​ໃຫ້​ຫົວໜ່ວຍ​ທຸ​ລະ​ກິດ​ຂະ​ໜາດ​ນ້ອຍ ແລະ ກາງ​ຢູ່​ພາຍ​ໃນ​ແຂວງ​ທັງ
​ອຳນວຍ​ຄວາມ​ສະດວກ​ໃຫ້​ແກ່ ຜູ້​ມາ​ໃຊ້​ບໍລິການ​ມີ​ຄວາມ​ປອດ​ໄພ​ຢູ່​ໂຮງໝໍ ແລະ ຫ່າງ​ໄກ​ຈາກ​ພະຍາດ​ໂຄ​ວິດ- 19. ສໍາ​ລັບ​ອຸປະກອນ​ທີ​່ມອບ​ໃນ​ຄັ້ງ​ນີ້ ປະກອບ​ມີ ຊິງ​ສັ່ງ​ນ້ຳໜັກ, ເຄື່ອງ​ວັດແທກ​ຄວາມ​ສູງ, ບາຫຼອດ, ເຄື່ອງ​ວັດແທກ​ອົກ​ຊີ, ເຄື່ອງ​ແທກ​ຕັງ​ຊົງ, ນ້ຳ​ຢາ ຫຼື ເຈ​ວ​ລ້າງ​ມື, ຜ້າ​ປິດ​ປາກ-​ ດັງ ແລະ ​ເຄື່ອງ​ວັດແທກ​ອຸນຫະພູມ ລວມ​ມູນ​ຄ່າ​ທັງ​ໝົດ 82 ລ້ານ​ກວ່າ​ກີບ ໂດຍ​ໄດ້​ຮັບ​ການ​ສະໜັບສະໜູນ​ຈາກ ໂຄງການ​ພັດທະນາ​ພື້ນຖານ​ໂຄງ​ລ່າງ ເພື່ອ​ສົ່ງເສີມ​ການທ່ອງທ່ຽວ ໃນ​ໄລຍະ​ທີ 2 ໃນ​ນັ້ນ ມອບ​ໃຫ້​ໂຮງໝໍ​ແຂວງ​ຈຳນວນ​ໜຶ່ງ ແລະ​ ແຈກ​ຢາຍ​ໃຫ້​ຫົວ​ໜ່ວຍ​ທຸລະ​ກິດ ດ້ານ​ການ​ບໍລິການ ການທ່ອງທ່ຽວ​ຢູ່​ພາຍ​ໃນ​ແຂວງ.
(ຂ່າວ: ຖວທ ແຂວງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110