ໜັງສືພິມ ປະຊາຊົນ

ກອງປະຊຸມປັບປຸງຂໍ້ມູນການທ່ອງທ່ຽວ ແລະ ອະນຸລັກ ເຂດປ່າສະຫງວນແຫ່ງຊາດນຳ້ຫ້າ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 22/09/2020 10:28:41 ຈຳນວນຢ້ຽມຊົມ 2640 ຄັ້ງ

ໂຄງການອະນຸລັກຊີ ວະນາໆພັນ ແລະ ປ່າໄມ້ແບບປະສົມປະສານປັບປຸງຂໍ້ມູນການທ່ອງທ່ຽວແລະການອະນຸລັກສຳລັບເຂດປ່າສະຫງວນແຫ່ງຊາດນໍ້າຫ້າ ໄດ້ຈັດກອງປະຊຸມຂຶ້ນ ທີ່ຫ້ອງປະຊຸມພະແນກກະສິກຳ ແລະ ປ່າໄມ້ແຂວງຫຼວງນໍ້າທາ ຫວ່າງບໍ່ດົນຜ່ານມາ ໂດຍການເຂົ້າຮ່ວມຂອງ ທ່ານ ທວງ ນາມວົງສາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ, ມີຜູ້ຕາງໜ້າຈາກກອງຄຸ້ມຄອງປ່າສະຫງວນ, ພະແນກ ຖວທ ແຂວງ, ບໍລິສັດ ແລະ ໜ່ວຍງານດຳເນີນການທ່ອງທ່ຽວ, ຊາວບ້ານ 12 ບ້ານເຂົ້າຮ່ວມໂຄງການອະນຸລັກຊີວະນາໆພັນ ແລະ ປ່າໄມ້ແບບປະສົມປະສານເປັນໂຄງການພັດທະນາໜຶ່ງຂອງລັດຖະບານລາວ ຊຶ່ງໄດ້ຮັບທຶນສະໜັບສະໜູນຈາກລັດຖະບານສະຫະພັນເຢຍລະມັນ, ໂດຍຜ່ານທະນາຄານ KFW ຂອງກະຊວງກະສິກໍາແລະ ປ່າໄມ້ ໂດຍສະເພາະແມ່ນກົມປ່າໄມ້ເປັນຜູ້ຈັດຕັ້ງປະຕິບັດໂຄງການ ໂດຍຮ່ວມມືກັບຂະແໜງການຕ່າງໆທີ່ກ່ຽວຂ້ອງ ແລະ ບັນດາຄູ່ຮ່ວມທັງຂັ້ນສູນກາງຫາຂັ້ນທ້ອງ ຖິ່ນ, ການຊ່ວຍເຫຼືອຈາກໂຄງການອະນຸລັກຊີວະນາໆພັນ ແລະປ່າໄມ້ແບບປະສົມປະສານເຂົ້າໃນການທ່ອງ ທ່ຽວແບບອະນຸລັກລວມກັບກິດຈະກໍາຕ່າງໆທີ່ແນໃສ່ເພື່ອປັບປຸງແກ້ໄຂ ແລະ ສ້າງຄວາມເຂັ້ມແຂງໃຫ້ແກ່ວຽກງານຄຸ້ມຄອງເຂດປ່າສະຫງວນ, ມີການສົມທົບຮ່ວມງານກັບຂະແໜງການທ່ອງທ່ຽວແບບອະນຸລັກ, ເພາະວ່າການທ່ອງທ່ຽວແບບອະນຸລັກເປັນກິດຈະການໜຶ່ງທີ່ມີບົດບາດສຳຄັນໃນຖານະທີ່ເປັນແຫຼ່ງສ້າງລາຍຮັບໃຫ້ແກ່ຊາວບ້ານ ແລະ ປະກອບສ່ວນທຶນເຂົ້າໃສ່ບັນດາປ່າສະຫງວນແຫ່ງຕ່າງໆ. ອີກຢ່າງກໍເພື່ອແນໃສ່ສົ່ງເສີມ ແລະ ເພີ່ມຄວາມເຂັ້ມແຂງໃນການເຊື່ອມໂຍງລະຫວ່າງເປົ້າໝາຍການທ່ອງທ່ຽວແບບອະນຸລັກ ເຮັດໃຫ້ວຽກງານມີປະສິດທິພາບ, ບັນດາໜ່ວຍງານເຈົ້າໜ້າທີ່ເຂດປ່າສະຫງວນ ບັນດາສຳນັກງານການທ່ອງທ່ຽວ ຜູ້ປະສານງານປັບປຸງແບບແຜນຄຸ້ມຄອງ ເພື່ອຊອກຫາຊ່ອງທາງທີ່ອາດເປັນໄປໄດ້ໃຫ້ການແບ່ງໜ້າທີ່ຄວາມຮັບຜິດຊອບ ແລະ ຜົນປະໂຫຍດຕ່າງໆໃຫ້ດີຂຶ້ນກວ່າເກົ່າ ຕິດຕາມກິດຈະກໍາຕ່າງໆ ເຮັດໃຫ້ສາຍເຊື່ອມໂຍງລະຫວ່າງການອະນຸລັກ ແລະ ການທ່ອງທ່ຽວແບບອະນຸລັກຢູ່ເຂດປ່າສະຫງວນແຫ່ງຊາດນໍ້າຫ້າ, ໃນນັ້ນກໍເພື່ອເປັນການທົບທວນຄືນ ແລະ ພິຈາລະນາຄົ້ນຄວ້າ ຕື່ມຂໍ້ມູນໃສ່ຮ່າງບົດສັນຍາສໍາລັບບ້ານຕ່າງໆ ທີ່ເຂົ້າຮ່ວມເຮັດວຽກງານກ່ຽວກັບຜະລິດຕະພັນລາຍການທ່ອງທ່ຽວ, ດຳເນີນການທ່ອງທ່ຽວແບບອະນຸລັກຢູ່ພາຍໃນແລະອ້ອມຂ້າງເຂດປ່າສະຫງວນແຫ່ງຊາດນໍ້າຫ້າ, ພາກສ່ວນມີປະໂຫຍດຮ່ວມ, ໃນນັ້ນລວມເຖິງພະແນກກະສິກຳແລະ ປ່າໄມ້ແຂວງ ໜ່ວຍງານຄຸ້ມຄອງປ່າສະຫງວນແຫ່ງຊາດ ສຳ ນັກງານທ່ອງທ່ຽວ ຜູ້ປະສານງານ ຜູ້ດຳເນີນການທ່ອງທ່ຽວແບບອະນຸລັກ ແລະ ສະມາຄົມການທ່ອງທ່ຽວ.
(ຂ່າວ: ອຸ້ມ)

ຂ່າວທີ່ໄດ້ຮັບຄວາມນິຍົມ