ເຊັນສັນຍາສຳປະທານໂຄງການຂຸດຄົ້ນ ແລະ ປຸງແຕ່ງ ຫີນອ່ອນ ຢູ່ບ້ານແດນສະຫວ່າງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 21/09/2020 16:14:31 ຈຳ​ນວນ​​ຢ້ຽມ​ຊົມ 1235 ຄັ້ງ

ພິທີເຊັນສັນຍາສຳປະ ທານ​ໂຄງການ​ຂຸດ​ຄົ້ນ ແລະ ປຸງ​ແຕ່ງ​ຫີນ​ອ່ອນ​ມາ​ໂບ ຢູູ່​ບ້ານ​ແດນ​ສະຫວ່າງ​ ນະຄອນ-ຫຼວງ​ພະ​ບາງ ໄດ້​ຈັດ​ຂຶ້ນ​ຫ​ວ່າງບໍ່​ດົນ ຜ່ານ​ມານີ້ ທີ່​ພະ​ແນກແຜນການ ແລະ ການ​ລົງທຶນ​ແຂວງ ມີ​ທ່ານ ຄຳ​ຂັນ ຈັນທະ​ວີ​ສຸກ ເຈົ້າແຂວງ​ຫຼວງ​ພະ​ບາງ​ ພ້ອມ​ດ້ວຍ​ຄະນະ ຕະຫຼອດ​ຮອດ​ຜູ້​ສຳ​ປະທານ ແລະ​ ຄະນະ​ກຳມະການ​ຄຸ້ມ​ຄອງ​ການ​ລົງທຶນ​ຂອງ​ລັດ​ເຂົ້າ​ຮ່ວມ.
ໂຄງການ​ສຳ​ປະທານ​ຂຸດ​ຄົ້ນ ແລະ​ ປຸງ​ແຕ່ງ​ຫີນອ່ອນ ຢູູ່​ບ້ານ​ແດນ​ສະຫວ່າງນະຄອນ-ຫຼວງ​ພະ​ບາງ ໄດ້​ຮັບ​ການ​ອະ ນຸມັດ​ຈາກ​ອົງການ​ປົກຄອງ​ແຂວງ ຕາມ​ລະບຽບ ແລະ​ກົດໝາຍ​ການ​ລົງທຶນ​ຂອງ​ລັດ ມີ​ອາຍຸ​ສັນຍາ 5 ປີ ນັບ​ແຕ່​ວັນ​ທີ 11 ກັນຍາ ຜ່ານ​ມາ ເປັນ​ການ​ລົງທຶນ​ຂອງ​ບໍລິສັດ​ເອກະ​ຊົນ​ພາຍ​ໃນ ມູູນ​ຄ່າ​ການ​ລົງທຶນ 4 ລ້ານ​ໂດ​ລາ ເນື້ອທີ່​ຂຸດ​ຄົ້ນ​ທັງ​ໝົດ 4 ເຮັກ​ຕາ ໂດຍ​ແມ່ນ​ບໍລິສັດ ລາວ​ໄອ​ເອັດ​ຊີມາຍ​ນິງ​ ຈຳກັດ ​ຜູ້​ດຽວ ເປັນ​ຜູ້​ລົງທຶນ​ຂຸດ​ຄົ້ນ. ໂອກາດ​ນີ້ ທ່ານ​ເຈົ້າແຂວງ​ຫຼວງ​ພະ​ບາງ​ໄດ້​ມີ​ຄຳ​ເຫັນ​ວ່າ: ການ​ສຳ​ປະທານ​ໂຄງການ​ຂຸດ​ຄົ້ນ ແລະ ​ປຸງ​ແຕ່ງ​ຫີນ​ອ່ອນ ຢູູ່​ບ້ານ​ແດນ​ສະຫວ່າງ ນະຄອນ-ຫຼວງ​ພະ​ບາງ ເປັນ​ໂຄງການ​ລິ​ເລີ່ມ​ໃນ​ການ​ພັດທະນາ​ຊັບພະຍາກອນ​ທຳ​ມະ​ຊາດ​ທີ່​ມີ​ຢູູ່​ທ້ອງຖິ່ນ​ໃຫ້​ເປັນ​ສິນ​ຄ້າ​ສົ່ງ​ອອກ ທີ່​ໄດ້​ມາດຕະຖານ​ສາກົນ ແລະ​ ກາຍ ເປັນ​ຜະລິດ​ຕະ​ພັນ ທີີ່​ຈະ​ເປັນ​ສິນຄ້າ​ໃໝ່​ຂອງ​ປະເທດ​ລາວ ກໍຄື​ຂອງ​ແຂວງ​ຫຼວງ​ພະ​ບາງ​ໃນ​ອະ​ນາ​ຄົດ.
ໃຫ້​ກຽດ​ລົງ​ນາມ​ສັນຍາ​ຝ່າຍ​ອົງການ​ປົກຄອງ​ແຂວງ​ຫຼວງ​ພະ​ບາງ ຕາງໜ້າ​ໂດຍ ທ່ານ ນາງ ສີ​ລີ​ພອນ ສຸພັນ​ທອງ ຫົວໜ້າ​ພະ​ແນ​ກ​ແຜນການ ແລະ ການ​ລົງທຶນ​ແຂວງ ຝ່າຍ​ບໍລິສັດ​ສຳ​ປະທານ​ຕາງໜ້າ​ໂດຍ ທ່ານ ປີ​ຊາ​ໄຊ ແກ້ວ​ໄຊ​ຍະ​ຈັກ ປະທານ​ບໍລິສັດລາວ​ໄອ​ເອັດ​ຊີມາຍ​ນິງ​ ຈຳກັດ​ຜູ້​ດຽວ ໂດຍ​ມີ​ຄະນະ​ກຳມະການ​ຄຸ້ມ​ຄອງ​ການ​ລົງທຶນ​ຂອງ​ລັດ ແລະ​ຜູ້​ເຂົ້າ​ຮ່ວມ​ເປັນ​ສັກຂີ​ພິຍານ.
(ຂ່າວ: ອາ​ພຸດ​ເດດ ບຸບຜາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110