ກອງປະຊຸມວິສາມັນ ຄະນະບໍລິຫານງານ ສກລ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 23/09/2020 09:27:58 ຈຳ​ນວນ​​ຢ້ຽມ​ຊົມ 919 ຄັ້ງ

ກອງ​ປະຊຸມ​ວິສາມັນ ຄະນະ​ບໍລິຫານ​ງານ​ສູນ​ກາງ​ສະຫະ​ພັນ​ກໍາ​ມະ​ບານ​ລາວ (ສກລ) ໄດ້​ຈັດຂຶ້ນ ໃນ​ວັນ​ທີ 22 ກັນຍາ ນີ້ ທີ່​ ສກລ ໂດຍ​ການ​ເປັນ​ປະທານ​ຂອງ​ທ່ານ ປ້ານ ນ້ອຍ​ມະນີ ປະທານ ຄະນະ​ບໍລິຫານ​ງານ ສກລ, ມີ​ບັນດາ​ທ່ານ​ຄະນະ​ບໍລິຫານ​ງານ ສກລ, ປະ ທານ​ສະຫະ​ພັນ​ກໍາ​ມະບານ​ກະຊວງ, ອົງການ, ແຂວງ ແລະ ນະຄອນຫຼວງ​ວຽງ​ຈັນເຂົ້າ​ຮ່ວມ.
ທ່ານ ວັນນາ ດວງ​ພະຈັນ ຮອງ​ປະທານ​ຄະນະ​ບໍລິຫານ​ງານ​  ສກລ ​ໄດ້​ຜ່ານ​ຮ່າງ​ບົດ​ລາຍ​ງານ​ການເມືອງ​ກອງ​ປະຊຸມ​ໃຫຍ່​ຜູ້​ແທນ​ສະຫະ​ພັນ​ກໍາ​ມະ​ບານ​ລາວ​ທົ່ວ​ປະເທດ​ຄັ້ງ​ທີ VIII; ຮ່າງ​ແຜນ​ພັດທະນາ​ວຽກ​ງານ​            ກໍາ​ມະ​ບານ​ລາວ 5 ປີ ຄັ້ງ​ທີ IV; ຮ່າງ​ກົດ​ລະ ບຽບ​ຂອງສະຫະ​ພັນ​ກໍາມະ​ບານ​ລາວ​ສະໄໝ​ທີ VIII; ຮ່າງ​ປັບປຸງ​ເນື້ອ​ໃນ​ຂໍ້​ແຂ່ງຂັນ 5 ເປັນ​ເຈົ້າ​ຂອງ​ສະຫະ​ພັນ​ກໍາ​ມະ​ບານ​ລາວ;ຮ່າງ​ບົດ​ສໍາ​ຫຼວດ​ການ​ນໍາ​ພາຂອງ​ຄະນະ​ບໍລິຫານ​ງານ ສກລ ສະໄໝ​ທີ VII; ທາ​ບ​ທາມ​ຄະນະ​ບໍລິຫານ​ງານ ສກລ ສະໄໝ​ທີ VIII. ພ້ອມ​ນັ້ນ​ກອງ​ປະຊຸມ​ໄດ້​ພ້ອມ​ກັນ​ຄົ້ນຄວ້າ​ແລະ ​ປະ​ກອບ​ຄໍາ​ຄິດ​ຄໍາ​ເຫັນ​ຕໍ່​ບັນດາ​ເນື້ອ​ໃນ​ເອກະສານ​ຂອງ​ກອງ​ປະຊຸມ​ໃຫຍ່​ຜູ້​ແທນ ສກລ ທົ່ວ​ປະເທດ​ຄັ້ງ​ທີ VIII; ພ້ອມ​ຕີ​ລາຄາ​ຢ່າງຮອບດ້ານ ແລະ ພາວະ​ວິໄສ​ຕໍ່​ຜົນງານ​ທີ່​ຄະນະ​ບໍລິຫານ​ງານ  ​ສກລ ແລະ ​ຄະນະ​ບໍລິຫານ​ງານ​ກໍາ​ມະ​ບານ​ແຕ່​ລະ​ຂັ້ນ​ຍາດ​ມາ​ໄດ້​ຕະຫຼອດໄລຍະ 5 ປີ ຜ່ານ​ມາ ​ພ້ອມ​ກັນ​ນັ້ນ​ກໍ ຕ້ອງຊອກ​ໃຫ້​ເຫັນ​ຂໍ້​ຂາດ​ຕົກ​ບົກ​ຜ່ອງ  ​ເພື່ອ​ພ້ອມ​ກັນ​ວາງ​ທິດ​ທາງ​ແກ້ໄຂ​ໃນ​ຕໍ່​ໜ້າ.ທັງ​ໝົດ​ນີ້​ກໍ​ເພື່ອ​ກະກຽມ​ເຂົ້າ​ສູ່​ການ​ດໍາ​ເນີນ​ກອງ​ປະຊຸມ​ໃຫຍ່​ຜູ້​ແທນ​ກໍາ​ມະ​ບານ​ລາວ​ທົ່ວ​ປະເທດ ຄັ້ງ​ ທີ VIII ໃຫ້​ໄດ້ຮັບຜົນສໍາ​ເລັດ​ຢ່າງ​ຈົບ​ງາມ. 
(ຂ່າວ​: ຍຸ​ພິນ​ທອງ+ຫຼ້າ​ທໍ່ ຢາ​ລື)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110